येरमीया 3:9 - Sunuwar Bible

⁹ इस्राएलमी आ तेल्‍लेम पतीके थम आइक्‍च मिम्‍ताक्‍व। मेकोमी फुल्‍लु नु रवापुकी नु यो लशा तेल्‍ले‍म पा रागी ग्रांग्रा दिशो सेल्‍तु।

येरमीया 3:9 ပူးပေါင်းရင်းမြစ်များ

यसैया 57:3

“तन्‍न गेपुकी एक जाक्‍कीन। गे मन्‍तर तन्‍तर पाइब आ तमी तौ नु हेंथे गाक्‍ब वोंइश मुर नु तेल्‍लेम आ आलपुकी एक जाक्‍कीन। होसे २:४

यसैया 57:6

बेंसी ङा खोला ङा रिम्‍शो फुल्‍लु इन कली वारच पाइब बाक्‍नीम। मेको आन कली तूचा थोव़क चढ़ेतीनी। मिनु अन्‍न यो चढ़ेतीनी। मार, गो मेको कोव़शा इन पर्बम सिक्‍सी पा बाक्‍नुङा ङा?

येरमीया 10:8

मूर्ति आन शेंतीक निप्‍स मपाइश्‍शो नु मूर्ख लोव़ बाक्‍ब। मेको शी क्‍येङा रिम्‍शो मबाक्‍ब।

येरमीया 16:18

गो मेको आन मरिम्‍शो पशो नु आन पाप आ पर्बम मेको आन कली निक्‍शी खेयप सजाइ गेनुङमी। मारदे हना मेकोपुकीमी सोक्‍ती मपाइश्‍शो मूर्तिपुकीम आं रागी ग्रांग्रा दिशो सेल्‍तेक्‍म। मिनु आं थेरशो रू आन ग्रांग्रा दिशो देवी देवताम प्रिंताक्‍म” देंत। यसैया ४०:२

येरमीया 2:27

मेकोपुकीमी रवा कली ‘गे आं आफ नवे’ मिनु फुल्‍लु कली ‘गे आं कली जरमेब नवे’ देंनीम। मेकोपुकीमी आं कली आन ची हिरशा कोंइशो बाक्‍नीम। आन कुल ममाइ। मो हना यो मेको श्‍येत जामे नाक्‍ती जाक्‍शा ‘आंइ कली प्रोंइकी’ देंनीम। येरमीया ७:२४; येरमीया १८:१७; येरमीया ३२:३३

येरमीया 2:7

गो इन कली रिम्‍शो रागीम चाक्‍तन्‍नी। मेकेर ङा फल नु रिम्‍शो थोव़क जपाइक्‍चा कली चाक्‍तन्‍नी। तन्‍न गेपुकी जाक्‍शा, आं रागी मरिम्‍शो सेल्‍तीनी। आं रागी कली ग्रांग्रा दिशो सेल्‍तीनी। ब्‍यवस्‍था १:२५; न्‍यायाधीस २:१-२

येरमीया 3:2

परमप्रभु यावेम “इर कोव़ङो। गोरशो डांडा मेर कोव़ङो। गे सु नु मइ‍मे? गे मुर मबाक्‍तीके अराब खोदेंशो पा लांमी बाक्‍शा, गे नु इप्‍ब मुर आन कली रिम्‍ना रिम्‍न बाक्‍ते। गे इ तेल्‍लेम पतीके नु आं अरेशो मटितीकेम मेको रागी ग्रांग्रा दिशो सेल्‍तीवी। होसे ४:१३

इजीकीएल 16:17

गो इ कली गेशो दारशो गहना लाइश्‍शा, मेको आं सुन चांदी के बाक्‍तेक्‍म। मिनु मेको रे वोंइश मुर मूर्ति सेल्‍साक्‍वे। मिनु मेको नु तेल्‍लेम पाप्‍तीवी। होसे ८:४

इजीकीएल 23:10

मिनु मेकोपुकीमी मेको कली शिश्रा सेल्‍तेक्‍म। मिनु मेको आ तमी तौ आन कली ग्‍याइक्‍ताक्‍म। मिनु मेको कली तरवारम साइक्‍तेक्‍म। मेकोम सजाइ ताप्‍तु। मेको मीश मुर आन दातेम शुक्‍शी पाइक्‍चा पुंइसीब दुम्‍त।

इजीकीएल 23:21

मो हना यो गे इजीप्‍त रागीम इ कुचु थिशो इ ठिटी ना ङा मरिम्‍शो पशो नाक्‍ती मिम्‍ताक्‍वी” देंत।

इजीकीएल 23:3

मेको निक्‍शी इजीप्‍त रागीम तेल्‍लेम दुम्‍ताक्‍स। मेको निक्‍शी ठिटी दुम्‍सानु, तेल्‍लेम पचा गोम्‍ताक्‍स। मेको रागीम मेको आस कुचु थिम्‍तेक्‍म। मिनु मेको निक्‍शी कन्‍ने बाक्‍सानु, आस दूध थि‍चा पुंइसाक्‍स।

होसे 2:2

इन ममा कली हुइक्‍तीन। मेको कली शुश हुइक्‍तीन। मारदे हना मेको आं मीश मबाक्‍ब। मिनु गो मेको आ वोंइश मनङ। मेकोमी आ मिक्‍च वोंइश मुर गे हिरचा प्रोनल। मिनु आ दूध आस दाते ङा नाता ख्रोइश्‍शा, ग्रांग्रा दिशो गेय प्रोनल। इजीकीएल १६:२३;

होसे 4:12

आं मुरपुकीमी शी के मूर्ति कली हिल्‍लो पाइनीम। मिनु मेकोपुकीमी कोक्‍केमी साहीत कोव़नीम। मारदे हना तेल्‍लेम पतीक थुंमी मेको आन कली हेंथे गाक्‍पाइश्‍शो बाक्‍ब। मेकोपुकीमी तेल्‍लेम पचा कली परमप्रभु कली प्रोंइतेक्‍म। येरमीया २:२७; होसे ५:४

योएल 1:19

परमप्रभु यावे, गो इन कली वाइ ब्रेश्‍शा थोइनुङ। मारदे हना बी ब्‍यफ नु क्‍यारश भेडा आन जोतीके मीम नेक्‍शो बाक्‍ब। मिनु मीम रू ङा रवा नेल्‍ल नेक्‍शो बाक्‍ब। योएल २:३

हबकुक 2:19

आबी आबी, गे शी कली ‘सेंसो’ दे ब्‍वाक्‍ने मचाप्‍ब फुल्‍लु कली ‘बोक्‍को’ देंनेवे। मार, मेकोमी मुर कली शेंने चाप्‍बा? मेको सुन चांदीमी गिल्‍शो बाक्‍त। तन्‍न मेको नु काइ ब्रोंइतीक सोक्‍त मबाक्‍ब। भजन संग्रह ११५:४-८

मत्ती 5:32

गोमी मार देंनुङ देंशा हना, सुमी आ मीश आं नु फ्राशा सोइक्‍बा, मेकोमी आ मीश कली मीश वोंइश आस नाता ख्रोइक्‍पाइक्‍ब। मीश मुरुमी आ वोंइश बाक्‍ना बाक्‍न अर्को वोंइश मुर नु मरिम्‍शो गेय पाप्‍तु हना, मोदेंशो मीश मुर कली प्रोंइचा दुम्‍ब। सुमी छोड पत्र गेचा पुंइसीशो मीश मुर ग्‍युंबे पाइबा, मेकोमी यो मीश वोंइश आस नाता ख्रोइक्‍ब। लूका १६:१८; १कोरिन्‍थी ७:१०-११