येरमीया 31:40 - Sunuwar Bible

⁴⁰ बेक्‍शो मुर आन बेंसी नेल्‍ल पुलु ताइक्‍तीक दिंम नु किद्रोन कोल्‍सा सम्‍म ङा रू नेल्‍ल नु शारा लाप्‍चो ङा कुना सम्‍म परमप्रभु यावे के दुम्‍ब। मिनु मेको गेनायो तुल्‍शा खतम मपोक्‍सीब” देंत।

येरमीया 31:40 ပူးပေါင်းရင်းမြစ်များ

२ सामुएल 15:23

पिप मोपा गाक्‍मेनु लांम बाक्‍ब मुर नेल्‍ल ङाक्‍मा बाक्‍त। पिप किद्रोन खोला शोक्‍शा गोरशो रागी गे लमा बाक्‍त।

२ राजा 11:16

मिनु मेको कली ग्‍याइश्‍शा, शारा वोइक्‍तीक लाइश्‍शा, सदमे बाक्‍त।

२ राजा 23:12

आहाज आ तार ङा कोठा ङा कौसीम यहूदा ङा पिपपुकीम सेल्‍शो चढ़ेतीकपुकी नु परमप्रभु यावे आ खिं ङा लाङगा निम्‍फा गे ङा मनस्‍सेम सेल्‍शो चढ़ेतीकपुकी प्रेश्‍शा, फस पोक्‍शा, मेको नेल्‍ल किद्रोन खोल्‍साम ताइक्‍पदा बाक्‍त। २इतिहास २८:२४; २राजा २१:४-५

२ राजा 23:6

मेकोमी अशेराह देवी आ मूर्ति पाइश्‍शो थाम परमप्रभु यावे आ खिं यरूसलेम रे ग्रुंइशा, किद्रोन खोल्‍साम लाइश्‍शा चोपाइक्‍मी बाक्‍त। मिनु मुरपुकीम मेको कली फुरक सेल्‍मे बाक्‍त। मिनु मेको आइक्‍च मुर आन तुरसुम फ्रामे बाक्‍त। २राजा २१:७

२ इतिहास 23:15

मिनु मेकोपुकीम मेको कली ग्‍याइक्‍तमे बाक्‍त। मिनु पिप आ दरवार ङा शारा लाप्‍चोम लाइश्‍शा, सदमे बाक्‍त।

नेहेम्‍याह 3:28

शारा लाप्‍चो आ ग्‍येत्‍थ गे चढ़ेबपुकीमी आन खिं ङोंइङोंइती ङा गारो प्रोव़तेक्‍म। २राजा ११:३६

भजन संग्रह 48:9

परमप्रभु, गो इन खिंमी बाक्‍शा, इन गेना हना यो दाक्‍तीके मिम्‍शा, बाक्‍नीकी।

यसैया 51:22

परमप्रभु यावे, इ होव़प दुम्‍शा परमप्रभुमी “गो आं मुर आन कली वारच पाइब बाक्‍नुङ। गो इ दिङ दाङ गोल्‍पाइक्‍ब कचौरा इ गुइ रे लाइक्‍ता। मुल रे गे आं गाइक्‍तीक कचौरा लेंशा तूचा ममाल्‍नेवे।

येरमीया 1:10

नेनो, मुलाक्‍ती गो इ कली रागी रागी नु राज्‍य आन पर्बम लोव़ पाइब सेल्‍तन। तुल्‍चा नु प्रेत्‍चा कली, खतम पोक्‍चा, ग्रांग्‍ये माग्‍ये पपाइक्‍चा नु सेल्‍चा नु ख्रुम्‍चा कली वोइक्‍तन” देंत। येरमीया १८:७-१०

येरमीया 18:7

गो याम कामीन तेकोइ रागी, तेकोइ राज्‍य आन कली तुल्‍शा ताइश्‍शा, जिक्‍शा खतम सेल्‍नुङ। गो मेको पने चाप्‍नुङ। येरमीया १:१०

येरमीया 32:36

मोपतीके परमप्रभु यावे, इस्राएली आन परमप्रभुमी “गेपुकीमी एको सहर आ पर्बम ‘तरवार, अन्‍काल नु मुर बेक्‍तीक रोइम बेबीलोन ङा पिप आ गुइम गेशो बाक्‍ब’ देंनीनी।

येरमीया 8:2

मिनु मेको रुश नेल्‍ल, नां, तास्‍ला नु सोरुल आन ङोंइती फ्रचा माल्‍नीम। मारदे हना मेको मुरपुकीमी मेको आन कली गेय पा शुश दाक्‍ताक्‍म। मेको आन नोले खोइक्‍ब दुम्‍‍तेक्‍म। मेको आन कली लां कोंइब सेल्‍शा पूजा पाम्‍तेक्‍म। मेको रुश आन कली खुप्‍शा थिम्‍चा मदुम्‍ब। मेको खप कली मोव़ल दुम्‍चा माल्‍नीम। ब्‍यवस्‍था ४:१९

इजीकीएल 37:2

मेकोम आं कली मेको रुश बाक्‍तीकेम एर ओंथ पपाइक्‍ती। मेको बेंसीम शुश रुश बाक्‍तेक्‍म। मेको थाम्‍पा सोव़शो बाक्‍तेक्‍म।

इजीकीएल 37:25

मिनु मेकोपुकी आं गेय पाइब याकूब कली गेशो रागीम बाक्‍नीम। मेकेर आन किकी पिपी बाक्‍शो बाक्‍तेक्‍म। मिनु मेकेर मेको आन आल, चच युइ गेना हना यो बाक्‍नीम। मिनु आं गेय पाइब दाऊद गेना हना यो मेको आन कली सासन पाइब दुम्‍ब। लूका १:३२-३३

इजीकीएल 39:29

मुल रे गो आं कुल मेको आन ङोंइती रे गेनायो मख्रुइक्‍नुङ। मारदे हना गो आं सोक्‍त इस्राएल आ खिं ङा मुर आन तार मोइक्‍नुङ” दे परमप्रभु, परमप्रभु यावेमी देंत। इजीकीएल ३६:२६-२७; योएल ३:१

इजीकीएल 48:35

मिनु सहर आ एर ओंथ हिरशो गारो १८ हजार कुबीत दुम्‍ब। मेना रे मेको सहर आ नें ‘परमप्रभु यावे मेकेर बाक्‍ब’ देंशो नें वोइक्‍चा माल्‍ब” दे परमप्रभु यावेमी देंत। इजीकीएल ४३:७; यसैया ६०:१४; प्रकाश २१:३

योएल 3:17

“गो, परमप्रभु यावे, इन परमप्रभु आं डांडा सियोनम बाक्‍नुङ, दे गे तुइक्‍नीनी। मिनु यरूसलेम आं के दुम्‍ब। मिनु रागी रागी ङा मुर मेको सहर ङा लां रे पा मलाक्‍नीम। इजीकीएल ३४:३०

जकरिया 14:11

मिनु यरूसलेममी मुरपुकी बाक्‍नीमी। मिनु मेको गेनायो लें‍शा खतम मसेल्‍नी‍म। यरूसलेम मारेइ मदुम्‍थु बाक्‍ब। प्रकाश २२:३; येरमीया ३३:१६

जकरिया 14:20

मेको नाक्‍ती शारा आन किङगोम यो “परमप्रभु यावे कली ला बाक्‍नीम” दे मुशा ब्रेक्‍शो बाक्‍ब। मिनु परमप्रभु यावे आ खिं ङा क्‍येतीक ग्‍योंबपुकी, चढ़ेतीक आ ङोंइती बाक्‍शो ग्‍योंब खोदेंशो पा “परमप्रभु यावे केन बाक्‍नीम” दे ब्रेक्‍शो बाक्‍ब। प्रस्‍थान २८:३६

यूहन्‍ना 18:1

मिनु येसुमी परमप्रभु यावे नु मेको लोव़ पने थुम्‍शा, आ शेंसीबपुकी नु किद्रोन खोल्‍सा आइक्‍ची हांबु लाम्‍तेक्‍म। मेकेर फल फुल रवा बाक्‍शो रिम्‍शो बाक्‍तीक बाक्‍त। मिनु येसु आ शेंसीबपुकी नु मेकेर ओव़तेक्‍म।