येरमीया 30:24 - Sunuwar Bible

²⁴ परमप्रभु यावे आ थुंम मिम्‍शो मगाम्‍म सम्‍म मेको आ चुरशो मनांइसीब। गेपुकीमी नोले ङा नाक्‍ती मेको रुप्‍‍नीनी।

येरमीया 30:24 ပူးပေါင်းရင်းမြစ်များ

उत्पत्ती 49:1

मिनु याकूबमी आ तौ आन कली ब्रेश्‍शा मेको आन कली “नोले इन कली मार मार दुम्‍बा, नेंचा कली एकेर बुक्‍कीन।

यसैया 14:24

मिनु मुर नेल्‍ल आन परमप्रभु यावेमी कसम जशा “थमा पा, आं ङोंइती मिम्‍शो खोदेंशो पा दुम्‍पाइक्‍नुङ। गो आं देंशो पाइनुङ।

यसैया 46:11

गो पूर्ब रे सिखार ग्‍यारब चिक्‍ब का ब्रेत्‍नुङ। मिनु ङोन रागी रे आं मिम्‍शो नेल्‍ल पाइब मुर का कली ब्रेत्‍नुङ। गो आं देंशो लोव़ खाप्‍नुङ। आं मिम्‍शो पाइनुङ। यसैया ४१:२

येरमीया 23:19

कोव़ङीन परमप्रभु यावे आ गाइश्‍शो फश गिवार खोदेंशो पा बोक्‍ब। परमप्रभु यावे आ अरेशो लोव़ मटीब आन पियामी फश गिवार जुक्‍ब।

येरमीया 23:20

परमप्रभु यावे आ गाइश्‍शो मलेप्‍ब। आ मिम्‍शो नेल्‍ल पने थुमा नोले ला लेप्‍ब। नोले ङा नाक्‍ती एको लोव़ रिम्‍शो पा रुप्‍नीनी।

येरमीया 4:28

मोपतीके रागीम रोंका पचा माल्‍ब। मिनु सरीङ छिङछिङ दुम्‍चा माल्‍ब। मारदे हना गो लोव़ पाता। गो ङोंइती मिम्‍ताक्‍ङ। आं थुं मलेप्‍ब। आं थुं महिरब।

येरमीया 4:8

मोपतीके अरन्‍डी फेक्‍शा रोंका पने। मिनु ङाक्‍कीन” देंत। मारदे हना परमप्रभु यावे आ हिंचा ङा पा गाइश्‍शो इं रे मयाक्‍सीशो बाक्‍ब। येरमीया ६:२६

येरमीया 48:47

मो हना यो गो नोले ङा नाक्‍ती मोआब आ शोंप लेश्‍शा गेनुङ। मोपा मोआब आ निसाफ नुप्‍त” दे परमप्रभु यावेमी देंत।

येरमीया 49:37

मेको एलाम ङा मुर आन कली, आन जोरी सत्रु नु मेको आन कली साइक्‍चा माल्‍ब आन ङोंइती शुश हिंब सेल्‍नुङमी। गो मेको आन कली ठेयब श्‍येत गेनुङ। गो मेको आन कली साइक्‍ने मथुमु सम्‍म मेको आन नोले तरवार सोइक्‍नुङ। इजीकीएल ३२:२४

येरमीया 49:39

परमप्रभु यावेमी “मो हना यो गो मुल नोले ङा नाक्‍ती एलाम ङा मुर आन शोंप लेश्‍शा गे‍नुङमी” दे परमप्रभु यावेमी देंत।

बिलाप 1:12

गे एको लां रे पा लाइब तशा, आन पर्बम मारेइ ममिम्‍नीनी? एर ओंथ नेल्‍ल कोव़ङीन। आं श्‍येत क्‍येङा यो अरु हिंचा ङा श्‍येत बाक्‍बा? परमप्रभु यावेमी आ शुश गाइक्‍तीकेमी आं कली मेको श्‍येत गेती।

इजीकीएल 38:16

गे आं मुर इस्राएली नु लडाइ पचा कली रागी कली सुम्‍ब गोस्‍स खोदेंशो पा जाक्‍नेवे। ए गोग, नोले ङा नाक्‍ती गो इ कली आं रागी नु लडाइ पपाइक्‍नुङ। रागी रागी ङा मुरुम आं कली तुइक्‍तमेक्‍ल, दे मोदेंशो पाइनुङ। मेको रागी रागी ङा मुर आन ङोंइती गो का ला परमप्रभु यावे नङ’ दे कोंइनुङ” देंत।

दानीएल 10:14

नोले ङा नाक्‍त इ मुर आन कली मार दुम्‍बा, दे गो इ कली रुप्‍पाइक्‍थ जाक्‍ती। मारदे हना इ तशो कोंइतीक क्‍येङा नोले ङा नाक्‍त कली अर्को कोंइतीक का यो बाक्‍ब” दे माइक्‍ती।

दानीएल 2:28

तन्‍न स्‍वर्गमी परमप्रभु का बाक्‍ब। मेकोमी ख्रुइश्‍शो लोव़ कोंइब। मिनु मेकोमी पिप नेबुकदनेसर, इन कली रागी नुप्‍ची ना मार दुम्‍बा, दे कोंइशो बाक्‍ब। मिनु इन इप्‍ची ना तशो ङोमु मार बाक्‍त देंशा हना, उत्‍पत्ती ४१:१६

होसे 3:5

मिनु नोले ङा नाक्‍तीमी इस्राएलीपुकी लेश्‍शा, परमप्रभु यावे, आन परमप्रभु कली नु आन पिप दाऊद कली माल्‍नीम। मेकोपुकी ख्रिंख्रि पा आन परमप्रभु यावे गे लेश्‍शा, आसीक ताइनीम। येरमीया ३०:९; इजीकीएल ३४:२३-२४

मीका 4:1

मिनु नोले डांडा नेल्‍ल आन क्‍येङा परमप्रभु यावे आ खिं बाक्‍शो डांडा लाइश्‍शो दुम्‍ब। मिनु मेको नेल्‍ल आन क्‍येङा ग्‍येत्‍थ लाइब बाक्‍ब। मिनु शुश मुर मेकेर लाइ‍नीम। यसैया २:२-४

गन्‍ती 24:14

मुल गो आं मुर आन बाक्‍तीके लाइनुङ। तन्‍न इस्राएलीपुकीम इन मुर आन कली नोले मार पाइक्‍नीमी, मेको इन कली शेंनुङ” देंत।

ब्‍यवस्‍था 31:29

मारदे हना गो बेक्‍ङा नोले गेपुकी थमा पा दूली पाइब दुम्‍नीनी। मेको गो तुइक्‍नुङ। मिनु गेपुकी आं अरेशो लां रे ङोन लाइनीनी। मिनु गेपुकीमी परमप्रभु यावे आ ङोंइती मरिम्‍शो पाइनीनी। मिनु मेको इन पतीकेमी मेको कली गाइक्‍पाइक्‍नीनी। नोले ङा नाक्‍तीमी इन कली शुश श्‍येत दुम्‍ब” देंत।

ब्‍यवस्‍था 4:30

आं देंशो लोव़ मोदेंशो पा दुम्‍शा, श्‍येत जनीनु, गे नोले ङा नाक्‍तीम परमप्रभु यावे, इन परमप्रभु गे लेत्‍नीनी। आं देंशो लोव़ टीनीनी। ब्‍यवस्‍था ३०:२

१ सामुएल 3:12

मेको नाक्‍ती गो एली नु आ खिं ङा मुर आन कली आं देंशो नेल्‍ल पाइनुङ।