येरमीया 33:11 - Sunuwar Bible11 थुं नाइश्शा बाक्तीक, ग्येरशो सेंदा, ग्युम्ली ग्युम्ले आन सेंदा, कुम्सो पशो सेंदा नु परमप्रभु यावे आ खिंम, गे रिम्शो पाइब बाक्नीनी’ देंशा सेंदा लेंशा नेंसीब। मुर नेल्ल आन परमप्रभु यावे कली ‘परमप्रभु यावे, गे शिशी पाइब बाक्नीनी’ देनीन। मारदे हना मेको रिम्शो पाइब बाक्ब। मेको आ दाक्तीक गेना हना यो बाक्ब। गो रागी ङा मुर आन कली ङोंइती ङा खोदेंशो पा थुं नाइक्चा गेनुङ” दे परमप्रभु यावेम देंत। येरमीया ७:३४; एज्रा ३:११; बजन संग्रह १०६:१ အခန်းကိုကြည့်ပါ။ |
येरमीया 33:11
47 ပူးပေါင်းရင်းမြစ်များ
मिनु हिज्कीयाहम “मुल गे आंमा परमप्रभु यावे कली जिम्मा गेसाक्नी। गेपुकीम चढ़ेतीक नु ‘गे रिम्शो पाइब बाक्नीनी’ दे चढ़ेतीके चाक्शा परमप्रभु यावे आ खिंम जाक्कीन” देंमाक्त। मोपतीके खुम्सीशो मुरपुकीम चढ़ेतीक नु “गे रिम्शो पाइब बाक्नीनी” दे चढ़ेतीक कुरशा जाक्मा बाक्त। मिनु सुइमी ग्येरसीशा चोशा चढ़ेतीके चाक्चा दाक्ताक्म हना, मेको पामे बाक्त।
मिनु तुराही ताप्बपुकी नु कुम्सो पाइबपुकीम खाल का ङा सेंदा पा “परमप्रभु यावे, गे ठेयब बाक्नीनी। गे रिम्शो पाइब बाक्नीनी” दे कुम्सो पतीक मेको आन गेय बाक्माक्त। मिनु मेकोपुकीम तुराही, बुप्केल नु अरु ताप्तीक ताप्शा, परमप्रभु यावे कली “गे रिम्शो पाइब बाक्नीनी। इन दाक्तीके गेना हना यो लीब” दे कुम्सो पामे बाक्त। मिनु परमप्रभु यावे आ खिं गोस्सुम ब्रीमाक्त। १इतिहास १६:३४; भजन संग्रह १०६:१
मिनु मेकोपुकीमी ग्येरशा ७ नाक्त सम्म बोरब ओख्ती मसुप्शो शोब्ले ङा चाड मानेम्तेक्म। मारदे हना परमप्रभु यावेमी मेको आन कली ग्येरपाइश्शो बाक्त। मेकोमी अस्सुर ङा पिप आ थुं हिरशा, मेको आन कली दाक्पाइश्शो बाक्त। मोपतीके मेको पिपमी इस्राएल ङा परमप्रभु आ खिं सेल्चा कली मेको आन कली वारच पाइक्तीमी।
मेकोपुकीम क्येटीम रू ग्याप्नीम। मेको आन नें ब्रेक्शो ग्याप्शो कागज, सांकछी वोइश्शा, छाप थोक्नीम। मोदेंशो बेन्यामीन आ रागी, यरूसलेम आ एर ओंथ, यहूदा ङा सहरम, पहाडीम, शेफेलाहम नु नेगेबम मोदेंशो पाइनीम। मारदे हना गो मेको आन शोंप लेश्शा गेनुङ” दे परमप्रभु यावेम देंत। येरमीया ३२:१५; येरमीया २९:१४,३०
मिनु मेकोमी मार देंत देंशा हना “४ महिना ङा माइजा बाक्तीक, ५, ७ नु १० महिना ङा माइजा बाक्तीके, मुल रे यहूदा ङा मुर ग्येरशा सोम्शा पतीक नाक्त दुम्चा माल्नीम। मेको ग्येरशा बाक्तीक चाड दुम्चा माल्नीम। मोपतीके गे थमा लोव़ पचा नु थुं नाइक्चा दाक्तीन” दे मुर नेल्ल आन परमप्रभु यावेमी देंत। जकरिया ७:३,५
ကြော်ငြာတွေ