येरमीया 31:37 - Sunuwar Bible

³⁷ परमप्रभु यावेमी “सरीङ कली पुक्‍ने जाप्‍त हना, रागी आ जग माल्‍शा ग्रुंइने चाम्‍साक्‍व हना, ला गो इस्राएल आ आल आन कली तिल्‍नुङमी” देंत।

येरमीया 31:37 ပူးပေါင်းရင်းမြစ်များ

अय्‍युब 38:18

गे रागी गिश ठेयब बाक्‍बा, दे तुइक्‍‍नेवे? गे मेको नेल्‍ल तुइक्‍नेवे हना, आं कली देनो।

भजन संग्रह 89:2

गे इन दाक्‍तीक गेना हना यो लीपाइक्‍चा कली वोइक्‍तीनी। इन दाक्‍शा गेनायो मप्रोंइतीके सरीङ खोदेंशो ठेयब बाक्‍ब।

हितोपदेस 30:4

सु स्‍वर्ग लशा, लेश्‍शा यिशो बाक्‍बा ङा? सुम फश कली आ गुइमी ग्‍याइक्‍ने चाप्‍बा ङा? सुम समुन्‍द्र ङा ब्‍वाक्‍कु कुम्‍लो पने चाप्‍बा ङा? सुम रागी आ सुर सेला? मेको आ नें मार बाक्‍बा? मेको आ तौ आ नें मार बाक्‍बा? गे तुइक्‍नेवे हना” देनो। अय्‍युब ३८:२८-३४

यसैया 40:12

सुमी ब्‍वाक्‍कु नेल्‍ल आ योलम पुक्‍गा? सुमी सरीङ बित्‍ताम थाप्‍ता? सुमी रागी ङा फुरक पुक्‍तीकेम पुक्‍गा? सुमी डांडा आन कली नाक्‍शा, पहाड आन कली नाक्‍तीक तारी वोदा?

यसैया 54:9

मिनु लेंशा “मेको आं कली नोआह आ नाक्‍ती खोदेंशो बाक्‍ब। दोपा गो नोआह आ पाला ङा ब्‍वाक्‍कुम लेंशा रागी कली मसुम्‍ब, दे कसम जङा, मोपा गे नु मगाइक्‍नुङ, दे कसम जाता। मिनु गो इ कली महुइक्‍नुङ। उत्‍पत्ती ९:११-१७

यसैया 65:9

मिनु गो याकूब आ चच युइ रे जाक्‍पाइक्‍नुङ। मिनु यहूदा आ थर ङा आं डांडा ताइब मुर ग्रुंइनुङ। मेको आं योव़शो मुर आन के दुम्‍शा, आं गेय पाइब आन बाक्‍तीके दुम्‍ब।

येरमीया 30:11

मारदे हना गो इ कली प्रोंइचा कली गे नु बाक्‍नुङ। इन कली फ्रशा वोइश्‍शो रागी रागी ङा मुर नेल्‍ल आन कली साइक्‍नुङमी। तन्‍न गो इ कली गेनायो मक्‍याम्‍नुङ। गो इ कली ठीक सजाइ गेनुङ। गो इ कली थमा पा सजाइ मगेथु, मप्रोंइनुङ” दे परमप्रभु यावेमी देंत। येरमीया १०:२४; ब्‍यवस्‍था ८:५

येरमीया 33:22

दोपा सरीङ ङा सोरुल हिक्ने मचाप्‍चा ङा बाक्‍नीमी नु समुन्‍द्र ङा बाल्‍वा पुक्‍ने मचाप्‍चा ङा बाक्‍बा, मोपा गो आं गेय पाइब दाऊद आ चच युइ नु आं कली गेय पाइब लेवी आ थर ङा मुर आन कली सोपाइश्‍शा बोपाइश्‍शा शुश सेल्‍नुङमी” देंत। उत्‍पत्ती १५:५

येरमीया 46:28

आं गेय पाइब याकूब गे महिनो। मारदे हना गो गे नु बाक्‍शो बाक्‍नुङ। गो इ कली तेको रागी ङा मुर आन दातेमी ब्रपदु, मेको रागी ङा मुर नेल्‍ल आन कली क्‍याम्‍‍नुङमी। तन्‍न गो इ कली मक्‍याम्‍‍नुङ। गो इ कली ठीक सजाइ गे‍नुङ। गो इ कली सजाइ मगेथु मप्रोंइनुङ” देंत। येरमीया १०:२४; येरमीया ३०:११