येरमीया 31:28 - Sunuwar Bible

²⁸ गो दोपा मेको आन कली तुल्‍चा, प्रेत्‍चा, ताइक्‍चा नु खतम पोक्‍चा कली मरिम्‍शो पङा, मोपा गो मेको आन कली सेल्‍चा नु ख्रुम्‍चा कली कोव़नुङ। येरमीया १:१०

येरमीया 31:28 ပူးပေါင်းရင်းမြစ်များ

अय्‍युब 29:2

“गो ङोंइती ङा खोदेंशो बाक्ङ हना! मेना परमप्रभुमी आं कली कोव़शो बाक्‍‍त।

भजन संग्रह 102:16

मारदे हना परमप्रभु यावेमी सियोन कली लेंशा सेल्‍ब। मिनु आ छेङछेङमी ग्रूब।

भजन संग्रह 147:2

परमप्रभु यावेमी यरूसलेम कली सेल्‍ब। मेकोमी इस्राएल रे खेरशो ब्रशा बाक्‍शो मुर आन कली खुप्‍ब।

भजन संग्रह 69:35

मारदे हना परमप्रभुमी सियोन कली प्रोंइब। मिनु यहूदा ङा सहरपुकी लेंशा सेल्‍ब। मिनु मुरपुकी मेकेर बाक्‍शा, मेको आन के दुम्‍ब।

येरमीया 1:10

नेनो, मुलाक्‍ती गो इ कली रागी रागी नु राज्‍य आन पर्बम लोव़ पाइब सेल्‍तन। तुल्‍चा नु प्रेत्‍चा कली, खतम पोक्‍चा, ग्रांग्‍ये माग्‍ये पपाइक्‍चा नु सेल्‍चा नु ख्रुम्‍चा कली वोइक्‍तन” देंत। येरमीया १८:७-१०

येरमीया 1:12

मिनु परमप्रभु यावेमी “गे ठीक ताप्‍तीवी। मारदे हना गो आं लोव़ नेल्‍ल दुम्‍ल, दे योव़की पा बाक्‍ती” देंत। येरमीया ३१:२८

येरमीया 24:6

गो मेको आन कली रिम्‍शो दुम्‍पाइक्‍चा कली कोव़नुङ। मिनु गो मेको आन कली एको रागीम लेश्‍शा चाक्‍नुङमी। गो मेको आन थुं बारपाइक्‍नुङमी। आन थुं लुक्‍च मलपाइक्‍नुङमी। गो मेको आन कली ख्रुम्‍नुङमी। मतुल्‍नुङमी। येरमीया १:१०; येरमीया ३१:२८

येरमीया 32:41

गो मेको आन कली रिम्‍शो पना पन ग्‍येरसीनुङ। मिनु थमा पा गो आं थुं नु आं सोक्‍त नेल्‍लेम मेको आन कली एको रागीम वोइक्‍नुङमी” देंत। ब्‍यवस्‍था २८:६३; आमोस ९:१५

येरमीया 32:42

परमप्रभु यावेमी “दोपा गो एको मुर आन कली ओं पा शुश श्‍येत गेङा, मोपा गो मुल आं देंशो रिम्‍शो पतीक नेल्‍लेम, मेको आन कली रिम्‍शो पाइक्‍नुङमी।

येरमीया 42:10

मिनु परमप्रभु यावेमी इन कली ‘एको रागीमीन बाक्‍तीनी हना, गो इन कली रिम्‍शो सेल्‍नन्‍नी, मप्रेत्नन्‍नी। गो इन कली ख्रुम्‍नन्‍नी, मतुल्‍नन्‍नी। मारदे हना गो इन कली खतम पोक्‍शो आ पर्बम आं थुं खाइश्‍शो बाक्‍नुङ। येरमीया १:१०

येरमीया 44:27

मारदे हना गो मेको आन कली रिम्‍शो पचा कली ममाइ, मरिम्‍शो पचा कली कोव़ना कोव़न बाक्‍नुङ। इजीप्‍तम बाक्‍ब यहूदी नेल्‍ल मनुम्‍मा सम्‍म तरवार नु अन्‍कालम बेक्‍नीम। आमोस ९:४

येरमीया 45:4

गे मेको कली “परमप्रभु यावेमी ‘आं ङोंइती सेल्‍शो मुल प्रेत्‍नुङ। गो मार ख्रुमु मेको नेल्‍ल तुल्‍शा ताइक्‍नुङ। मेको रागी नेल्‍ल कली दुम्‍ब।

इजीकीएल 19:12

तन्‍न मेको गाइश्‍शा चुरशा तुल्‍चा पुंइसाक्‍व। मिनु खपीम ताइक्‍चा पुंइसाक्‍व। मिनु पूर्ब ङा फशेम मेको कली सोव़पाइक्‍तु। मिनु मेको आ गेडा नेल्‍ल हेम्‍तेक्‍म। आ बोल्‍यो राशी सोव़शा, मेको कली मीम नेक्‍तु।

इजीकीएल 36:10

गो इ मुर आन कली सोपाइश्‍शा बोपाइश्‍शा शुश सेल्‍नुङ। इस्राएल आ खिं ङा मुर नेल्‍ल आन कली मोदेंशो पाइनुङ। मिनु सहरम लेंशा मुर बाक्‍नीम। मिनु ब्रेश्‍शो खिं नेल्‍ल लेंशा सेल्‍सीब।

दानीएल 9:14

मोपतीके परमप्रभु यावेमी आंइ कली गेतीक, मेको ठेयब श्‍येत तेक्‍तु। थमा पा परमप्रभु यावे, आंइ परमप्रभु आ पशो नेल्‍ल ठीक बाक्‍ब। मारदे हना गोपुकीमी आ देंशो मपक।

दानीएल 9:25

मोपतीके यरूसलेम लेंशा सेल्‍तीक लोव़ तेल लुक्‍शो पिप मजाक्‍म सम्‍म ७ हप्‍ता बाक्‍नीम। मिनु ६२ हप्‍ता लां नु खिं आ एर ओंथ लेंशा सेल्‍चा कली माल्‍ब, दे रुप्‍शा तुइक्‍तो। मेना श्‍येत जतीक ना बाक्‍ब।

आमोस 9:11

परमप्रभु यावे, इन परमप्रभुमी “गो मेको नाक्‍त दाऊद आ ब्रेश्‍शो खिं आन कली लेंशा सेल्‍नुङ। मिनु मेको आ ब्रेश्‍शो गारो आ पोव़ला सुइ‍नुङ। मिनु मोपा नेल्‍ल साइ ङोंइती ङा खोदेंशो सेल्‍नुङ। १राजा १२:१९; प्रेरित १५:१६-१७

आमोस 9:14

गो आं मुर इस्राएली आन कली आन मार मार लेश्‍शा गे‍नुङमी। मिनु मेको आन ब्रेश्‍शो सहर कली लेंशा सेल्‍शा, मेकेर बाक्‍नीम। मेकोपुकीम अङगुर ख्रुम्‍शा, अङगुर शांबु तूनीम। मेकोपुकीम फल फुल ख्रुम्‍‍शा, मेको आन फल जाइनीम। ब्‍यवस्‍था ३०:३; यसैया ६५:२१

जकरिया 8:14

मिनु मुर नेल्‍ल आन परमप्रभु यावेमी “गो मोपा इन किकी पिपी आन कली आं कली गाइक्‍पाइक्‍तीके श्‍येत गेतामी। मिनु गो शिशी मपङ।

जकरिया 8:15

गो मुल यरूसलेम नु यहूदा ङा मुर आन कली रिम्‍शो पाइनुङ। गेपुकी महिनीन।

प्रेरित 15:16

‘मेको नेल्‍ल दुम्‍शा नोले गो लेश्‍शा जाक्‍नुङ। मिनु साइ दाऊदमी सेल्‍पाइश्‍शो ब्रेश्‍शो खिं लेंशा सेल्‍नुङ। मार मार ब्रेश्‍शो बाक्‍मा, मेको नेल्‍ल गो नक सेल्‍शा वोइक्‍नुङ।

ब्‍यवस्‍था 30:9

मिनु परमप्रभु यावे, इन परमप्रभुमी इन पतीके नेल्‍लेमी इन कली आसीक गेब। मेकोमी इन कली शुश तमी तौ, बी ब्‍यफ, क्‍यारश भेडा नु इन रू ङा अन्‍न शुश सेल्‍ब। मारदे हना परमप्रभु यावेमी इन किकी पिपी आन कली रिम्‍शो पशो खोदेंशो पा इन कली यो रिम्‍शो पचा दाक्‍ब।