येरमीया 30:17 - Sunuwar Bible

¹⁷ गो इ कली लेंशा ङोंइती ङा खोदेंशो मारेइ मदुम्‍शो सेल्‍नुङ। मिनु इ गारपुकी सापाइक्‍नुङमी। मारदे हना इ कली ‘प्रोंइचा पुंइसीशो नु सुइम मिम्‍चा मपुंइसीशो सियोन’ देंनीम” दे परमप्रभु यावेमी देंत। येरमीया ३३:६; यसैया ५७:१८-१९

येरमीया 30:17 ပူးပေါင်းရင်းမြစ်များ

अय्‍युब 5:18

मारदे हना मेकोमी गार सेल्‍ब। मिनु मेकोमीन फ्रेंब। मेकोमी तुप्‍ब। मिनु मेकोमीन सापाइक्‍ब। ब्‍यवस्‍था ३२:३९; होसे ६:१

भजन संग्रह 103:3

मेकोमी इ मरिम्‍शो पशो नेल्‍ल क्‍याम्‍शा गेशो बाक्‍ब। मिनु इ रोइ नेल्‍ल सापाइक्‍ब। भजन संग्रह ३२:१

भजन संग्रह 107:20

मेकोमी आ लोव़ सोइश्‍शा, मेको आन कली सापाइक्‍तु। मेको आन कली बेक्‍चा रे प्रोंइतु।

भजन संग्रह 12:5

परमप्रभु यावेमी “गो प्रुङग आन कली दिप्‍शो ताता। श्‍येत जाइब आन ङाक्‍शो नेंता। मोपतीके गो मुल बोक्‍नुङ, मेको आन कली श्‍येत मजतीकेम वोइक्‍नुङ” देंब।

भजन संग्रह 142:4

गो आं ग्‍युरा गे कोव़ता, मिनु आं कली मिम्‍ब सुइ मबाक्‍म। आं कली ख्रुइक्‍तीके तेइ मबाक्‍ब। सुइमी आं कली वारच मपाइय्‍यीमी।

भजन संग्रह 23:3

मेकोमी आं थुं बारपाइक्‍ब। आं कली आंम आ नें आ पर्बम ठीक लां कोंइब।

प्रस्‍थान 15:26

मिनु मेकोमी “गे परमप्रभु यावे, इन परमप्रभु आं लोव़ नेंशा, आं ङोंइती ठीक पाइतीनी हना, आं शेंशो लोव़ नेंशा, टि‍शा, आं अरेशो लोव़ टीतीनी हना, गो इजीप्‍त रागी ङा मुर आन कली पपाइश्‍शो रोइ इन कली मपपाइक्‍नुङ। मारदे हना गो इन कली सापाइक्‍ब परमप्रभु यावे नङ” देंत। ब्‍यवस्‍था ७:१५; उत्‍पत्ती २०:१७; ब्‍यवस्‍था ३२:३९; भजन संग्रह ३०:३; यसैया ५७:१८

यसैया 11:12

मेकोमी रागी रागी ङा मुर आन कली चिन्‍ड का वोइक्‍ब। मिनु इस्राएल ङा प्रोक्‍शो मुर आन कली खुप्‍ब। यहूदा ङा ब्रशो मुर आन कली यो तेइ तेइ रे खुप्‍ब।

यसैया 30:26

मिनु तास्‍ला आ छेङछेङ नां आ छेङछेङ खोदेंशो दुम्‍ब। नां आ छेङछेङ चहिं ७ ओटा नां आ छेङछेङ खोदेंशो दुम्‍ब। मेको ७ नाक्‍त ङा छेङछेङ दुम्‍ब। मेना परमप्रभु यावेमी आ मुर आन गार फ्रेंब। तुप्‍शो गार सापाइक्‍ब।

यसैया 33:24

सियोनम बाक्‍ब सुइमी “गो रोइ पशो बाक्‍नुङ” मदेंनीम। मेकेर बाक्‍ब मुर आन मरिम्‍शो पशो क्‍याम्‍चा पुंइसीशो बाक्नीम। जकरिया १२:८

यसैया 54:6

मारदे हना परमप्रभु यावेमी इ कली प्रोंइसीशो नु थुं लुक्‍च लशो मीश मुर कली खोदेंशो पा ब्रेत्‍ताक्‍व। मुल गे ठिटी ना चाक्‍शा नोले प्रोंइ‍शो मीश आल खोदेंशो बाक्‍नेवे। यसैया ५०:१

यसैया 56:8

मोदेंशो लोव़ पाइब परमप्रभु, परमप्रभु यावेमी खेरशो इस्राएली आन कली खुप्‍ब। मिनु “गो मेको आन कली अरु खुप्‍शो मुर नु देल्‍पाइक्‍नुङ। मेकोपुकी नु बाक्‍पाइक्‍चा कली तेम्‍नुङमी” देंत।

यसैया 57:18

गो मेको आन पशो ताता। तन्‍न गो मेको आन कली सापाइक्‍नुङमी। मेको आन कली कुक्‍शा, आन थुं बारपाङक्‍नुङमी। मेको आन दाते ङा रोंका पाइब आन कली थुं बारपाइक्‍तीक लोव़ पाइनुङ” देंत। प्रस्‍थान १५:२६

यसैया 57:19

मिनु परमप्रभु यावेमी “ङोन नु नेक्‍था बाक्‍ब नेल्‍ल आन थुं नाइश्‍शा बाक्‍मल। मिनु गो मेको आन कली सापाइक्‍नुङमी। गन्‍ती ६:२६; लूका २:१४; एफिसी २:१७; प्रस्‍थान १५:२६-; येरमीया १७:१४; यहूदा १:१३; यसैया ४८:२२; हितोपदेस २८:१

यसैया 58:8

मो पाइतीनी हना, गे सुनी ङा नां दाप्‍शो खोदेंशो दुम्‍नीनी। मिनु गे रीब पा सानीनी। इन कली वारच पाइब इन ङोंइती गाक्‍ब। परमप्रभु यावे आ छेङछेङमी इन नोले खोइक्‍ब। भजन संग्रह ३७:६; यसैया ५२:१२

यसैया 60:15

ङोंइती गे प्रोंइचा पुंइसीशो नु काइ मदाक्‍चा पुंइसीशो बाक्‍ते। इ रागी रे पा सुइ मगाक्‍बाक्‍तेक्‍म। मुल गो इ कली गेना हना यो मान तपाइश्‍शा, पाला पाला सम्‍म ग्‍येरसीतीके सेल्‍नन। यसैया ४९:१४

येरमीया 10:20

आं ताम्‍बु ब्रेत्‍त। मेको आ डोरी नेल्‍ल ब्रोइक्‍तेक्‍म। आं आलपुकी गाक्‍तेक्‍म। मुल मेकोपुकी मबाक्‍नीम। मुल आं ताम्‍बु कीशा गेब नु आं बाक्‍तीकेम फारतीक वा वोइश्‍शा गेब सुइ मबाक्‍नीम।

येरमीया 17:14

मिनु गो “परमप्रभु यावे आं कली सापाइय्‍यीनी। मिनु गो सानुङ। आं कली प्रोंइयीनी। मिनु गो ब्रोंइनुङ। मारदे हना गे आं सक्ति बाक्‍नीनी। प्रस्‍थान १५:२६; बजन संग्रह ६:३

येरमीया 3:22

मिनु मेकोमी “थमा सुइक्‍ने मचाप्‍ब आलपुकी लेतीन। इन थमा सुइक्‍ने मचाप्‍तीके सापाइक्‍नन्‍नी” देंत। मिनु मेकोपुकीमी “दुम्‍ब, गो इन गे लेश्‍शा, जाक्‍नीकी। मारदे हना गे परमप्रभु यावे, आंइ परमप्रभु बाक्‍नीनी।

येरमीया 30:13

सुइ इ पोन मबोक्‍ब। इ गार सापाइक्‍तीक ओख्‍ती मबाक्‍ब। इ कली सापाइक्‍तीक मारेइ मबाक्‍ब।

येरमीया 33:24

मार लोव़ पाप्‍तु देंशा हना “मेको मुरपुकी मार, देंना देंन बाक्‍मा, मार, गे मनेंनी? मेकोपुकीमी ‘परमप्रभु यावे आ योव़शो खिं निक्‍शी ङा मुर आन कली प्रोंइशा तिल्‍शो बाक्‍ब’ देंतेक्‍म। मो देंतीके मेको मुरपुकीमी आं मुर आन कली आइक्‍च सेल्‍शा, मुल रे रागी का यो मनम, दे मिम्‍नीम” देंत।

येरमीया 33:6

गो आं मुर आन कली सापाइक्‍नुङमी। मिनु गो मेको आन कली सापाइश्‍शा, आन माल्‍शो गेशा मारेइ मदुम्‍थु रिम्‍शो पा बाक्‍चा गेनुङमी। येरमीया ३०:१७

येरमीया 8:22

मिनु गिलादमी मारेइ ख्रेक्‍तीक मबाक्‍बा? मार, मेकेर इ कली ओख्‍ती पाइब मबाक्‍बा? मारदे आं श्‍येत जशो मुर मसामा?” देंत। येरमीया ४६:११

बिलाप 2:15

इ नेक्‍था रे पा लाइब नेल्‍लेमी इ कली तशा शुक्‍शी पाइनीम। यरूसलेम आ तमी तशा शुक्‍शी पा आन पिया हिम्‍नीम। मेकोपुकीमी “एको सहर कली नेल्‍ल क्‍येङा दारशो नु रागी ङा नेल्‍ल क्‍येङा दाक्‍शो सहर देंनीमी, ममाइ ङा?” देंनीम। भजन संग्रह ४८:३; इजीकीएल १६:१४

इजीकीएल 34:16

गो जाम्‍शो आन कली माल्‍नुङमी। हेंथे गाक्‍शो आन कली माल्‍शा थिश्‍शा चाक्‍नुङमी। गो गार दुम्‍शो आन कली ओख्‍ती ख्रेक्‍नुङमी। मचाप्‍शो आन कली बोल्‍यो सेल्‍नुङमी। तन्‍न गो दोम्‍शो नु सक्ति पाइश्‍शो आन कली साइक्‍नुङमी। गो मेको आन कली ठीक पा योव़नुङमी” देंत।

इजीकीएल 35:12

मिनु गे गो परमप्रभु यावे नङ, दे तुइक्‍नेवे। मिनु गो इस्राएल ङा पहाड आन पर्बम इ शुक्‍शी पा पशो लोव़ नेल्‍ल नेंता। गे मार देंते देंशा हना ‘इस्राएल ङा पहाड नेल्‍ल मुर मबाक्‍तीके दुम्‍शो बाक्‍नीम। मिनु मेको आं कली गेशो बाक्‍ब’ देंते।

इजीकीएल 36:20

मिनु मेकोपुकी रागी रागी ङा मुर आन दातेम जाक्‍शा, आं नें मरिम्‍शो सेल्‍तेक्‍म। मारदे हना मेको आन पर्बम ‘एकोपुकी दा परमप्रभु यावे आ मुर नम। मो हना यो आन रागी प्रोंइचा माल्‍तेक्‍म’ देंतेक्‍म। यसैया ५२:५

होसे 11:3

एफ्राइम कली गुइ ग्‍याइश्‍शा गाक्‍चा शेंब गो नङ। गो मेको आन कली आल आन कली खोदेंशो पा कुरता। तन्‍न गो मेको आन कली सापाइक्‍ता हना यो, मेकोपुकीमी मतुइक्‍तेम।

होसे 6:1

मिनु मार लोव़ पाइनीम देंशा हना “पिन, गोपुकी परमप्रभु यावे गे लेय्‍य। मेकोमी आंइ कली टुक्रा टुक्रा पशो बाक्‍त। मिनु आंइ कली सापाइक्‍ब। मेकोमी आंइ कली तुप्‍तु। मिनु मेकोमी आंइ कली ओख्‍ती पाइक्‍ब। होसे ५:१४

मलाकी 4:2

तन्‍न गे आं नें कली मान पाइब, इन ङोंइती आं ठीक पतीके नां खोदेंशो पा दाप्‍ब। इन रोइ यो सानीनी। गे गोठ रे पा ग्रूशो बाछा खोदेंशो पा प्रेक्‍ना प्रेक्‍न दोरनीनी। लूका १:७८

१ पत्रुस 2:24

मेको इं पाप क्‍याम्‍चा कली शीमी क्‍येप्‍शा कांटी थोक्‍शा साइक्‍चा पुंइसाक्‍व। इं पाप पतीक थुं साइक्‍चा नु इं ठीक पतीक थुं प्रोंइचा, दे साइक्‍चा पुंइसाक्‍व। मोपा मेको आ कांटी थोक्‍शो गारपुकीमी गे साशा ठीक दुम्‍तीनी। १यूहन्‍ना ३:५; गलाती ३:१३; रोमी ६:८,११

प्रकाश 22:2

सहर ङा लां आ दाते रे पा शाइश्‍शो बाक्‍त। मेको खोला ओंथ हांबु नु आइक्‍ची हांबुमी ब्रोंइचा गेब रवा बाक्‍शो बाक्‍तेक्‍म। मेको ब्रोंइचा गेब रवापुकीमी १२ किसीम ङा फल सिप्‍बाक्‍तेक्‍म। महिनामी खेयप का सिबाक्‍तेक्‍म। मेको ब्रोंइचा गेब रवा आ सफा रागी रागी ङा मुर आन कली सापाइक्‍चा कली बाक्‍तेक्‍म।