येरमीया 32:24 - Sunuwar Bible

²⁴ कोव़ङीन, एको सहर आन के सेल्‍चा कली नु गारो ङोइक्‍चा कली लां सेल्‍चा कली मार मार तेल्‍तेक्‍म। मेको सहर कली तरवार, अन्‍काल नु मुर बेक्‍तीक रोइम पतीके, मेको लडाइ तोइब कल्‍दी आन गुइम दुम्‍त। गे मार देंनी, मेको दुम्‍त। गे आंमा ताइनीनी।

येरमीया 32:24 ပူးပေါင်းရင်းမြစ်များ

२ सामुएल 20:15

योआब आ लडाइ पाइब मुर नेल्‍ल जाक्‍शा, आबेल ङा बेथ-माकाह कली पुम्‍दमे बाक्‍त। मिनु सहर ङा गारो गे मार मार तेल्‍शा, गारो ङोइक्‍तीक ठीक पामे बाक्‍त। मिनु योआब आ लडाइ पाइबपुकीमी गारो प्रेत्‍चा गोव़मे बाक्‍त।

यसैया 37:33

मोपतीके परमप्रभु यावेमी अस्‍सुर ङा पिप आ पर्बम “मेको सहरम मजाक्‍ब। ब्रा का यो मआप्‍ब। सहर आ ङोंइती ब्रा तेक्‍तीके मकुरनीम। सहर ओव़चा कली गारो ङोइक्‍तीक मसेल्‍नीम।

येरमीया 16:4

“मेकोपुकी मसाब रोइम बेक्‍नीम। मेको आन पर्बम सुइम रोंका मपाइनीम। मेको आन कली सुइम मथिम्‍नीम। मेकोपुकी खपीम मोव़ल खोदेंशो पा बाक्‍नीम। मेको तरवार नु अन्‍कालम बेक्‍नीम। आन बेक्‍शो रां सरीङ ङा चिक्‍ब नु रागी ङा जन्‍तु आन ब्‍वतीक थोव़क दुम्‍नीम” देंत। येरमीया ९:२१

येरमीया 20:5

गो एको सहर ङा शोंप नेल्‍ल, आ चेम्‍शो क्‍येट नेल्‍ल, आ शुश क्‍येट लाइब थोव़क नेल्‍ल नु यहूदा ङा पिप आन शोंप नेल्‍ल आन जोरी सत्रु आन कली गेनुङमी। मेकोपुकीमी आन मारेइ मारेइ रोइश्‍शा, मेको आन कली ग्‍याइश्‍शा बेबीलोन लाइक्‍नीम। यहोसु ३९:६

येरमीया 24:10

गो मेको आन कली तरवार, अन्‍काल नु मुर बेक्‍तीक रोइ सोइक्‍नुङ। मेको आन कली नु आन किकी पिपी आन कली गेशो रागी रे मेको नेल्‍ल मबेक्‍मा सम्‍म मो पाइनुङ” दे परमप्रभु यावेमी देंत।

येरमीया 29:17

मुर नेल्‍ल आन परमप्रभु यावेमी “गो मेको आन पर्बम तरवार, अन्‍काल नु मुर बेक्‍तीक रोइ सोइक्‍नुङ। मिनु गो मेको आन कली राक्‍शो फोव़शी गेडा खोदेंशो सेल्‍नुङमी। मिनु मेको थाम्‍पा राक्‍शा ब्‍वचा मदुम्‍चा ङा बाक्‍नीम। येरमीया २४:८-१०

येरमीया 29:18

गो मेको आन कली तरवार, अन्‍काल नु बेक्‍चा ङा रोइमी खेदा पाइनुङमी। मिनु गो मेको आन कली राज्‍य नेल्‍लेमी शुश हिंचा ङा सेल्‍नुङमी। मेकोपुकी आं खेरशो रागी नेल्‍ल आन दातेमी, सराप पाइक्‍तीके, शुश हिंतीके, शुक्‍शी पाइक्‍तीके नु मुने तोक्‍तीके सेल्‍नुङमी। ब्‍यवस्‍था २८:३७

येरमीया 32:25

मो हना यो परमप्रभु, परमप्रभु यावे, गे आं कली ‘एको सहर कल्‍दी आन गुइम दुम्‍त हना यो, क्‍येट गेशा, सांकछी आन कली ब्रेश्‍शा, रू ग्‍यापो’ देंतीनी” दे येरमीया देंत।

येरमीया 32:28

मोपतीके परमप्रभु यावेमी “गो एको सहर कल्‍दी आन गुइ नु बेबीलोन ङा पिप नेबुकदरेसर आ गुइम गेचा चिक्‍ताक्‍ङ। मिनु मेकोमी एको सहर ग्राब।

येरमीया 32:3

यहूदा ङा पिप सिदकीयाहम मेको कली मेकेर चोक्‍शो बाक्‍त। मिनु मेकोमी “गे मारदे मोदेंशो पा परमप्रभु यावे आ लोव़ पाइनेवे? परमप्रभु यावेमी ‘गो एको सहर बेबीलोन ङा पिप आ गुइम गेचशो बाक्‍नुङ। मिनु मेकोमी एको आंम के सेल्‍ब। येरमीया २१:७; येरमीया ३४:२

येरमीया 32:36

मोपतीके परमप्रभु यावे, इस्राएली आन परमप्रभुमी “गेपुकीमी एको सहर आ पर्बम ‘तरवार, अन्‍काल नु मुर बेक्‍तीक रोइम बेबीलोन ङा पिप आ गुइम गेशो बाक्‍ब’ देंनीनी।

येरमीया 32:5

मेकोमी सिदकीयाह कली बेबीलोन लाइक्‍ब। मिनु गो मेको कली मकोव़ङु सम्‍म मेकेर बाक्‍ब। गे कल्‍दी नु लडाइ पाप्‍तीवी हना मग्रा‍नेवे’ दे परमप्रभु यावे आ लोव़ पवी” देंशा चोक्‍शो बाक्‍त। येरमीया ५२:११

येरमीया 33:4

इस्राएली आन परमप्रभु यावेमी “एको सहर ङा खिं नु यहूदा ङा पिप आन खिं प्रेश्‍शा, कल्‍दी नु लडाइ पचा कली सहर आगा रे यो गारो ङोइक्‍तीक लां सेल्‍नीम। यसैया २२:१०

येरमीया 34:17

मोपतीके परमप्रभु यावेमी “गेपुकीम आं देंशो मटिनी। मिनु आंम रागी ङा आंम नेक्‍था ङा मुर नु आंम वारच आन कली वाइलीम वाइल दुम्‍तीक रे मप्रोंइनी। मोपतीके गो मुल इन कली प्रोंइनन्‍नी। गो इन कली तरवार, मुर बेक्‍तीक रोइ नु अन्‍कालम साइक्‍पाइक्‍चा कली प्रोंइनन्‍नी। गो इन कली राज्‍य नेल्‍लेम शुश हिंचा ङा सेल्‍नन्‍नी।

येरमीया 52:4

सिदकीयाहम सासन पवा आ ९ बर्स, १० महिना, १० नाक्‍त बेबीलोन ङा पिप नेबुकदरेसरमी आ लडाइ पाइब नेल्‍ल कुरशा, यरूसलेम नु लडाइ पथ जाक्‍त। मिनु मेकोपुकीमी सहर आ लाङगा रे पुम्‍ताक्‍म। सहर ङा गारो ङोइक्‍चा कली एर ओंथ ङोइक्‍तीक सेल्‍तेक्‍म।

येरमीया 52:6

मिनु ४ महिना ङा ९ नाक्‍ती सहरम थम ठेयब अन्‍काल दुम्‍त। मिनु मेको सहर आ आगामी जचा कली मारेइ मबा।

येरमीया 6:6

मुर नेल्‍ल आन परमप्रभु यावेम “मेको आ रवापुकी क्‍योरशा तिमीन। मिनु यरूसलेम ङा गारो ङोइक्‍तीक सेलीन। मेको सहर कली सजाइ गेचा माल्‍ब। मेको सहर मरिम्‍शो पतीकेम ब्रीशो बाक्‍ब।

इजीकीएल 14:21

परमप्रभु, परमप्रभु यावेमी “गो यरूसलेमम आं ४ ओटा हिंचा ङा श्‍येत तरवार, अन्‍काल, ब्‍वाकी ङा जन्‍तुपुकी नु मुर बेक्‍तीक रोइ सोइश्‍शा मेकेर ङा मुर नु बी ब्‍यफ, क्‍यारश भेडा आन कली साइक्‍तामी हना, सुइ मब्रोंइम वा। इजीकीएल ५:१७; लेवी २६:१६-२५; येरमीया १५:३; प्रकाश ६:८

इजीकीएल 21:22

मेको आ ग्‍युरा गुइम यरूसलेम कली बाजी दुम्‍‍त। मेकेर गारो ङोइक्‍चा कली शी फुल्‍लु तेल्‍शा, लडाइ पचा कली, ग्रीचा कली ठेयब लाप्‍चो गे शी फुल्‍लु तेल्‍शा सहर पुम्‍चा कली, लाइश्‍शो खिं सेल्‍चा माल्‍नीम। इजीकीएल ४:२

इजीकीएल 21:27

मारेइ मारेइ ब्रेश्‍शो बाक्‍ब। मेको गो पाता। मेको मोदेंशो गेनायो मदुम्‍शो बाक्‍त। मेको सासन पचा कली शिरशो दुम्‍शा जाक्‍त हना, मेको कली गेनुङ” देंत। उत्‍पत्ती ४९:१०

इजीकीएल 26:8

मिनु एर ओंथ ङा सहर ङा मुर नेल्‍ल तरवारम साइक्‍चा पुंइसीनीम। मेको बेबीलोन ङा लडाइ पाइबपुकीमी सहर कली पुम्‍नीम। गारो ङोइक्‍तीक सेल्‍नीम। मिनु तेक्‍तीक कुरशो शुश लडाइ पाइब इ गे बारनीम।

इजीकीएल 4:2

मिनु मेको कली पुम्‍शो कोंइदो। मेको आ एर ओंथ लडाइ पचा कली लाइश्‍शो खिं सेलो। मिनु मेको आ गारो ङोइक्‍चा कली खप तेलो। एर ओंथ लडाइ पाइब आन बाक्‍तीक सेलो। मिनु आ एर ओंथ मेको गारो प्रेत्‍चा कली मुडा ठीक सेलो।

हबकुक 1:10

मिनु पिप आन पर्बम शुक्‍शी पाइनीम। हुकुम पाइब आन पर्बम तोक्‍शो लोव़ पा रित्‍नीम। मेकोपुकीमी बोल्‍यो दरवार आन पर्बम ‘गो ग्रानय’ दे खप तेल्‍शा ङोइश्‍शा लशा, आंम के सेल्‍नीम।

जकरिया 1:6

तन्‍न गो आं गेय पाइब, आं लोव़ पाइब आन कली पशो लोव़ नु आं फुल्‍लुम मुशा ब्रेक्‍शो लोव़ इन किकी पिपी आन पाला रे मुल सम्‍म मबाक्‍म ङा?’ मिनु मेकोपुकी परमप्रभु यावे गे लेत्‍चा माल्‍‍शा, मेकोपुकीमी ‘मुर नेल्‍ल आन परमप्रभु यावेमी आंइ मरिम्‍शो लां नु आंइ मरिम्‍शो पशो आ पर्बम आ देंशो खोदेंशो पा पाप्‍तु’ देंतेक्‍म” दे मुर नेल्‍ल आन परमप्रभु यावेमी देंत।

मत्ती 24:35

सरीङ नु रागी नेल्‍ल जाम्‍शा लाइनीम, आं लोव़ चहिं गेना हना यो लीब। मत्ती ५:१८; यसैया ५१:६

ब्‍यवस्‍था 4:26

गो मुलाक्‍ती सरीङ नु रागी कली इन दूली पशो आ पर्बम सांकछी वोइक्‍नुङ। गे यर्दन आइक्‍ची हांबु ङा इन के सेल्‍चा चिक्‍शो रागीम रीब पा खतम दुम्‍नीनी। गे शुश नाक्‍त मेकेर बाक्‍चा मताइनीनी। गे क्‍याम्‍चा पुंइसीनीनी। ब्‍यवस्‍था ३०:१९; ब्‍यवस्‍था ३१:२८; ब्‍यवस्‍था ३२:१;