येरमीया 3:18 - Sunuwar Bible

¹⁸ मेको नाक्‍ती यहूदा आ खिं ङा मुर, इस्राएल आ खिं ङा मुरपुकी नु गारनीम। मिनु मेकोपुकी कालेम उत्तर रे पा इन किकी पिपी आन कली गेशो रागीम जाक्‍नीम। यसैया १:१-१३

येरमीया 3:18 ပူးပေါင်းရင်းမြစ်များ

उत्पत्ती 12:7

मेकेर जाक्‍दीम्‍मेनु, परमप्रभु यावे अब्राम आ ङोंइती ग्रूशा, मेको कली “एको रागी इ चच युइ आन कली गेनुङ” दे लोव़ गेवा बाक्‍त। मिनु अब्राममी “गो परमप्रभु यावे कली ताता” दे चढ़ेतीक का सेला बाक्‍त। उत्‍पत्ती १३:१५; उत्‍पत्ती १५:१८; उत्‍पत्ती १७:८; उत्‍पत्ती ३५:१२; प्रस्‍थान ६:४,८; प्रस्‍थान ३२:१३; यहोसु २१:४३; प्रेरित ७:५

यसैया 43:5

महिनीन, गो गेपुकी नु बाक्‍नुङ। गो इन आल आन कली नां दाप्‍तीक पूर्ब रे चाक्‍नुङ। मिनु नां पेरतीके पच्‍छिम रे खुप्‍शा तेल्‍नुङ। यसैया ११:११-१६; येरमीया ३०:१०

यसैया 43:6

गो उत्तर कली ‘प्रोंइशा सोइक्‍तीमी’ माइक्‍नुङ। दक्‍खिन कली ‘मतेक्‍मी’ आं तौ आन कली ङोन रागी रे चाक्‍कीन। मिनु आं तमी आन कली रागी आ सुर रे चाक्‍कीन।

येरमीया 16:15

तन्‍न मार देंनीम देंशा हना, मेकोपुकीमी ‘परमप्रभु यावे ब्रोंइशा बाक्‍शो नु इस्राएली आन कली उत्तर ङा रागी नु तेको तेको रागी रे चाक्‍शो खोदेंशो पा’ देंनीम। मारदे हना गो मेको आन कली आन किकी पिपी आन कली गेशो रागीम चाक्‍नुङमी। येरमीया २३:७-८

येरमीया 23:8

तन्‍न मार देंनीम देंशा हना, मेकोपुकीमी ‘परमप्रभु यावे ब्रोंइशा बाक्‍शो खोदेंशो नु इस्राएली आन चच युइ आन कली उत्तर ङा रागी नु तेको तेको रागी रे चाक्‍शो’ देंनीम। मारदे हना मेको आन रागीम बाक्‍चा ताइनीम” देंत। येरमीया १६:१४-१५

येरमीया 3:12

‘गे लावो। मिनु एको लोव़ उत्तर गे शेंदीमी। थमा सुइक्‍ने मचाप्‍ब इस्राएल, परमप्रभु यावेम लेतो। गो इ कली तशा मगाइक्‍नुङ। मारदे हना गो शिशी पाइब नङ। गो गेना हना यो मगाइक्‍नुङ’। प्रस्‍थान ३४:६;

येरमीया 30:3

आं मुर इस्राएली नु यहूदा ङा मुर आन थुं लेश्‍शा नाइक्‍चा गेतीक नाक्‍त थमा पा जाक्‍ब। मिनु गो मेको आन किकी पिपी आन कली गेशो रागीम लेंशा लाइक्‍नुङमी। मिनु मेकोपुकीमी मेको रागी आंम के सेल्‍नीम” देंत। येरमीया २९:१४

येरमीया 31:8

नेनीन, गो मेको आन कली उत्तर ङा रागी रे चाक्‍नुङमी। मिनु गो मेको आन कली रागी ङा सुर रे खुप्‍नुङमी। मेकोपुकी आन दातेमी मिक्‍च मताइब, गुइ खोइल मदुक्‍ब, कोव़ज कुरशो मीश मुर नु सुत्‍केरी रोइ पशो मीश मुर यो बाक्‍नीम। मेको आन ठेयब हुल लेश्‍शा एकेर जाक्‍चा माल्‍नीम। यसैया ३५:८-१०; इजीकीएल ३४:१६

येरमीया 50:20

मेको नाक्‍ती इस्राएल आ मरिम्‍शो पशो माल्‍शा कोव़शा हना यो, मथिंसीब। यहूदा आ पाप माल्‍शा हना यो, मथिंसीब। मारदे हना गो आं प्रोंइशा वोइश्‍शो लीशो आन कली आन पाप माफ गेतामी। येरमीया ३३:७-८

येरमीया 50:4

मेको नाक्‍ती इस्राएल ङा मुरपुकी नु यहूदा ङा मुरपुकी काथा ङाक्‍ना ङाक्‍न परमप्रभु यावे, आन परमप्रभु कली माल्‍थ गाक्‍नीम। येरमीया ३१:९

येरमीया 50:5

मेकोपुकीमी ‘सियोन गे लतीक लां ते बाक्‍बा?’ दे हिल्‍लो पाइनीम। मिनु ‘इन गाक्‍शो लांन बाक्‍ब’ देंनीम। मेकोपुकीमी गेना हना यो लीब मप्रेंतीके कबल पा परमप्रभु यावे कली जिम्‍मा गेंसीनीम। येरमीया ३२:४०

येरमीया 7:7

गो गेपुकी नु एक बाक्‍नुङ। साइ ङोंइती इन किकी पिपी आन कली गेशो रागीम गेना हना यो गेपुकी नु बाक्‍नुङ।

इजीकीएल 11:17

मोपतीके गे मेको आन कली ‘गो इन कली जात जात ङा मुर आन दाते रे खुप्‍नन्‍नी। मिनु ब्रशा लशो रागी नेल्‍ले रे पा खुप्‍नन्‍नी। मिनु गो इन कली इस्राएल रागी गेनन्‍नी। येरमीया २४:५-६; येरमीया २९:२४

होसे 1:11

मिनु यहूदा आ मुर नु इस्राएल आ मुर लेंशा गारशा का दुम्‍नीम। मिनु मेकोपुकीमी मुर का कली सासन पाइब सेल्‍नीम। मिनु मेको रागी रे ग्रूनीम। मारदे हना येज्रेल आ नाक्‍त ठेयब दुम्‍ब” देंत। यसैया ११:११-१३; येरमीया ३:१८; इजीकीएल ३७:२२

होसे 11:12

एफ्राइममी आं कली जोल पना पन बाक्‍ब। मिनु इस्राएलीमी यो खाल का ङा पा आं कली जोल पाइनीम। मिनु यहूदा आ का ला परमप्रभु आ नोले खोइक्‍चा कली थुं निक्‍शी प‍शो बाक्‍ब। तन्‍न मेकोमी मेको आन कली दाक्‍शा मप्रोंइब।

होसे 2:2

इन ममा कली हुइक्‍तीन। मेको कली शुश हुइक्‍तीन। मारदे हना मेको आं मीश मबाक्‍ब। मिनु गो मेको आ वोंइश मनङ। मेकोमी आ मिक्‍च वोंइश मुर गे हिरचा प्रोनल। मिनु आ दूध आस दाते ङा नाता ख्रोइश्‍शा, ग्रांग्रा दिशो गेय प्रोनल। इजीकीएल १६:२३;

आमोस 9:15

गो मेको आन कली गेनायो मखेरपांइसीचा ङा पा आन रागीमी वोइक्‍नुङ। आं गेशो रागी रे मेको आन कली सुइमी ग्रुंइने मचाप्‍नीम, दे इन परमप्रभु यावेमी देंशो बाक्‍ब” देंत।

जकरिया 10:6

गो यहूदा आ खिं ङा मुर आन कली बोल्‍यो सेल्‍नुङ। योसेफ आ खिं ङा मुर आन कली श्‍येत रे प्रोंइनुङ। मेको आन कली ङोंइती ङा खोदेंशो सेल्‍नुङ। मारदे हना गो मेको आन कली शिशी पाइनुङ। मेकोपुकी गेनायो मतिल्‍शो खोदेंशो दुम्‍नीम। मारदे हना गो परमप्रभु यावे, मेको आन परमप्रभु नङ। गो मेको आन कली लोव़ लेत्‍नुङमी।

जकरिया 2:6

परमप्रभु यावेमी “जाक्‍कीन जाक्‍कीन, उत्तर ङा रागी रे प्रोक्‍शा जाक्‍कीन। मारदे हना गो इन कली एर ओंथ ङा फशेमी खोदेंशो पा फ्राता” दे परमप्रभु यावेमी देंत।