येरमीया 3:7 - Sunuwar Bible

⁷ मेकोमी मोदेंशो नेल्‍ल पा आं गे लेप्‍ब, दे मिम्‍ताक्‍ङ। तन्‍न मेको मले। मिनु मेको नेल्‍ले जोल पाइब आ लोक्‍ब यहूदाम ताप्‍तु। २कोरिन्‍थी ७:८-९; इजीकीएल २३:२,४१

येरमीया 3:7 ပူးပေါင်းရင်းမြစ်များ

२ इतिहास 17:4

तन्‍न मेको परमप्रभु यावे, आ आफ आ परमप्रभु आ नोले खोदा बाक्‍त। मिनु मेको आ शेंशो पवा बाक्‍त। मेको इस्राएल ङा पिप आन लांम मगाक्‍माक्‍त।

येरमीया 12:1

परमप्रभु यावे, गो इन कली दोस गेता हना, गे ठीक पाइब बाक्‍नीनी। तन्‍न गो आं निसाफ इन ङोंइती वोइक्‍नुङ। दोस ताइबपुकी मारदे सोशा बोशा लाइ‍नीमी? थमा मसुइक्‍ब मुर मारदे रिम्‍शो दुम्‍ना दुम्‍न बाक्‍नीमी? भजन संग्रह ७३:३

येरमीया 33:24

मार लोव़ पाप्‍तु देंशा हना “मेको मुरपुकी मार, देंना देंन बाक्‍मा, मार, गे मनेंनी? मेकोपुकीमी ‘परमप्रभु यावे आ योव़शो खिं निक्‍शी ङा मुर आन कली प्रोंइशा तिल्‍शो बाक्‍ब’ देंतेक्‍म। मो देंतीके मेको मुरपुकीमी आं मुर आन कली आइक्‍च सेल्‍शा, मुल रे रागी का यो मनम, दे मिम्‍नीम” देंत।

येरमीया 5:11

मारदे हना इस्राएल नु यहूदा ङा मुरपुकीम थमा पा प्रोंइतीमी” देंत।

इजीकीएल 16:46

मिनु इ दिदी सामरीया बाक्‍ब। मेको इ उत्तर गे आ तमीपुकी नु बाक्‍शो बाक्‍त। इ लोक्‍ब नु आ तमी चहिं दक्‍खिन गे सोदोम सहरम बाक्‍नीम। मेको आ तमीपुकी नु बाक्‍शो बाक्‍ब।

इजीकीएल 16:47

गे मेको आन गाक्‍शो लांम ला मगाक्‍ङे। मिनु मेको आन मूर्ति पूजा पशो आ नोले यो खोइक्‍तीवी। मिनु इच्‍का नाक्‍तीमीन इ पतीक नेल्‍लेम मेको आन क्‍येङा यो शुश मरिम्‍शो पाप्‍तीवी” देंत।

होसे 11:7

आं मुरपुकी गेना हना यो, आं क्‍येङा ङोन लाइनीम। मोपतीके मेकोपुकीमी जुवा कुरशो खोदेंशो पा श्‍येत जचा माल्‍नीम। मिनु सुइमी मेको आन कली आन श्‍येत रे मप्रोंइब।

होसे 14:1

गे इस्राएली, परमप्रभु यावे, इन परमप्रभु गे लेश्‍शा जाक्‍कीन। मारदे हना गे इन मरिम्‍शो पतीके रे खतम दुम्‍तीनी।

आमोस 4:8

मोपतीके मुरपुकी सहर सहर रे ब्‍वाक्‍कु तूचा कली सहर काम जाक्‍तेक्‍म। तन्‍न रूथ्री तूचा मताम। मो हना यो गेपुकी आं गे मलेन्‍नी” दे परमप्रभु यावेमी देंत।

मलाकी 2:11

यहूदामी आं कली प्रोंइती। मिनु इस्राएल नु यरूसलेममी ग्रांग्रा दित्‍चा ङा गेय दुम्‍शो बाक्‍ब। मारदे हना यहूदामी परमप्रभु यावे आ दाक्‍शो बाक्‍तीके ग्रांग्रा दिशो सेल्‍तु। दोपा मोदेंशो सेल्‍तु देंशा हना, आंम तौ आन कली देवी देवता आन कली ठेयब सेल्‍ब मुर आन तमी चाक्‍तु। एज्रा ९:२