येरमीया 31:15 - Sunuwar Bible

¹⁵ परमप्रभु यावेम “रामाम सेंदा का नेंसाक्‍व। मेको रोंका पशो नु हिशेक पा ङाक्‍शो बाक्‍ब। राहेल आ आल आन पर्बम ङाक्‍ब। मेको लेम्‍शोनु, मबिस्‍से। मारदे हना मेको आ आल बेक्‍तेक्‍म” देंत। उत्‍पत्ती ३५:१६-२०; १सामुएल १०:२; मत्ती २:१८

येरमीया 31:15 ပူးပေါင်းရင်းမြစ်များ

उत्पत्ती 35:19

मिनु राहेल बेक्‍माक्‍त। मिनु एफ्राथ लतीक लांमी थिम्‍मे बाक्‍त। एफ्राथ बेथलेहेम सहरम बाक्‍ब। उत्‍पत्ती ४८:७; १सामुएल १०:२; येरमीया ३१:१५; मत्ती २:१८

उत्पत्ती 37:35

आ तमी तौ आन आफ कली लेम्‍थ जाक्‍मा बाक्‍त। मिनु याकूबमी “गो आं बेक्‍ची ना सम्‍म आं तौ कली रोंका पाइनुङ” दे लेम्‍चा मगेमी बाक्‍त। मोपा आ आफ योसेफ आ पर्बम ङाक्‍माक्‍त।

उत्पत्ती 42:13

मिनु मेकोपुकीमी “गो इन गेय पाइब १२ जना लोक्‍ब बाक्‍नीकी। कनान रागी ङा मुर का आ तौ नकी। नेनीन, कान्‍छा मुल आ आफ नु बाक्‍ब। का चहिं मबाक्‍ब” दे योसेफ कली मदमे बाक्‍त।

उत्पत्ती 42:36

मिनु आन आफ याकूबमी “गे आं आल कली रोइक्‍ब बाक्‍नीनी। योसेफ लत। सिमियोन लत। मुल बेन्‍यामीन लाइक्‍चा माल्‍नीनी। एको नेल्‍ल आं कली श्‍येत गेचा कली बाक्‍ब” दे आ तौ आन कली देंमाक्‍त।

उत्पत्ती 5:24

हनोक परमप्रभु नु गाक्‍बाक्‍माक्‍त। मिनु परमप्रभुमी हनोक कली आ बाक्‍तीक लदा बाक्‍त। मुरपुकीम हनोक कली माल्‍शा, मथिदमे बाक्‍त। २राजा २:११; हिब्रू ११:५

अय्‍युब 7:21

गे मारदे आं हेंथे पशो माफ मगेयीनी? मारदे आं मरिम्‍शो पशो मक्‍याम्‍नीनी? मुल गो बेक्‍नुङ। मिनु गे आं कली माल्‍तीनी हना यो, मथित्‍नीनी” दे अय्‍युबमी परमप्रभु यावे कली देंमाक्‍त।

भजन संग्रह 37:36

मिनु गो आ बाक्‍तीक कोव़ता, मेको मुर मबा। गो मेको कली माल्‍ता, मथिदु।

भजन संग्रह 77:2

गो श्‍येत जङानु, परमप्रभु कली माल्‍ता। गो नाक्‍दो यो मदथु, परमप्रभु कली पुंइता। आं थुं खाइक्‍स ङा खाइक्‍स बाक्‍त।

यसैया 10:29

मिनु डांडा रे पा लशा, गिबाम बास बाक्‍नीम। रामाह हिंशा ख्रिंख्रि पाइब। सावल आ सहर गेबा ङा मुर प्रोक्‍नीम।

यसैया 22:4

मोपतीके गो आं कली मकोव़यीनी। गो हुइ हुइ पा ङाक्‍नुङ। आं कली लेम्‍चा थुं मपने। मारदे हना आं दाक्‍शो मुर खतम दुम्‍तेक्‍म” देंत। येरमीया ८:२३

येरमीया 10:20

आं ताम्‍बु ब्रेत्‍त। मेको आ डोरी नेल्‍ल ब्रोइक्‍तेक्‍म। आं आलपुकी गाक्‍तेक्‍म। मुल मेकोपुकी मबाक्‍नीम। मुल आं ताम्‍बु कीशा गेब नु आं बाक्‍तीकेम फारतीक वा वोइश्‍शा गेब सुइ मबाक्‍नीम।

येरमीया 40:1

मिनु पिप कली कोव़ब आन कप्‍तान नेबुजरादानमी, येरमीया कली साङलोमी फ्रेंशा यरूसलेम नु यहूदा ङा फ्रेंशो मुरपुकी नु बेबीलोन लाइक्‍चा चिक्‍शो थिदा बाक्‍त। मिनु येरमीयामी रामाह प्रोना नोले परमप्रभु यावेमी मेको कली लोव़ पाप्‍तु। येरमीया ३९:११-१४

बिलाप 5:7

आंइ किकी पिपीमी पाप पाम्‍तेक्‍म। मिनु बेक्‍तेक्‍म। गोपुकी मेको आन हेंथे पशो राइतक।

इजीकीएल 2:10

मिनु मेकोम, मेको आं ङोंइती प्राक्‍शा कोंइताक्‍यी। मेको आ ङोंइती नु नोले, निम्‍फा पटटी ब्रेक्‍शो बाक्‍त। मेकेर हिशेक पतीके, रोंका पतीके नु आबी आबी, दे हिंतीके लोव़ ब्रेक्‍शो बाक्‍त।

यहोसु 18:25

गिबोन, रामाह, बेयरोथ,

न्‍यायाधीस 4:5

मेको एफ्राइम ङा पहाडी रागी, रामाह नु बेथेल आ दातेमी बाक्‍शो देबोरा आ खजूर रवा आ पुंमी बाक्‍शो बाक्‍माक्‍त। मिनु इस्राएलीपुकी निसाफ पुंइथ मेक जाक्‍‍मा बाक्‍त। उत्‍पत्ती ३५:८

१ सामुएल 7:17

मिनु मेको रामाह लेप्‍बाक्‍माक्‍त। मारदे हना मेको आ खिं मेकेर बाक्‍माक्‍त। मिनु मेकोमी मुर आन कली निसाफ पा, परमप्रभु यावे कली चढ़ेतीक का सेला बाक्‍त। यहोसु १८:२५