येरमीया 29:31 - Sunuwar Bible

³¹ नेहेलाम ङा शेमायाह आ पर्बम मार लोव़ पाप्‍तु देंशा हना “ग्‍याइश्‍शा लाइक्‍चा पुंइसीशो नेल्‍ल आन कली एको लोव़ सोइक्‍तो। शेमायाहम इन कली नोले दुम्‍ब लोव़ पाप्‍तु। तन्‍न गो मेको कली मसोइक्‍तु। मेकोमी आं लोव़ पा, इन कली जोल लोव़मी थमा सुइक्‍पाइक्‍तु।

येरमीया 29:31 ပူးပေါင်းရင်းမြစ်များ

१ राजा 13:18

मिनु मेको परमप्रभु यावे आ लोव़ पाइब खूशोमी मेको कली “गो यो इन खोदेंशो परमप्रभु यावे आ लोव़ पाइब नङ। मिनु परमप्रभु यावे आ स्‍वर्ग ङा गेय पाइब काम गो नु जचा तूचा कली इन कली आं खिंम चाक्‍चा माल्‍नेवे दें‍त” देंमाक्‍त। तन्‍न मेकोमी मेको कली जोल पाइश्‍शो बाक्‍माक्‍त।

येरमीया 23:21

मेको आं लोव़ पाइब आन कली गो मसोइक्‍तुमी। मो हना यो मेकोपुकी आन लोव़ कुरशा दोरशा लाम्‍तेक्‍म। गो मेकोपुकी नु लोव़ मपङ। मो हना यो मेकोपुकीमी लोव़ पाम्‍तेक्‍म। येरमीया १४:१४

येरमीया 29:20

मोपतीके गे यरूसलेम रे बेबीलोनम सोइश्‍शो ग्‍याइश्‍शा लाइक्‍चा पुंइसीशो मुल परमप्रभु यावे आ लोव़ नेनीन।

येरमीया 29:30

मिनु मेना परमप्रभु यावेम येरमीया कली लोव़ पाप्‍तु।

येरमीया 29:9

मेकोपुकीमी जोल पा आं नेंमी नोले दुम्‍ब लोव़ पाइनीम। मेको आन कली गो मसोइक्‍तुमी” दे परमप्रभु यावेम देंशो बाक्‍ब।

२ पत्रुस 2:1

साइ ङोंइती परमप्रभु यावे आ लोव़ जोल पा दूली शेंबपुकी बाक्‍मा बाक्‍त। मुल मोदेंशो जोल पा शेंबपुकी इन ग्रुम्‍तीक खिंमी यो जाक्‍नीमी। मेकोपुकीमी ख्रुइश्‍शोमी खतम सेल्‍ब शेंतीके शेंनीमी। प्रभुमी मेको आन कली ग्‍याप्‍शा यो, मेकोपुकी “गो मेको कली मतुइक्‍नुङ” दे जाम्‍शा लाइब बाक्‍नीम। मत्ती २४:११; १तिमोथी ४:१