येरमीया 3:5 - Sunuwar Bible

⁵ मार, मेको गेना हना यो गाइक्‍स ङा गाइक्‍स बाक्‍बा ङा? मार, इन गाइक्‍चा गेना हना यो बाक्‍बा ङा?’ दे आं कली ब्रेत्‍ते। मिनु गे ओदेंशो लोव़ पाइनेवे। तन्‍न मार मरिम्‍शो बाक्‍मे, मेको नेल्‍ल पाप्‍तीवी” दे परमप्रभु यावेमी देंत।

येरमीया 3:5 ပူးပေါင်းရင်းမြစ်များ

२ इतिहास 29:10

मिनु मुल गो परमप्रभु यावे, इस्राएली आन परमप्रभु नु कबल पचा थुं पशो बाक्‍नुङ। मोपा इं पर्बम गाइश्‍शो बेक्‍बा कों?

भजन संग्रह 85:5

मार, गे गेना हना यो गोपुकी नु गाइक्‍स ङा गाइक्‍स बाक्‍नीनी? गे गोपुकी नु आंइ चच युइ आन पाला सम्‍म गाइक्‍स ङा गाइक्‍स बाक्‍नीनी?

भजन संग्रह 85:6

मार, गे इन मुर आंइ कली गे नु ग्‍येरसीचा कली लेंशा, मबोक्‍पाइक्‍नीनी?

यसैया 57:16

मिनु गो गेना हना यो दोस मगेनुङ। गाइक्‍स ङा गाइक्‍स मबाक्‍नुङ। मोपा बाक्‍ती हना, आंम आं सेल्‍शो मुर आन थुं थाइब। भजन संग्रह १०३:९

यसैया 64:9

परमप्रभु यावे, शुश मगाइक्‍तीने। आंइ मरिम्‍शो पशो गेना हना यो ममिम्‍तीन। आंइ कली कोव़ङीन, गो नेल्‍ल इन मुर बाक्‍नीकी।

येरमीया 3:12

‘गे लावो। मिनु एको लोव़ उत्तर गे शेंदीमी। थमा सुइक्‍ने मचाप्‍ब इस्राएल, परमप्रभु यावेम लेतो। गो इ कली तशा मगाइक्‍नुङ। मारदे हना गो शिशी पाइब नङ। गो गेना हना यो मगाइक्‍नुङ’। प्रस्‍थान ३४:६;

येरमीया 8:5

मो हना यो एको मुरपुकी मारदे ची हिरशा गाक्‍मा? मारदे मेको नोले शोंइसीना सीन बाक्‍नीमी? आन मरिम्‍शो पतीके मप्रोंइथु, लेश्‍शा जाक्‍ने मबित्‍नीम।

येरमीया 8:6

गो, आं नोफा दाइश्‍शा नेंनुनु, मेकोपुकीम आं कली ठीक लोव़ मपाइनीम। आन मटिशो आ पर्बम माफ मपुंइनीम। मेकोपुकीमी ‘गो मरिम्‍शो पाता’ मदेंनीम। नेल्‍ल आन दला दाक्‍स पाइनीम। मेकोपुकी शारा खोदेंशो पा लडाइम दोरनीम।

इजीकीएल 22:6

मेकेर बाक्‍शो इस्राएल ङा पिप आ तौ नेल्‍लेम आन सक्तिम हुश ख्राक्‍श पोक्‍शो बाक्‍तेक्‍म।

मीका 2:1

आबी आबी, सु सुम आन ब्राख्‍येम गोल्‍शा पाप नु मरिम्‍शो पचा ला मिम्‍नीमी। मिनु नां सोव़म चोटीन मेको आन मिम्‍शो पाइनीम। मारदे हना मेको पने चाप्‍ब बाक्‍नीम।

मीका 7:3

मेकोपुकी मरिम्‍शो पचा कली जोक्‍ब बाक्‍नीम। आन ठेयब मुर नु निसाफ पाइबपुकीमी घूस जाइ‍नीम। सक्ति पाइश्‍शोपुकीमी मार मिम्‍तमे मेकोन पाइनीम। मोपा ठीक पतीके कली दूली सेल्‍नीम।