येरमीया 3:24 - Sunuwar Bible

²⁴ गोपुकी आंइ ठिटा ठिटी रेन मेको मुने तोक्‍ब गेयमी आंइ किकी पिपी रे श्‍येत पा गेय पशो नेल्‍ल नेक्‍‍तु। मेको आन क्‍यारश भेडा, आन बी ब्‍यफ नु आन तमी तौ आन कली नेक्‍‍तु।

येरमीया 3:24 ပူးပေါင်းရင်းမြစ်များ

येरमीया 11:13

यहूदा, इ के दोशो सहर बाक्‍मा, मोशो इ देवी देवता दुम्‍तेक्‍म। यरूसलेममी गिश लां बाक्‍मा, मीश मुने दोक्‍तीक बाल देवता कली चढ़ेतीक सेल्‍तेक्‍म।

येरमीया 22:21

गे रिम्‍शो पा बाक्‍ङेनु, गो इ कली लोव़ पाता। तन्‍न गे “गो मेको मनेंनुङ” देंते। गे ठिटा बाक्‍ङे ना रेन मोदेंशो बाक्‍ते। गे आं देंशो मटिवी।

येरमीया 44:7

मिनु मुल मुर नेल्‍ल आन परमप्रभु यावे, इस्राएली आन परमप्रभुमी “मारदे गेपुकीम आंम इन कली मोदेंशो श्‍येत गेनीनी? यहूदा आ दाते रे मीश मुर, वोंइश मुर, आल नु दूध तूब आल नेल्‍ल आन कली तिल्‍पाइश्‍शा, सुइ इन कली मलीपाइक्‍नी। येरमीया ४२:२२

येरमीया 8:16

मिनु “दान रे जोरी सत्रु आन शारा आन सोंव सोंव पशो नेंसाक्‍व। मेको आन शारा आन ग्रीशो आ पर्बम रागी नेल्‍ल ख्रिंख्रि पाइब। मेकोपुकी रागी नु मेकेर बाक्‍शो मारेइ मारेइ, सहर नु मेकेर बाक्‍ब नेल्‍ल आन कली दाक्‍चा कली जाक्‍शो बाक्‍नीम। येरमीया ४:१५

येरमीया 9:18

मेकोपुकीमी “रीब पा जाक्‍मल। मिनु आंइ पर्बम रोंका पामेक्‍ल। इं मिक्‍च नेल्‍ल प्रेक्‍कु मदुम सम्‍म नु इं मिक्‍च आ पारला रे ब्‍वाक्‍कु खोदेंशो पा प्रेक्‍कु मदोक्‍म सम्‍म, मेकोपुकीमी रोंका पामेक्‍ल।

इजीकीएल 16:19

गो इ कली जचा थोव़क यो गेतन। गो इ कली रिम्‍शो फस, खुदो नु रिम्‍शो तेल जचा गेतन। तन्‍न गे मेको जचा थोव़क मेको आन ङोंइती ब्रोव़शो रिना पपाइक्‍चा कली चढ़ेप्‍तीवी। मोदेंशो दुम्‍त।

इजीकीएल 16:20

मिनु गे आं कली थिशो तमी तौ आन कली लाइश्‍शा, मूर्ति आन कली जचा थोव़क सेल्‍शा क्‍योरशा चढ़ेप्‍तीवी। मार इ तेल्‍लेम पशोमीन मगाम ङा? इजीकीएल २०:२६; इजीकीएल २३:३७; ब्‍यवस्‍था १२:३१; २राजा १६:३; येरमीया ७:३१

इजीकीएल 16:61

मेना गे इ पशो नेल्‍ल मिम्‍शा, मुने दोक्‍शा, इ लोक्‍ब आस कली ब्राइ‍नेवे। गो मेको आस कली इ तमी खोदेंशो पा गेनन। तन्‍न मेको गे नु पशो कबलम पतीके पशो ममाइ। इजीकीएल २०:४३

इजीकीएल 16:63

मिनु गे इ ङोंइती पशो मिम्‍शा मुने दोक्‍नेवे। गो इ पशो गेय नेल्‍ल आन पर्बम माफ गेनन। मिनु गे इ मुने आ पर्बम गे ठेयब लेश्‍शो लोव़ पने मचाप्‍नेवे” दे परमप्रभु, परमप्रभु यावेमी देंत। इजीकीएल ३६:३१-३२

होसे 10:6

मेको मूर्ति कली अस्‍सुर लाइक्‍नीम। मिनु ठेयब पिप कली सोइक्‍नीम। एफ्राइम मुने दोक्‍ब, इस्राएल चहिं आ मिम्‍शो आ पर्बम मुने दोक्‍ब। होसे ५:१३

होसे 2:8

गो मेको कली अन्‍न, नक अङगुर शांबु नु तेल गेता हना यो मेकोमी मतुइक्‍त। गोम मेको कली सुन चांदीम ग्‍योम्‍ताक्‍ङ। तन्‍न मेकोमी आं गेशो नेल्‍ल बाल देवता कली गेप्‍तु। ब्‍यवस्‍था ७:१२-१३

होसे 9:10

दोदेंशो पा गोरशो रागीमी अङगुर थित्‍नीमी, मोदेंशो पा गो इस्राएल कली थित्‍ता। फोव़शी रवामी नेल्‍ल क्‍येङा ङोंइती ङा फोव़शी फल सिश्‍शो खोदेंशो पा गो इन किकी पिपी आन कली थित्‍तामी। तन्‍न मेकोपुकी बाल-पेओर गे लाम्‍तेक्‍म। मिनु मेकोपुकी आंम कली बाल कली जिम्‍मा गेसाक्‍म। मिनु मेको आन दाक्‍शो मूर्ति खोदेंशो पा ग्रांग्रा दित्‍चा ङा दुम्‍तेक्‍म। ब्‍यवस्‍था ३२:१०; गन्‍ती २५:३