येरमीया 31:7 - Sunuwar Bible7 परमप्रभु यावेमी “याकूब आ पर्बम ग्येरशा ठेयब सेंदा पा कुम्सो पने। मिनु रागी रागी ङा नेल्ल क्येङा ठेयब रागी आ पर्बम ठेयब सेंदा पा ग्रीङीन। मिनु परमप्रभु यावेम आ मुर आन कली श्येत रे प्रोंइतु। इस्राएल ङा लीशो आन कली प्रोंइतु। အခန်းကိုကြည့်ပါ။ |
येरमीया 31:7
37 ပူးပေါင်းရင်းမြစ်များ
मेकोपुकी जाक्शा इर सियोनम ठेयब सेंदा पा कुम्सो पाइनीम। मेकोपुकीम परमप्रभु यावे आ रिम्शो पशो आ पर्बम ग्येरनीम। अन्न, अङगुर शांबु नु तेल तशा, क्यारश भेडा आन पाठा नु बी ब्यफ आन कली तशा ग्येरनीम। मेको ब्वाक्कुम जिश्शो फल फुल रू खोदेंशो दुम्नीम। मेकोपुकी लेंशा गेनायो सुर्ता मपाइनीम। येरमीया ५८:१
मोपतीके मुर नेल्ल आन परमप्रभु यावे, इस्राएली आन परमप्रभुमी ‘गो ब्रोंइशा बाक्शो खोदेंशो पा, मोआब सोदोम खोदेंशो नु अम्मोन गोमोररा खोदेंशो दुम्ब। मेको आन बाक्तीके चूले वाशो नु हिक्सी खाल्टा बाक्शो रागी दुम्ब। मेको गेना हना यो मुर मबाक्तीक रागी दुम्ब। आं लीशो मुरपुकीमी मेको आन मार मार रोइक्नीम। मिनु आं रागी ङा ब्रोंइशो मुरपुकीमी मेकेर हुकुम पाइनीम। उत्पत्ती १९:२४-२५
गे रागी रागी ङा मुरपुकी, ग्येरसीशो मेको आ मुर बाक्नीनी। मिनु नेल्लेमी परमप्रभु कली मान पने। मारदे हना मेकोमी आ गेय पाइब आन हुश आ क्येक्क लेप्ब। आ मुर आन कली मरिम्शो पाइब आन कली क्येक्क लेप्ब। मिनु मेको आन कली काइ मदाक्ब आन कली क्येक्क लेप्ब। मिनु मेकोमी आ मुर आन रागी कली लेंशा रिम्शो सेल्ब” दे मोसामी कुम्सो पाप्तु। रोमी १५:१०; ब्यवस्था २१:८; गन्ती ३५:३३-३४
ကြော်ငြာတွေ