येरमीया 30:6 - Sunuwar Bible

⁶ मार, वोंइश मुरुम आल थिने चाप्‍नीमी ङा? दे हिल्‍लो पने। मारदे वोंइश मुर नेल्‍ल सुत्‍केरी रोइ पशो खोदेंशो पा आन गुइम आन क्रातो दिप्‍शो ताइ‍नुङमी? मारदे मुर नेल्‍ल आन कुल बुश दुम्‍शो बाक्‍नीमी?

येरमीया 30:6 ပူးပေါင်းရင်းမြစ်များ

भजन संग्रह 48:6

मिनु मेक उइ गिक गिक पा ख्रिंख्रि पाम्‍तेक्‍म। आल थिची ना ङा रोइ पशो मीश मुर खोदेंशो दुम्‍तेक्‍म।

यसैया 21:3

मोपतीके आं पोक्‍च ख्रिंख्रि पाइनीम। गो सुत्‍केरी रोइ पशो आल थिचशो मीश मुर खोदेंशो दुम्‍ती। गो राप्‍ने मचाप्‍थु, नेंने नु तने मचाप्‍चा ङा श्‍येत जशो बाक्‍नुङ।

यसैया 29:22

मोपतीके अब्राहाम कली प्रोंइब परमप्रभु यावेमी याकूब आ खिं ङा मुर आन कली “मुल रे याकूब आ खिं ङा मुर मुने मदोक्‍नीम। आन कुल ग्‍येरसीशो तांइसीनीम।

येरमीया 13:21

गेमी आंम मुर सेल्‍चा कली इ लेम्‍शो मुर आन कली परमप्रभु यावेम इ कली हुकुम पाइब सेल्‍ब। मिनु गे मार, देंनेवे? मार, सुत्‍केरी दुम्‍चशो मीश मुर खोदेंशो पा, इ कली श्‍येत मदुम्‍बा ङा?

येरमीया 22:23

लेबानोनम बाक्‍ब मुर, लेबानोन ङा लाइश्‍शो रवा आन दातेमी खिं सेल्‍ब मुरपुकी, श्‍येत नु सुत्‍केरी रोइ पशो खोदेंशो दुम्‍तीनी हना, दोपा हुकयी पाइनीनी।

येरमीया 4:31

गो सुत्‍केरी रोइ पशो मीश मुर आ सेंदा खोदेंशो नेंता। मेको ङोंइती ङा आल थिचा चिक्‍शो मीश मुर आ सेंदा खोदेंशो बाक्‍त। सियोन आ तमीमी आ गुइ दिंशा आ सास कीशा ‘आबी, आं कली साइक्‍ब आन ङोंइती थाइनुङ’ देंत” दे परमप्रभु देंत।

येरमीया 48:41

केरयोथ नु अरु सहर ब्रुइनीम। आन जोरी सत्रुमी मेको आन हिरशो सहर आन के सेल्‍नीम। मेको नाक्‍ती मोआब ङा लडाइ पाइब आन थुं सुत्‍केरी रोइ प‍शो मीश मुर आन थुं खोदेंशो दुम्‍नीम।

येरमीया 49:22

कोव़ङीन, मेको ककाकुली खोदेंशो पा बेरशा जाक्‍ब। मिनु मेको जुक्‍शा बोज्रा तार मेको आ फ्रां हाम्‍ब। मेको नाक्‍ती एदोम ङा लडाइ पाइब आन थुं सुत्‍केरी रोइ प‍शो मीश मुर आन थुं खोदेंशो दुम्‍ब। येरमीया ४८:४०

येरमीया 49:24

दमस्‍कस मचाप्‍ब दुम्‍शो बाक्‍ब। मेको प्रोक्‍त। मेको शुश हिंब। मेको सुत्‍केरी रोइ पशो मीश मुर खोदेंशो पा सुर्ता पा हिंब।

येरमीया 50:43

मिनु बेबीलोन ङा पिपम मेको आन पर्बम लोव़ नेंतु। मिनु आ थुं लुक्‍च लत। मेको सुत्‍केरी रोइ पशो मीश मुर खोदेंशो पा सुर्ता पा हिंत।

येरमीया 6:24

गोपुकीम मेको आन पर्बम मारेइ मारेइ लोव़ नेंतक। मिनु आंइ गुइ खोइली योक्‍त। गो शुश हिंतक। गो सुत्‍केरी रोइ पशो मीश मुर खोदेंशो दुम्‍तक।

दानीएल 5:6

मिनु मेको तशा, पिप आ कुल लल गिग दुम्‍शा, शुश हिंत। आ खोइल ख्रिंख्रि पा आ पोक्‍च थोक्‍सीशा, खोइल ललाक लुलुक दुम्‍त।

होसे 13:13

मीश मुर आल थितीक रोइ पशो खोदेंशो पा मेको कली श्‍येत दुम्‍ब। तन्‍न मेको मारेइ यो मतुइक्‍ब आल खोदेंशो बाक्‍ब। मेको दूली पा जरमेशो बाक्‍ब।

योएल 2:6

मिनु जात जात ङा मुर मेको आन कली तशा हिंशा, आन कुल राव किक्‍पाइक्‍नीम।

नहुम 2:10

मेको सहर मारेइ मारेइ रोइश्‍शा श्‍येत्‍थ नु खतम पोक्‍चा पुंइसीशो बाक्‍ब। मिनु मुर आन थुं लुक्‍च लाइब, आन पोक्‍च ख्रिंख्रि पाइनीम। मिनु आन ची यो ख्रिंख्रि पशो बाक्‍नीम। मेको आन कुल बेक्‍शो मुर आन कुल खोदेंशो दुम्‍नीम।

१ थिस्‍सलोनिकी 5:3

मेना मुरुमी “दुशा बाक्‍नय, मारेइ मदुम्‍ब” देंतेक्‍म हना यो, आल कुरशो मीश मुर आल थिचा रोइ गेना पाइबा मतुइक्‍ब। मोदेंशो खोदेंशो पा मुरपुकी मब्रोंइचा ङा पा श्‍येत जाइनीम। येरमीया ६:१४; मत्ती २४:३९