येरमीया 31:2 - Sunuwar Bible

² परमप्रभु यावेमी “तरवार रे ब्रोंइशो मुरपुकीम गोरशो रागीम शिशी ताम्‍तेक्‍म। इस्राएल कली नाइक्‍पाइक्‍चा दाक्‍ताक्‍व हना,

येरमीया 31:2 ပူးပေါင်းရင်းမြစ်များ

भजन संग्रह 78:52

मिनु नोले आ मुर आन कली भेडा खोदेंशो पा ग्रुंइताक्‍व। मिनु मेको आन कली भेडा आन हुल खोदेंशो पा गोरशो रागीमी लां कोंइशा गाक्‍पाइक्‍तीमी। भजन संग्रह ७७:२१

भजन संग्रह 95:11

मोपतीके गो आं गाइक्‍तीकेमी ‘एको आन कली आं थुं नाइक्‍पाइक्‍तीके मगेनुङ’ दे कसम जाता” दे परमप्रभुम देंत। गन्‍ती १४:२२-२३; हिब्रू ४:३

प्रस्‍थान 1:16

मिनु फाराओमी “गे निक्‍शी हिब्रू मीश मुर आन कली आल थिची ना वारच पाइनीसी। तौ थिम्‍तेक्‍म हना, सतीसे। तमी बाक्‍त हना, मसतीसे” दे माइक्‍सी बाक्‍त।

प्रस्‍थान 1:22

मिनु पिप फाराओमी आ मुर आन कली “हिब्रूपुकीमी दोशो तौ थीमे, मेको नेल्‍ल नील खोलाम लाइश्‍शा ताइक्‍तीन। आन तमी आन कली चहिं ब्रोंइचा गेने” दे हुकुम पवा बाक्‍त।

प्रस्‍थान 12:37

मिनु इस्राएल ङा मुरपुकी रामे‍सेस सहर रे गाक्‍शा, सुक्‍कोथ सहर जाक्‍दीत्‍तेक्‍म। मेको आन मीश नु तमी तौ नेल्‍ल महिक्‍थु, वोंइश मुर ला ६ लाख बाक्‍तेक्‍म।

प्रस्‍थान 2:23

मिनु शुश बर्स नोले इजीप्‍त रागी ङा पिप बेक्‍माक्‍त। इस्राएल जात ङा मुर इजीप्‍त रागीम वाइलीम वाइल खोदेंशो दुम्‍शा, शुश श्‍येत जशा, परमप्रभु कली “वारच पाइय्‍यीकी” दे पुंइशा ङाक्‍मा बाक्‍त। मिनु परमप्रभुमी मेको आन ङाक्‍शो नेना बाक्‍त।

प्रस्‍थान 33:14

मिनु परमप्रभुमी “गो गे नु लाइनुङ। मिनु इ थुं नाइक्‍चा गेनुङ” दें‍त। यसैया ६३:९; यहोसु २१:४४; हिब्रू ४:९

प्रस्‍थान 5:21

मिनु मेको कोव़बपुकीमी “परमप्रभु यावेमी इस कली सजाइ गेवल। मारदे हना गे निक्‍शीमी फाराओ नु आ मुर आन ङोंइती आंइ कली मरिम्‍शो सेल्‍तीसी। आंइ कली साइक्‍चा, दे तरवार आन गुइमी गेतीसी” दे गाइश्‍शा हुइक्‍ताक्‍म।

येरमीया 2:2

“लावो, परमप्रभु यावेमी यरूसलेम कली मार देंत देंशा हना ‘गे इ ठिटी बाक्‍ची ना आं कली ग्‍युम्‍लीम खोदेंशो पा दाक्‍ताक्‍यी। गे आं कली मारेइ मशोक्‍शो गोरशो रागीमी आं नोले खोइक्‍ती। गो मेको मिम्‍नुङ। होसे २:१६; होसे १३:५

इजीकीएल 20:35

गो इन कली रागी रागी ङा मुर आन गोरशो रागीम चाक्‍नन्‍नी। मिनु मेकेर इन कली निसाफ पाइनुङ। होसे २:१६

होसे 11:4

गोमी मेको आन कली मुर आन शिशी पशो खोदेंशो पा खुल्‍ताक्‍मी। गो मेको आन कली शुश दाक्‍ताक्‍ङ। गो मेको आन बलामी लाम्‍सीशो जुवा ग्रुंइशा गेतामी। गो मेको आन ङोंइती बाप्‍शा, मेको आन कली थुल्‍तामी।

गन्‍ती 10:33

मिनु मेकोपुकी परमप्रभु यावे आ डांडा रे नाक्‍त सां सम्‍म गाक्‍तेक्‍म। परमप्रभु यावे आ कबल पशो सन्‍दोस कुरबपुकी मेको आन कली बास बाक्‍तीक माल्‍चा, दे मेको आन ङोंइङोंइती गाक्‍तेक्‍म।

गन्‍ती 14:20

मिनु परमप्रभु यावेमी “गे इ पुंइशो खोदेंशो पा एको मुर आन मरिम्‍शो पशो क्‍याम्‍नुङ।

मत्ती 11:28

गे श्‍येत जशो नु भारीम चिप्‍चा पुंइसीशोपुकी, आं गे जाक्‍कीन। मिनु नाइक्‍चा गेनन्‍नी। मत्ती १२:२०; मत्ती २३:४; येरमीया ३१:२५

ब्‍यवस्‍था 1:30

इन ङोंइती गाक्‍ब, परमप्रभु यावे, इन परमप्रभुमी इन पा ङा लडाइ पाइब। दोपा इजीप्‍त रागीमी इन ङोंइती मार मार पवा, मोपा पाइब।

ब्‍यवस्‍था 1:33

मेको इन ङोंइती इन कली बाक्‍तीके कोंइथ गाक्‍त हना यो, गे थमा मसुइक्‍नी। मिनु लां कोंइचा कली नाक्‍दोम मी नु नाक्‍तीम गोस्‍स दुम्‍शा इन कली लां कोंइताक्‍व। प्रस्‍थान १३:२१

ब्‍यवस्‍था 12:9

मारदे हना गेपुकी मुल सम्‍म परमप्रभु यावे, इन परमप्रभुमी गेशो नाइक्‍तीके नु रागी मजाक्‍दीश्‍शो बाक्‍नीनी।

ब्‍यवस्‍था 2:7

मारदे हना परमप्रभु यावे, इन परमप्रभुमी इन पशो नेल्‍लेमी इन कली आसीक गेशो बाक्‍ब। गेपुकी मेको ठेयब गोरशो रागीम गाक्‍नीनु, इन कली कोव़तु। मिनु परमप्रभु यावे, इन परमप्रभु ४० बर्स सम्‍म गेपुकी नु बाक्‍त। इन माल्‍शो नेल्‍ल ताइतीनी’ दे परमप्रभुमी देंत। गन्‍ती १४:३३

ब्‍यवस्‍था 8:16

मिनु मेकोमी इन कली गोरशो रागीम मन्‍ना जचा गेप्‍तु। मेको इन किकी पिपी आन मतुइश्‍शो जचा थोव़क बाक्‍त। मारदे मोदेंशो पाप्‍तु देंशा हना, मेको नेल्‍ल इन कली ब्रेम्‍पाइक्‍चा, नाक्‍चा नु नोले रिम्‍शो पचा कली पाप्‍तु।

यहोसु 1:13

“परमप्रभु यावे आ गेय पाइब मोसामी इन कली अरेशो लोव़ मिम्‍तीन। मिनु मेकोमी इन कली ‘परमप्रभु यावे, इन परमप्रभुमी इन कली नाइक्‍पाइक्‍तीक गेशा, मेको रागी गेनुङ’ देंशो लोव़ मप्रेंदीन।