येरमीया 3:19 - Sunuwar Bible

¹⁹ मिनु गो इन कली आंम आल आन दातेमी बाक्‍चा गेनुङ। गो इन कली रिम्‍शो रागी का गेनुङ। मेको रागी नेल्‍ल आन दाते ङा नेल्‍ल क्‍येङा दारशो रिम्‍शो रागी बाक्‍ब। मिनु गे आं कली ‘आं आफ’ देंनीनी। गे नोले मशोइक्‍ब दुम्‍नीनी, दे मिम्‍ताक्‍ङ। ब्‍यवस्‍था ७:६; ब्‍यवस्‍था ३२:६; ब्‍यवस्‍था ८:७; येरमीया ३:४

येरमीया 3:19 ပူးပေါင်းရင်းမြစ်များ

भजन संग्रह 106:24

मिनु नोले मेकोपुकीमी परमप्रभु आ गेशो रागी मदाक्‍शो बाक्‍तेक्‍म। आ थोक्‍शा पशो लोव़ थमा मसुइश्‍शो बाक्‍तेक्‍म। गन्‍ती १४:२-४; ब्‍यवस्‍था ८:७-१०

भजन संग्रह 16:6

इन गेशो रू रिम्‍शो बाक्‍ब। गो थम रिम्‍शो शोंप ताता।

भजन संग्रह 89:26

मेकोमी आं कली ‘गे आं आफ बाक्‍नीनी। आं परमप्रभु, आं कली श्‍येत रे प्रोंइब सेरथे फुल्‍लु बाक्‍नीनी’ देंब। २सामुएल ७:१४

हितोपदेस 3:35

तुइक्‍ब मुरपुकी मान पाइक्‍चा पुंइसीनीम। तन्‍न मटीब मूर्खपुकी मुने दोक्‍नीम।

यसैया 63:16

गे आंइ आफ बाक्‍नीनी। मिनु अब्राहाममी आंइ कली मतुइश्‍‍शो बाक्‍त। इस्राएलम आंइ कली मतव। गे, परमप्रभु यावे, आंइ आफ, आंइ श्‍येत रे प्रोंइब बाक्‍नीनी। मेको साइ रे इन नें बाक्‍ब। ब्‍यवस्‍था ३२:६

यसैया 64:8

मो हना यो परमप्रभु यावे, गे आंइ आफ बाक्‍नीनी। गो खप नकी, गे खप के ग्‍योंब सेल्‍ब बाक्‍नीनी। गो नेल्‍ले इन सेल्‍शो नकी।

येरमीया 12:10

शुश गोठलापुकीम आं अङगुर रू खतम सेल्‍तेक्‍म। मेकोपुकीमी आं भाग दिम्‍शा ताइश्‍शा पाम्‍तेक्‍म। मेकोपुकीमी आं दारशो भाग कली गोरशो रागी खोदेंशो पा मुर मबाक्‍तीक सेल्‍तेक्‍म। येरमीया ६:३

येरमीया 3:17

मेना यरूसलेम कली ‘परमप्रभु यावे आ ठेयब नित्‍तीके’ देंनीम। मिनु रागी रागी ङा मुर नेल्‍ल मेकेर देल्‍नीम। मुर नेल्‍ल परमप्रभु यावे आ नेक्‍था यरूसलेमम देल्‍नीम। मेना रे आन थुं ङा मरिम्‍शो लोव़ मपाइ‍नीम। प्रस्‍थान १७:१६; यसैया २:२-४; मत्ती ४:२

येरमीया 3:4

मार, गे मुल नक आं कली ‘आं आफ, आं ठिटी रे ङा वारच, देंते।

येरमीया 31:20

मिनु “मार, एफ्राइम आं दाक्‍शो तौ ममाइ ङा? मेको आ पर्बम गो मग्‍येरनुङा? गो मेको कली हुइक्‍ताक्‍ङ हना यो, मेको कली मिम्‍ना मिम्न बाक्‍ती। मोपतीके गो मेको कली मुल सम्‍म दाक्‍नुङ। गो मेको कली थमा पा शिशी पाइक्‍नुङ” दे परमप्रभु यावेम देंत। यसैया ४९:१५; होसे ११:८

येरमीया 31:9

मेकोपुकी ङाक्‍ना ङाक्‍न जाक्‍नीम। गो मेको आन कली शिशी पा लेश्‍शा चाक्‍नुङमी। गो मेको आन कली खोला आ नेक्‍था गाक्‍पाइक्‍नुङमी। दाइल मपांइसीचा ङा पित्‍थ लांम खुल्‍नुङमी। मारदे हना गो इस्राएल आ आफ दुम्‍शो बाक्‍नुङ। मिनु एफ्राइम आं ङोंइती जरमेशो तौ बाक्‍ब।

येरमीया 33:9

मिनु एको सहर आं ङोंइती ग्‍येरपाइक्‍तीक, ठेयब सेल्‍तीके नु आं कली मान पतीके दुम्‍ब। मिनु रागी रागी ङा मुरुम गो इस्राएली आन कली मार मार रिम्‍शो पशो नेंनीम। मिनु मेको आन कली रिम्‍शो नु आन माल्‍शो क्‍येङा शुश गेशो तशा आं पर्बम हिंशा ख्रिंख्रि पाइनीम” देंत।

येरमीया 5:7

मिनु परमप्रभु यावेम “गो इन कली दोपा माफ गेने चाप्‍नुङा ङा? इन आलपुकीम आं कली प्रोंइतेक्‍म। मिनु परमप्रभु आ नेंम ममाइ, अर्को देवी देवता आन नेंमी कसम जाम्‍तेक्‍म। गो मेको आन माल्‍शो नेल्‍ल खाप्‍ता हना यो, मेकोपुकीम तेल्‍लेम पाम्‍तेक्‍म। मिनु तेल्‍ले‍म आन खिंम क्राक्‍थ्री चोक्‍थ्री दुम्‍तेक्‍म।

इजीकीएल 20:6

गो मेको नाक्‍ती मेको आन कली इजीप्‍त रे ग्रुंइशा, आन माल्‍शो रागीम चाक्‍नुङमी। मेको रागीम दूध नु खुदो शाइश्‍शो बाक्‍ब। मिनु मेको रागी, रागी नेल्‍ल आन क्‍येङा रिम्‍शो बाक्‍ब, दे कसम जशा देंशो नङ। प्रस्‍थान ३:८

दानीएल 11:16

मिनु उत्तर ङा पिपम मार पचा दाक्‍बा, मेको पाइब। मिनु सुइमी मेको कली तेक्‍ने मचाप्‍नीम। मिनु मेकोम नेल्‍ल क्‍येङा दारशो रागी आंम के सेल्‍शा, मारेइ मारेइ खतम सेल्‍ब। दानीएल ८:९

दानीएल 11:41

मिनु मेको रागी रागी नु लडाइ पा, ठेयब खोला खोदेंशो पा बारब। मिनु मेको दारशो रागी ओव़शा, हजार हजार मुर आन कली साइक्‍ब। तन्‍न एदोम, मोआब रागी नु अम्‍मोनी आन रागी ङा नेल्‍ल क्‍येङा ठेयब बाक्‍तीके मेको आ गुइमी मदुम्‍‍नीम। दानीएल ११:१६

दानीएल 11:45

मिनु मेकोमी ठेयब समुन्‍द्र नु नेल्‍ल क्‍येङा दारशो परमप्रभु आ सहर ङा डांडा आस दातेमी आ बाक्‍तीक ताम्‍बु की‍ब। मो पाप्‍तु हना यो, मेको बेक्‍ब। सुइमी मेको कली वारच मपाइनीम” दे स्‍वर्ग ङा गेय पाइबम देंत।

दानीएल 8:9

मिनु मेको ४ ओटा ग्रोव़ आन दाते ङा का रे अर्को इम्‍चीली ग्रोव़ का ग्रूत। मिनु मेको नक ग्रूशो ग्रोव़ दक्‍खिन, पूर्ब गे नु दारशो रागी गे कोव़शा थाम्‍पा ठेयब दुम्‍शा कोल्‍त। दानीएल ७:८

होसे 11:8

एफ्राइम, गो इ कली दोपा प्रोंइने चाप्‍नुङा? इस्राएल, गो इ कली दोपा इ जोरी सत्रु आन गुइमी गेने चाप्‍नुङा ङा? गो इ कली दोपा अदमाह कली पाइश्‍शो खोदेंशो पाइनुङा ङा? गो इ कली दोपा सेबोयीम खोदेंशो सेल्‍नुङा ङा? मुल आं थुं फांइसाक्‍व। गो गाइक्‍चा रे लेश्‍शा, शिशी पाइब दुम्‍ती। ब्‍यवस्‍था २९:२२; येरमीया ३१:२०

गलाती 3:26

ख्रीस्‍त येसु कली थमा सुइश्‍शा, गे नेल्‍ल परमप्रभु यावे आ तमी तौ दुम्‍तीनी। यूहन्‍ना १:१२; रोमी ८:१७

एफिसी 1:5

मिनु परमप्रभु यावेमी इं कली दाक्‍शा “येसु ख्रीस्‍त कली थमा सुइक्‍ब दुम्‍नीम” दे आंम आ तमी तौ सेल्‍तु। मेकोन परमप्रभु यावे आ दाक्‍शो बाक्‍त।

ब्‍यवस्‍था 14:1

मिनु मोसामी “गेपुकी परमप्रभु यावे, इन परमप्रभु आ तमी तौ ननी। बेक्‍शो मुर आ पर्बम इन कुशुल प्रेक्‍चा मदुम्‍ब। इन चां प्रेक्‍चा मदुम्‍ब। लेवी १९:२७-२८; येरमीया ४७:५; इजीकीएल ७:१८

हिब्रू 10:39

तन्‍न नोले शोंइ‍सीशा खतम दुम्‍चा पुंइसीब मदुम्‍नय। गेना हना यो परमप्रभु यावे नु बाक्‍चा ताइनय, दे थमा सुइश्‍शा बाक्‍नय। १थिस्‍सलोनिकी ३:३

१ पत्रुस 1:17

गेपुकीमी परमप्रभु यावे कली “इं आफ” दे पुंइना पुंइन बाक्‍नीनी। मेकोमी मुर आन कुल मकोव़थु, आन पशो कोव़शा, निसाफ पाइब। मोपतीके गे रागीमी बाक्‍नीनु, पाप पचा हिनीन। रोमी २:११; फिलिप्‍पी २:१२