येरमीया 3:6 - Sunuwar Bible

⁶ योसीयाहम सासन पची ना परमप्रभु यावेमी आं कली “थमा सुइक्‍ने मचाप्‍ब इस्राएलम मार, पवा, मतवी? मेकोमी डांडा नेल्‍ल ङोइश्‍शा, गिगी रवा नेल्‍ल आन पुंम तेल्‍लेम पाप्‍तु। येरमीया २:२०

येरमीया 3:6 ပူးပေါင်းရင်းမြစ်များ

१ राजा 14:23

मेकोपुकीम इर डांडा डांडा ङा थानम, देवी आ मूर्ति पाइश्‍शो थाम नु लाइश्‍शो डांडा ङा शुश सफा पाइश्‍शो रवा आन आगाम थान सेल्‍समा बाक्‍त। २राजा १६:१-४

२ इतिहास 34:1

योसीयाह पिप दुम्‍मेनु, ८ बर्स दुम्‍शो बाक्‍माक्‍त। मेकोमी यरूसलेमम ३१ बर्स सासन पवा बाक्‍त।

भजन संग्रह 106:39

मोपा मेको आन गेयम पतीके ग्रांग्रा दिशो दुम्‍शा, तेल्‍लेम खोदेंशो दुम्‍मा बाक्‍त।

यसैया 57:3

“तन्‍न गेपुकी एक जाक्‍कीन। गे मन्‍तर तन्‍तर पाइब आ तमी तौ नु हेंथे गाक्‍ब वोंइश मुर नु तेल्‍लेम आ आलपुकी एक जाक्‍कीन। होसे २:४

यसैया 57:7

गे लाइश्‍शो नु ठेयब डांडामी इन ब्राख्‍ये सेल्‍तीनी। गे मेकेर चढ़ेथ लाइतीनी।

येरमीया 1:2

यहूदा ङा आमोन आ तौ पिप योसीयाहम सासन पवा आ १३ बर्समी परमप्रभु यावेमी येरमीया कली लोव़ पाप्‍तु। २राजा २१:२४; २राजा २२:१

येरमीया 11:10

मेको आन किकी पिपी आन मरिम्‍शो पतीक गे लेश्‍शा लाम्‍तेक्‍म। आं अरेशो मटीम। पाप गे लेश्‍शा लाम्‍तेक्‍म। अरु देवी देवता आन कली पूजा पा, मेको आन नोले खोइक्‍तेक्‍म। गो मेको आन किकी पिपी नु पशो कबल इस्राएल आ खिं ङा मुर नु यहूदा आ खिं ङा मुर नेल्‍लेमी क्‍याम्‍ताक्‍म” देंत।

येरमीया 17:2

मेको आन आलपुकीमी यो आन चढ़ेतीक नु आन मूर्ति पाइश्‍शो थाम आन कली मिम्‍नीम। मेको नेल्‍ल गिगी रवा आन पुंम नु लाइश्‍शो पहाड तार बाक्‍तेक्‍म।

येरमीया 3:8

मेको थमा सुइक्‍ने मचाप्‍ब इस्राएल कली आ शुश तेल्‍लेम पतीके, गो छोड पत्र गेशा, सोइक्‍ताक्‍ङ, दे तुइश्‍शो बाक्‍त। मो हना यो आ लोक्‍ब देंखु पशो यहूदामी मेको तशा महिंथु। मेकोमी यो तेल्‍लेम पाप्‍तु।

येरमीया 31:22

गे काइ मटीब तमी, गे गेना सम्‍म रिम्‍नेवे? मारदे हना परमप्रभु यावेम मेको रागी ङा मुर आन पशो नक सेल्‍तु। मेको मीश मुरुम वोंइश मुर कली दाक्‍ब।

येरमीया 5:11

मारदे हना इस्राएल नु यहूदा ङा मुरपुकीम थमा पा प्रोंइतीमी” देंत।

येरमीया 7:24

तन्‍न मेकोपुकीमी आं अरेशो मटीम। आं लोव़ मनेनेम। मेको आन खकटा थुं ङा मरिम्‍शो पतीकेमी आंम दला दाक्‍स पाम्‍तेक्‍म। आन ची हिरताक्‍म, आं कुल गे मकोव़यीमी। येरमीया ११:८; यसैया ६५:२

इजीकीएल 16:31

गे ग्रुम्‍तीक लां नेल्‍ल नु इ चोक चोकम इ लाइश्‍शो बाक्‍तीके सेल्‍तीवी। तन्‍न गे तेल्‍लेम खोदेंशो मदुमे। मारदे हना गे इ गाल्‍च मताक्‍गी।

इजीकीएल 16:35

मोपतीके ए तेल्‍लेम, परमप्रभु यावे आ लोव़ नेनो।

इजीकीएल 20:28

गो कसम जशा मेको आन कली गेनुङ देंशो रागीम चाक्‍तामी। मेकोपुकीम मेकेर लाइश्‍शो डांडा नु शुश सफा पाइश्‍शो रवा ताम्‍तेक्‍म। मेकेर आन मार मार चढ़ेम्‍तेक्‍म। आं कली गाइक्‍पाइक्‍चा कली आन पोक्‍शो मार मार चढ़ेम्‍तेक्‍म। मेकेर आन ब्रोव़शो रिना पाइश्‍शो धूप चोशा, आन तूचा थोव़क चढ़ेतीक चढ़ेम्‍तेक्‍म।

इजीकीएल 23:11

मिनु मेको आ लोक्‍ब ओहोलीबामी मेको ताप्‍तु। तन्‍न मेकोम आ तेल्‍लेम पतीक नु खोइक्‍तीकेम आ दिदी क्‍येङा यो लाक्‍तु।

इजीकीएल 23:4

मिनु दिदी आ नें ओहोला नु आ लोक्‍ब आ नें ओहोलीबा बाक्‍त। मेको निक्‍शी आं के दुम्‍शो बाक्‍ताक्‍स। मिनु मेको निक्‍शीमी तमी तौ थिम्‍ताक्‍स। मेको आस नें आ अर्थ मार बाक्‍त देंशा हना, ओहोला सामरीया नु ओहोलीबा यरूसलेम बाक्‍त।

होसे 11:7

आं मुरपुकी गेना हना यो, आं क्‍येङा ङोन लाइनीम। मोपतीके मेकोपुकीमी जुवा कुरशो खोदेंशो पा श्‍येत जचा माल्‍नीम। मिनु सुइमी मेको आन कली आन श्‍येत रे मप्रोंइब।

होसे 4:13

मेकोपुकीमी डांडामी चढ़ेनीम। मिनु पहाडमी तुल्‍च, पिपल नु सेक्‍ल रवा आन वांकुम धूप चोइनीम। मोपतीके इन तमी तेल्‍लेम दुम्‍नीम। मिनु इन चाइमीपुकी अरु आन वोंइश नु बाक्‍नीम। इजीकीएल ६:१३

न्‍यायाधीस 2:17

तन्‍न मेकोपुकीमी निसाफ पाइब आन देंशो लोव़ मनेन्‍मे बाक्‍त। मेकोपुकीमी तेल्‍लेम पशो खोदेंशो पा अरु देवी देवता आन नोले खोदमे बाक्‍त। मेको आन ङोंइती बाम्‍मा बाक्‍त। मेकोपुकी परमप्रभु यावे आ शेंशो लोव़ टीब आन किकी पिपी आन गाक्‍शो लां प्रोंइशा, मटीब दुम्‍मा बाक्‍त।