येरमीया 30:8 - Sunuwar Bible

⁸ मुर नेल्‍ल आन परमप्रभु यावेमी “गो मेको नाक्‍ती मेको आन बला रे जुवा जिक्‍नुङ। मिनु गो मेको आन कली फ्रेंशो रे प्रोंइनुङमी। मिनु अर्को रागी ङा मुरपुकीम मेको आन कली गेनायो वाइल मसेल्‍नीम। येरमीया २३:५; येरमीया २७:१२; इजीकीएल ३४:२३; होसे ३:५

येरमीया 30:8 ပူးပေါင်းရင်းမြစ်များ

भजन संग्रह 107:14

मेकोमी मेको आन कली आन श्‍येत नु छिङछिङ रे ग्रुंइताक्‍मी। मिनु मेको आन साङलो प्रोइक्‍तु।

यसैया 10:27

मेना इन कली गेशो श्‍येत नुप्‍ब। मिनु इन शुर ङा जुवा दोक्‍शा जिक्‍ब।

यसैया 14:1

मिनु परमप्रभु यावेमी याकूब कली शिशी पा, इस्राएल कली योव़शा लेंशा मेको आन कली आन रागीमी वोइक्‍ब। मिनु अर्को रागी ङा मुरपुकी याकूब आ खिं ङा मुर नु गारशा बाक्‍नीम। जकरिया १:१७

यसैया 14:25

गो अस्‍सुर ङा मुर आन कली आं रागीम साइश्‍शा, आं डांडा दिम्‍पाइक्‍नुङमी। मोपा आं जुवा ग्रुंइनुङ। मिनु आन श्‍येत आन बला रे फेत्‍नुङ।

यसैया 14:3

मिनु परमप्रभु यावेमी इन कली श्‍येत जतीके, खेदा पचा पुंइसीतीके नु शुश गेय पतीक रे नाइक्‍चा गेप्‍तु हना,

यसैया 9:4

मेको आन हेल्‍शो जुवा, मेको आन बला ङा भार नु मेको आन कली दिप्‍ब मुर आन कोक्‍के जिक्‍ताक्‍नी। गे मिदयान रागी ङा लडाइम खोदेंशो पा मेको आन कली युक्‍ब आन युक्‍तीके जिक्‍तीनी। भजन संग्रह ८१:७; न्‍यायाधीस ७:१४; न्‍यायाधीस १५:२२

येरमीया 2:20

परमप्रभु यावेमी “साइ ङोंइती रे गे इ जुवा जिक्‍तीवी। मिनु इ डोरी प्रोइक्‍तीवी। मिनु गे ‘गो इ गेय मपाइनुङ’ देंते। गे डांडा नु रवा नेल्‍ल आन पुंम तेल्‍लेम पाप्‍तीवी। यसैया ५७:५५; इजीकीएल ६:१३

येरमीया 25:14

मिनु रागी रागी ङा मुर नु ठेयब पिपमी यहूदा ङा मुर आन कली वाइल सेल्‍नीम। गो मेको आन पशो नु आन गुइमी सेल्‍शो कोव़शा, मेको आन कली क्‍येक्‍क लेत्‍नुङमी” देंत। येरमीया २७:७

येरमीया 27:2

परमप्रभु यावेमी मार लोव़ पाप्‍तु देंशा हना “कुशुल के डोरी नु थरपु ङा शी के जुवा का सेलो। मिनु मेको इ शुरम लाम्‍सो। येरमीया २८:१०

येरमीया 27:7

मेको आंम इन रागी आ रिम्‍शो दुम्‍ची मजाक्‍म सम्‍म रागी रागी नेल्‍ल ङा मुरपुकीम मेको आ तौ नु मेको आ चच आन गेय पचा माल्‍नीम। मेको नोले शुश रागी नु ठेयब पिपपुकीमी मेको कली आन वाइल सेल्‍नीम।

येरमीया 28:10

मिनु नोले परमप्रभु यावे आ लोव़ पाइब हनान्‍याहम परमप्रभु यावे आ लोव़ पाइब येरमीया आ शुर रे मेको जुवा शोल्‍शा जिक्‍तु।

येरमीया 28:13

मार लोव़ पाप्‍तु देंशा हना “लशा, हनान्‍याह कली परमप्रभु यावेमी इ कली मार देंत देंशा हना ‘गे शी के जुवा जिक्‍तीवी। तन्‍न गो मेको आ पा ङा फलाम के जुवा चाक्‍नुङ’ देंशो बाक्‍ब मतो” देंत।

येरमीया 28:4

मिनु गो यहूदा ङा पिप येहो-याकीम आ तौ येकोन्‍याह नु यहूदा रे ग्‍याइश्‍शा लाइक्‍चा पुंइसीशो नेल्‍ल आन कली बेबीलोन रे चाक्‍नुङमी। मारदे हना गो बेबीलोन ङा पिप आ जुवा जिक्‍शा गेनुङ’ ” दे परमप्रभु यावेमी देंत। येरमीया २७:२०

इजीकीएल 30:18

मेको नाक्‍त तेहाफ-नेहेस सहर छिङछिङ दुम्‍ब। गो मेकेर इजीप्‍त रागी आ जुवा जिक्‍नुङ। मिनु मेको आ ठेयब लेश्‍शो क्‍याम्‍नुङ। गोस्‍सुमी मेको सहर कली सुम्‍ब। मिनु मेको आ एर ओंथ ङा सहर ङा मुर ग्‍याइश्‍शा लाइक्‍चा पुंइसीनीम। येरमीया ४३:९

इजीकीएल 34:27

मिनु रूम बाक्‍शो रवाम फल सित्‍नीम। खपीम मारेइ मारेइ ग्रेल्‍नीम। मिनु मुरपुकी आंम रूमी रिम्‍शो बाक्‍ने चाप्‍नीम। गो मेको आन जुवा जिक्‍शा, मेको आन कली वाइल सेल्‍ब आन गुइ रे प्रोंइ‍नुङमी। मेना गोन परमप्रभु यावे नङ, दे तुइक्‍नीम।

नहुम 1:13

मिनु मुल गो इ कली श्‍येत गेबपुकी रे प्रोंइनुङ। मिनु इ कली फ्रेंशो डोरी प्रोइक्‍नुङ” दे परमप्रभु यावेमी देंशो बाक्‍ब।