येरमीया 31:27 - Sunuwar Bible

²⁷ मिनु परमप्रभु यावेमी “गो इस्राएल आ खिं ङा मुर, यहूदा आ खिं ङा मुर नु क्‍यारश भेडा, बी ब्‍यफ आन कली सोशा बोशा दुम्‍पाइक्‍‍तीक नाक्‍त थमा पा चाक्‍नुङ।

येरमीया 31:27 ပူးပေါင်းရင်းမြစ်များ

भजन संग्रह 107:41

तन्‍न मेकोमी श्‍येत जाइब आन कली श्‍येत रे प्रोंइब। मिनु मेको आन खिं ङा मुर आन कली भेडा आन हुल खोदेंशो पा शुश सेल्‍ब।

येरमीया 30:19

मेकेर ‘गे रिम्‍शो पाइब बाक्‍नीनी’ दे कुम्‍सो पशो नु थुं नाइश्‍शा बाक्‍शो ग्‍येरशो सेंदा नेंसीब। गो मेको आन कली शुश सेल्‍नुङमी। मिनु मेकोपुकी इच्‍का का ला मदुम्‍नीम। गो मेको आन कली मान ताइब सेल्‍नुङमी। मिनु मेको आन कली सुइम शुक्‍शी मपाइनीम।

इजीकीएल 36:10

गो इ मुर आन कली सोपाइश्‍शा बोपाइश्‍शा शुश सेल्‍नुङ। इस्राएल आ खिं ङा मुर नेल्‍ल आन कली मोदेंशो पाइनुङ। मिनु सहरम लेंशा मुर बाक्‍नीम। मिनु ब्रेश्‍शो खिं नेल्‍ल लेंशा सेल्‍सीब।

इजीकीएल 36:11

गो इन मुर नु इन बी ब्‍यफ, क्‍यारश भेडा शुश सेल्‍नुङमी। मिनु मेको शुश दुम्‍शा, शुश गिक्‍नीम। गो ङोंइती ङा खोदेंशो पा इन बाक्‍तीकेम मुर बाक्‍पाइक्‍नुङमी। मिनु गो इन कली ङोंइती ङा क्‍येङा रिम्‍शो पाइनुङ। मिनु गोन परमप्रभु यावे नङ, दे तुइक्‍नीनी। लेवी २६:९

इजीकीएल 36:9

कोव़ङीन मुल गो इन कली कोव़नुङ। गो इन गे लेश्‍शा, इन कली दोपाइश्‍शा, वांचेर शोक्‍पाइक्‍नुङ।

होसे 2:23

गो मेको कली आं पर्बम आं रागीमी बाक्‍पाइक्‍नुङ। गो मेको कली ‘मदाक्‍नुङ’ देंशो कली आं शिशी कोंइनुङ। मिनु गो ‘गेपुकी आं मुर मननी’ देंशो नङ। मुल गो ‘आं मुर ननी’ देंनुङ। मिनु मेकोपुकीमी आं कली ‘गे आंइ परमप्रभु बाक्‍नीनी’ देंनीम” दे परमप्रभुमी देंत। होसे १:६; होसे १:९; रोमी ९:२५; १पत्रुस २:१०

जकरिया 10:9

गो मेको आन कली रागी रागीम फ्राता हना यो, मेकोपुकीमी ङोन रागीम बाक्‍शा, आं कली मिम्‍‍नीम। मिनु मेको आन आल कोल्‍पाइश्‍शा आन रागीम ले‍त्‍नीम। यसैया ६६:१९; येरमीया ५१:५०

ब्‍यवस्‍था 30:9

मिनु परमप्रभु यावे, इन परमप्रभुमी इन पतीके नेल्‍लेमी इन कली आसीक गेब। मेकोमी इन कली शुश तमी तौ, बी ब्‍यफ, क्‍यारश भेडा नु इन रू ङा अन्‍न शुश सेल्‍ब। मारदे हना परमप्रभु यावेमी इन किकी पिपी आन कली रिम्‍शो पशो खोदेंशो पा इन कली यो रिम्‍शो पचा दाक्‍ब।