येरमीया 3:1 - Sunuwar Bible

¹ मिनु परमप्रभु यावेमी “वोंइश मुरुमी आ मीश कली प्रोंइ‍शा, छोड पत्र गेप्‍तु हना, मेको मीश मुर अर्को वोंइश मुर आ मीश दुम्‍त हना, मेको वोंइश मुरुम लेंशा आ मीश कली चाक्‍बा कों? मो दुम्‍त हना मेको रागी ग्रांग्रा दिशो मदुम्‍बा ङा? गे चहिं तेल्‍ले‍म का खोदेंशो पा शुश आन बाक्‍तीके जाक्‍दीश्‍शो बाक्‍ते। मिनु मार, गे आं गे लेश्‍शा जाक्‍नेवे?” दे परमप्रभु यावेमी देंत। ब्‍यवस्‍था २४:१-४

येरमीया 3:1 ပူးပေါင်းရင်းမြစ်များ

भजन संग्रह 106:38

मेकोपुकीमी आन पाप मपशो तमी तौ आन कली कनानी आन मूर्ति कली चढ़ेशा, आन हुश जारदमे बाक्‍त। मेको आन हुशेमी मेको रागी ग्रांग्रा दिशो दुम्‍माक्‍त।

यसैया 24:5

रागीम बाक्‍ब मुरपुकीमी रागी कली खतम सेल्‍नीम। मारदे हना मेकोपुकीमी परमप्रभु यावे आ अरेशो मटीम। परमप्रभु आ फुल्‍लुम मुशा ब्रेक्‍शो लोव़ कली ममिम्‍तेम। आ गेना हना यो लीब कबल पशो मखबेम।

येरमीया 2:20

परमप्रभु यावेमी “साइ ङोंइती रे गे इ जुवा जिक्‍तीवी। मिनु इ डोरी प्रोइक्‍तीवी। मिनु गे ‘गो इ गेय मपाइनुङ’ देंते। गे डांडा नु रवा नेल्‍ल आन पुंम तेल्‍लेम पाप्‍तीवी। यसैया ५७:५५; इजीकीएल ६:१३

येरमीया 2:23

मिनु “गे ‘गो ग्रांग्रा मदिशो नङ’ दे दोपा देंने चाप्‍नेवे? ‘गो बाल देवता आ नोले मखोइश्‍शो बाक्‍नुङ’ दे गे दोपा देंने चाप्‍नेवे? गे बेंसीम मार, पवी? मेको मिम्‍तो। गे थाम्‍पा एर ओंथ दोरशा गाक्‍ब दल‍ओंठ बाक्‍नेवे।

येरमीया 2:7

गो इन कली रिम्‍शो रागीम चाक्‍तन्‍नी। मेकेर ङा फल नु रिम्‍शो थोव़क जपाइक्‍चा कली चाक्‍तन्‍नी। तन्‍न गेपुकी जाक्‍शा, आं रागी मरिम्‍शो सेल्‍तीनी। आं रागी कली ग्रांग्रा दिशो सेल्‍तीनी। ब्‍यवस्‍था १:२५; न्‍यायाधीस २:१-२

येरमीया 22:20

लेबानोनम लशा ठेयब सेंदा पा ग्रीङो। इ सेंदा बाशानम नेंपाइक्‍मी। अबारीम पहाड रे ठेयब सेंदा पा ग्रीङो। मारदे हना इ दाक्‍शो मुर नेल्‍ल बेक्‍तेक्‍म।

येरमीया 3:22

मिनु मेकोमी “थमा सुइक्‍ने मचाप्‍ब आलपुकी लेतीन। इन थमा सुइक्‍ने मचाप्‍तीके सापाइक्‍नन्‍नी” देंत। मिनु मेकोपुकीमी “दुम्‍ब, गो इन गे लेश्‍शा, जाक्‍नीकी। मारदे हना गे परमप्रभु यावे, आंइ परमप्रभु बाक्‍नीनी।

येरमीया 3:9

इस्राएलमी आ तेल्‍लेम पतीके थम आइक्‍च मिम्‍ताक्‍व। मेकोमी फुल्‍लु नु रवापुकी नु यो लशा तेल्‍ले‍म पा रागी ग्रांग्रा दिशो सेल्‍तु।

येरमीया 31:22

गे काइ मटीब तमी, गे गेना सम्‍म रिम्‍नेवे? मारदे हना परमप्रभु यावेम मेको रागी ङा मुर आन पशो नक सेल्‍तु। मेको मीश मुरुम वोंइश मुर कली दाक्‍ब।

येरमीया 4:1

परमप्रभु यावेम “गे इस्राएलीपुकी, आं गे लेश्‍शा जाक्‍तीनी हना, गेपुकीम इन ग्रांग्रा दिशो थोव़क आं ङोंइती रे ताइक्‍ताक्‍नी हना, गेपुकी हेंथे मगाक्‍ब दुम्‍नीनी।

येरमीया 4:14

मिनु परमप्रभु यावेम “ए यरूसलेम, गे पाप रे ब्रोंइचा तचा कली इ थुं इ परमप्रभु यावे कली मटितीके रे चिक्‍सो। गेना सम्‍म इ मरिम्‍शो मिम्‍तीक इ थुंम बाक्‍चा गेनेवे? येरमीया ६:८; यसैया १:१४

बिलाप 1:2

मेको नाक्‍दो हिशेक पा ङाक्‍ब। आ प्रेक्‍क यिना यिन बाक्‍नीम। मेको आ दाक्‍शो मुर आन दाते ङा सुइम मेको कली आ थुं बारपाइक्‍चा ङा लोव़ मपाइनीम। आ वारच नेल्‍लेम मेको कली प्रोंइतेक्‍म। मुल मेको आ जोरी सत्रु दुम्‍तेक्‍म। भजन संग्रह ६९:२१

इजीकीएल 16:26

गे इ माल्‍शो, इ नेक्‍था बाक्‍ब इजीप्‍त ङा मुर नु तेल्‍लेम पाप्‍तीवी। मोपा इ तेल्‍लेम पतीक बारपाइश्‍शा, आं कली थाम्‍पा गाइक्‍पाइक्‍ती।

इजीकीएल 16:30

मिनु परमप्रभु, परमप्रभु यावेमी “गे मोदेंशो पचा कली इ थुंम दोदेंशो पा रोइ पचा माल्‍दा? गे एको गेय नेल्‍ल मुने मपाइश्‍शो तेल्‍लेममी खोदेंशो पा पाप्‍तीवी।

इजीकीएल 16:35

मोपतीके ए तेल्‍लेम, परमप्रभु यावे आ लोव़ नेनो।

इजीकीएल 33:11

मोपतीके गे मेको आन कली परमप्रभु, परमप्रभु यावेमी “गो आ ब्रोंइशा बाक्‍शो खोदेंशो पा आं अरेशो लोव़ मटीब मुर बेक्‍मानु मग्‍येरसीनुङ। तन्‍न मेकोपुकीम आं अरेशो लोव़ टिशा ब्रोंइमल। गे इन मरिम्‍शो लां रे लेतीन। ए इस्राएल आ खिं ङा मुरपुकी, गे मारदे बेक्‍चा दाक्‍नीनी? ब्‍यवस्‍था ३२:४०; यसैया ५५:७; योएल २:१२-१३

होसे 1:2

मिनु परमप्रभु यावेमी होसे नु लोव़ पचा गोप्‍तु। मेकोमी होसे कली “लावो, मिनु तेल्‍लेम मीश मुर कली ग्‍युंबे पावो। मिनु मेको नु आल थिवो। मारदे हना एको रागी परमप्रभु यावे कली प्रोंइ‍शा, तेल्‍लेम खोदेंशो दुम्‍शो बाक्‍ब” देंत। होसे ३:१; ब्‍यवस्‍था २३:१८

होसे 2:2

इन ममा कली हुइक्‍तीन। मेको कली शुश हुइक्‍तीन। मारदे हना मेको आं मीश मबाक्‍ब। मिनु गो मेको आ वोंइश मनङ। मेकोमी आ मिक्‍च वोंइश मुर गे हिरचा प्रोनल। मिनु आ दूध आस दाते ङा नाता ख्रोइश्‍शा, ग्रांग्रा दिशो गेय प्रोनल। इजीकीएल १६:२३;

मीका 2:10

बोक्‍शा लने। मारदे हना एकेर इन नाइक्‍तीक ममाइ। मारदे हना एको ग्रांग्रा दितीकेमी मुर आन कली मरिम्‍शो सेल्‍ब। मेको मारेइ पने मचाप्‍चा ङा पा खतम सेल्‍शो बाक्‍ब।

जकरिया 1:3

मोपतीके मुर नेल्‍ल आन परमप्रभु यावेमी मुर आन कली मार देंत देंशा हना ‘आं गे ले‍तीन। मिनु गो इन कली कोव़नुङ। मलाकी ३:७; याकूब ४:८

मत्ती 5:31

सु आ मीश नु ब्राबा, मेकोमी छोड पत्र ब्रेक्‍शा गेचा माल्‍ब, दे यो देंशो बाक्‍ब। ब्‍यवस्‍था २४:१; मत्ती १९:३-९; मर्कूस १०:४-१२

ब्‍यवस्‍था 22:21

मेको मीश मुर कली आ आफ आ खिं ङा लाप्‍चोम चाक्‍चा माल्‍नीम। मिनु मेको आ सहर ङा वोंइश मुर नेल्‍लेमी मेको कली फुल्‍लु आप्‍शा साइक्‍चा माल्‍नीम। मारदे हना मेकोमी आ आफ आ खिंम तेल्‍लेम पा इस्राएलम काइ मरिम्‍शो पाप्‍तु। मिनु मोपा गेपुकीमी इन दातेमी पशो मरिम्‍शो क्‍याम्‍चा माल्‍नीनी। उत्‍पत्ती ३४:७

न्‍यायाधीस 19:2

मिनु आ वोंइश नु गाइश्‍शा, मेको कली प्रोंइशा आ माइत यहूदा ङा बेथलेहेममी लशो बाक्‍माक्‍त। मिनु मेको मीश मुर मेकेर बाक्‍शो ४ महिना दुम्‍शो बाक्‍‍माक्‍त।