येरमीया 31:12 - Sunuwar Bible

¹² मेकोपुकी जाक्‍शा इर सियोनम ठेयब सेंदा पा कुम्‍सो पाइनीम। मेकोपुकीम परमप्रभु यावे आ रिम्‍शो पशो आ पर्बम ग्‍येरनीम। अन्‍न, अङगुर शांबु नु तेल तशा, क्‍यारश भेडा आन पाठा नु बी ब्‍यफ आन कली तशा ग्‍येरनीम। मेको ब्‍वाक्‍कुम जिश्‍शो फल फुल रू खोदेंशो दुम्‍नीम। मेकोपुकी लेंशा गेनायो सुर्ता मपाइनीम। येरमीया ५८:१

येरमीया 31:12 ပူးပေါင်းရင်းမြစ်များ

भजन संग्रह 130:4

गे माफ गेनीनी। मोपतीके मुर इन कली मान पा हिंचा माल्‍नीम। यसैया ५५:७; रोमी ६:१-२

यसैया 1:30

गे सोव़शो रवा ङा सफा पाइश्‍शो नु ब्‍वाक्‍कु मतशो रू खोदेंशो दुम्‍नीनी।

यसैया 35:10

परमप्रभु यावेमी श्‍येत रे प्रोंइशो मुर ला लेश्‍शा जाक्‍नीम। मिनु सियोनमी कुम्‍सो पना पन ओव़नीम। मेकोपुकी गेना हना यो ग्‍येरसीशा बाक्‍नीम। ग्‍येरसीना सीन बाक्‍नीम। आन श्‍येत जशा, हुक‍यी पतीके लेश्‍शा मजाक्‍ब। यसैया ५१:११; प्रकाश २१:४

यसैया 51:11

परमप्रभु यावे आ प्रोंइशोपुकी लेत्‍नीम। मेकोपुकी कुम्‍सो पना पन सियोनम जाक्‍नीम। मिनु गेना हना यो ग्‍येरशा बाक्‍नीम। शुश ग्‍येरतीके, मेको आन श्‍येत नु हुक‍यी पतीके जाम्‍शा लाइ‍ब। यसैया ३५:१०

यसैया 52:8

नेनीन, इ कली कोव़ब नेल्‍लेमी ठेयब सेंदा पा ग्‍येरशा कुम्‍सो पाइनीम। मारदे हना मेकोमी परमप्रभु यावे सियोन गे लशा लेश्‍शा पिशो ताइनीम। यसैया ६२:६; इजीकीएल ३:१७

यसैया 58:11

मिनु परमप्रभु यावेमी इन कली गेना हना यो लां कोंइब। गे श्‍येत जनी ना इन माल्‍शो नेल्‍ल गेब। मिनु इन रुश बोल्‍यो सेल्‍ब। गे ब्‍वाक्‍कु लाब्‍वेशो फल फुल रू खोदेंशो बाक्‍नीनी। गे गेनायो मसोव़ब ब्‍वाक्‍कु बुक्‍तीके खोदेंशो दुम्‍नीनी। येरमीया ३१:१२

यसैया 60:20

मिनु मेना रे इ नां गेनायो मलाक्‍ब। मिनु इ तास्‍ला यो मलाक्‍ब। मारदे हना परमप्रभु यावे गेना हना यो इ छेङछेङ बाक्‍ब। इ रोंका पतीक नाक्‍ती नुप्‍त। यूहन्‍ना ८:१२; याकूब १:१७

यसैया 65:19

गो यरूसलेम तशा ग्‍येरसीनुङ, आं मुर आन कली तशा, आं थुं ग्‍येरशा प्रेक्‍ब। मेना मेकेर ङाक्‍शो नु श्‍येत जशा ङाक्‍शो मनेंसीब।

येरमीया 3:14

मिनु परमप्रभु यावेम मेको आन कली “लेतीन। थमा सुइक्‍ने मचाप्‍ब आलपुकी लेतीन। मारदे हना गो इन होव़प नङ। गो सहर रे मुर का कली नु खिं रे मुर निक्‍शी आस कली योव़नुङमी। मिनु इन कली सियोनम चाक्‍नन्‍नी। यसैया ६:१३

येरमीया 31:24

यहूदा नु मेको आ सहर नेल्‍ले काथा बाक्‍नीम। रू ङा गेय पाइब नु आन बगाल नु हिरब गोठला नेल्‍ल काथा बाक्‍नीम।

येरमीया 31:25

गो दशो आन कली लेंशा बोल्‍यो सेल्‍नुङमी। मिनु थशो आन कली लेंशा बोल गे‍नुङमी” देंत।

येरमीया 31:4

गो इ कली लेंशा सेल्‍नुङ। गे लें‍शा सेल्‍चा पुंइसीनेवे। मिनु गे कन्‍ने मीश आल, इस्राएल, गे लेंशा इ खैजडी शेशा, ग्‍येरसीशोपुकी नु सिल पथ लाइनेवे।

येरमीया 31:6

मेना एफ्राइम पहाड ङा खाल पाइबपुकीम जाक्‍कीन, गोपुकी सियोनम बाक्‍ब परमप्रभु यावे, इं परमप्रभु आ बाक्‍तीक लय’ दे ब्रेत्‍तीक नाक्‍त जाक्‍ब” देंत।

येरमीया 31:7

परमप्रभु यावेमी “याकूब आ पर्बम ग्‍येरशा ठेयब सेंदा पा कुम्‍सो पने। मिनु रागी रागी ङा नेल्‍ल क्‍येङा ठेयब रागी आ पर्बम ठेयब सेंदा पा ग्रीङीन। मिनु परमप्रभु यावेम आ मुर आन कली श्‍येत रे प्रोंइतु। इस्राएल ङा लीशो आन कली प्रोंइतु।

येरमीया 32:15

मारदे हना मुर नेल्‍ल आन परमप्रभु यावे, इस्राएली आन परमप्रभुमी “मेको रागीमी खिं, रू नु अङगुर रू ग्‍याप्‍नीम” देंत। येरमीया ३२:१५

येरमीया 33:12

मुर नेल्‍ल आन परमप्रभु यावेमी “मुर नु क्‍यारश भेडा, बी ब्‍यफ मबाक्‍शो रागीम लेंशा सहर नेल्‍लेमी गोठला आन क्‍यारश भेडा नाइक्‍तीक नु योव़तीक दुम्‍ब।

येरमीया 33:13

मिनु पहाड ङा सहर, शेफेलाह, नेगेब बेन्‍यामीन आ रागी यरूसलेम आ एर ओंथ नु यहूदा ङा सहरम गोठलापुकीमी क्‍यारश भेडा लेंशा हिक्‍शा ओंइनीम” दे परमप्रभु यावेम देंत। येरमीया ३२:४४

इजीकीएल 17:23

गो मेको इस्राएल ङा लाइश्‍शो पहाड मेर ख्रुम्‍नुङ। मिनु मेकोम शुश राशी दाप्‍पाइश्‍शा फल सिप्‍पाइश्‍शा, थम दारशो लेबानोन ङा लाइश्‍शो रवा का दुम्‍ब। मिनु नेल्‍ल खाल ङा चिक्‍ब आ राशीम बाक्‍नीम। मिनु मेकेर ठेयब चिक्‍बपुकीम ग्‍योव़ सेल्‍शा, मेको आ वांकुम बाक्‍नीम। इजीकीएल २०:४०; १सामुएल २:७०८

इजीकीएल 20:40

मारदे हना आं डांडा, इस्राएल ङा डांडामी इस्राएल आ खिं ङा मुर नेल्‍लेम आं कली ठेयब सेल्‍नीम। मिनु गो मेकेर मेको आन कली ब्राइ‍नुङमी। गो मेकेर इन गेशो, इन गेशो नेल्‍ल क्‍येङा रिम्‍शो थोव़क नु इन चढ़ेशो नेल्‍ल ताक्‍नुङ। इजीकीएल १७:२३

इजीकीएल 34:14

गो मेको आन कली रिम्‍शो पा योव़नुङमी। मिनु इस्राएल ङा पहाड मेको आन योव़तीके दुम्‍ब। मेकोपुकी रिम्‍शो घांस बाक्‍तीकेम गोल्‍शा बाक्‍नीम। मिनु इस्राएल ङा पहाड मेको आन रिम्‍शो पा जोतीक दुम्‍ब। भजन संग्रह २३:२

इजीकीएल 36:30

गो रवा आन फल नु रू ङा मारेइ मारेइ आन कली शुश सेल्‍नुङ। मोपा गेपुकी गेनायो रागी रागी ङा मुर आन दातेम अन्‍काल पा मुने मदोक्‍नीनी। इजीकीएल ३४:२९; योएल २:१९

होसे 3:5

मिनु नोले ङा नाक्‍तीमी इस्राएलीपुकी लेश्‍शा, परमप्रभु यावे, आन परमप्रभु कली नु आन पिप दाऊद कली माल्‍नीम। मेकोपुकी ख्रिंख्रि पा आन परमप्रभु यावे गे लेश्‍शा, आसीक ताइनीम। येरमीया ३०:९; इजीकीएल ३४:२३-२४

योएल 3:18

मेको नाक्‍ती डांडाम शुश अङगुर सित्‍नीम। मिनु पहाडम दूध शुश बाक्‍ब। यहूदा ङा खोला नेल्‍लेमी ब्‍वाक्‍कु शाइक्‍नीम। मिनु परमप्रभु यावे आ खिं रे पा ब्‍वाक्‍कु बुक्‍तीके शित्तीम ङा दिंम जिप्‍पाइक्‍ब। आमोस ९:१३; इजीकीएल ४७:१

हाग्‍गै 2:19

मार, गे नु वांचेर बाक्‍मे? अङगुर बोट, फोव़शी रवा, अनार नु तेल रवामी मुल सम्‍म फल मसिश्‍शो बाक्‍मा? मुलाक्‍त ङा मेरे गो इन कली आसीक गेनन्‍नी” दे परमप्रभु यावेमी देंत।

जकरिया 8:12

मेकोमी “मुल थुं नाइक्‍तीक दुम्‍शो बाक्‍ब। अङगुर आ बोटमी रिम्‍शो फल सिप्‍ब। रूमी अन्‍न ख्रेल्‍ब। सरीङ रे सीत यीब। गो मेको नेल्‍ल लीशो आं मुर आन कली गे‍नुङमी।

यूहन्‍ना 16:22

मिनु मेको खोदेंशो पा गेपुकी मुल थुं खाइश्‍शो बाक्‍नीनी। तन्‍न गो इन कली लेंशा तङानु, गेपुकी थमा पा ग्‍येरसीनीनी। मिनु इन ग्‍येरसीशो सुइमी क्‍याम्‍ने मचाप्‍नीम।

रोमी 2:4

मिनु गे परमप्रभु यावेमी मुर आन कली दाक्‍तीके, फाल्‍तीके नु आ गे लेत्‍नीनी कों, दे रिम्‍तीके कली आइक्‍च मिम्‍नीनी? परमप्रभु यावेमी “आन थुं आं गे लेत्‍नीमी कों” दे रिम्‍शो मतुइक्‍नीनी? २पत्रुस ३:९,१५

प्रकाश 21:4

परमप्रभु यावेमी मेको मुर आन कली लेम्‍शा, आन प्रेक्‍कु फिक्‍ब। मुल रे मुरपुकी मबेक्‍नीम। मोपतीके रोंका मपाइनीमी, मङाक्‍नीमी, श्‍येत यो मजाइनीम। मारदे हना ङोंइती मार मार बाक्‍मा, मेको नेल्‍ल नुप्‍तेक्‍म” दे ठेयब सेंदामी देंशो नेंता। प्रकाश ७:१७; यसैया २५:८; यसैया ३५:१०; यसैया ६५:३९

प्रकाश 7:17

मारदे हना मेको ठेयब नित्‍तीके आ दातेमी बाक्‍शो पाठामी मेको आन कली कोव़शा, गोठला पाइब। मिनु मेकोमी मेको आन कली ब्रोंइचा गेब ब्‍वाक्‍कु बुक्‍तीके कोंइब। मोपा परमप्रभु यावेमी मेको आन प्रेक्‍कु फिक्‍ब” देंत। भजन संग्रह २३:२; प्रकाश २१:४; यसैया २५:८