येरमीया 29:32 - Sunuwar Bible32 मोपतीके गो नेहेलाम ङा शेमायाह नु मेको आ चच युइ आन कली सजाइ गेनुङमी। मेको आ मुर सुइमी आं मुर रिम्शो दुम्शो तचा मताइनीम। मारदे हना मेकोमी आं कली मटिथु आं पर्बम दूली लोव़ पाप्तु” दे परमप्रभु यावेमी येरमीया कली देंत। အခန်းကိုကြည့်ပါ။ |
येरमीया 29:32
24 ပူးပေါင်းရင်းမြစ်များ
मेको आन कली बाप्शा सेउ मपने। मेको आन कली ठेयब मसेलीने। मारदे हना गो परमप्रभु यावे, इन परमप्रभु नङ। गो रुश पाइब परमप्रभु नङ। आं कली काइ मदाक्ब नु आ अरेशो मटीब मुर आन आल, चच, युइ नु युइ आन युइ आन पाला सम्म यो सजाइ गेब परमप्रभु नङ। प्रस्थान ३४:१४; ब्यवस्था ४:२४; ब्यवस्था ५:९; ब्यवस्था ६:१५; अय्युब २१:१९; येरमीया ३१:२९-३१; इजीकीएल १८:२५
परमप्रभु यावेमी “मेको मुर आ नें क्याम्सीब, दे ब्रेक्शा वोतो। मेको मुर बाक्म सम्म मारेइ पने मचाप्ब। मेको आल मपाइश्शो मुर दुम्ब। मारदे हना मेको के तेकोइ मुर रिम्शो मदुम्नीम। मेको आ चच युइ दाऊद आ नित्तीकेम नित्चा मताइनीम। मेकोपुकीमी यहूदा आ नित्तीकेम निश्शा हुकुम पचा मताइनीम” देंत। १इतिहास ३:१७-२४
मिनु गेपुकीमी परमप्रभु यावे आ लोव़ पाइब मेको ङोमु ङा लोव़ शेंब कली साइक्चा माल्नीनी। मारदे हना मेकोमी परमप्रभु यावे, इन परमप्रभु कली प्रोंइपाइक्चा, दे इन कली दूली शेंताक्व। मिनु इन कली वाइलीम वाइल दुम्तीके रे इजीप्त रे ग्रुंइशा एक चाक्ब परमप्रभु यावे, इन परमप्रभु बाक्ब। मोदेंशो मुरपुकीमी इन कली परमप्रभु यावे आ कोंइशो लां रे हेंथे गाक्पाइक्चा दाक्नीम।
ကြော်ငြာတွေ