येरमीया 29:23 - Sunuwar Bible23 मारदे हना मेको निक्शीमी इस्राएलम थम ग्रांग्रा दिशो गेय पशो बाक्ताक्स। मेको निक्शी आस नेक्था ङा मुर आन मीश नु इप्शो बाक्ताक्स। मिनु मेकोम आं मअरेशो लोव़ पाम्ताक्स। गो मेको नेल्ल तुइक्नुङ। मिनु गो मेको आ सांकछी बाक्नुङ” दे परमप्रभु यावेम देंत। အခန်းကိုကြည့်ပါ။ |
येरमीया 29:23
28 ပူးပေါင်းရင်းမြစ်များ
तन्न यरूसलेम ङा आं लोव़ पाइब आन दातेम सामरीया क्येङा यो ग्रांग्रा दिचा ङा गेय ताता। मेकोपुकीम तेल्लेम पशा जोल ला पाइनीम। मरिम्शो पाइब आन कली बोल्यो सेल्नीम। मोपतीके सुइ मुर परमप्रभु यावे आ अरेशो मटितीक रे मलेत्नीम। मेको नेल्ल आं कली सोदोम खोदेंशो नु यरूसलेम ङा मुरपुकी चहिं गोमोररा खोदेंशो दुम्तेक्म” दे परमप्रभु यावेमी देंत।
मुर नेल्ल आन परमप्रभु यावेम “गेपुकी आं लोव़ पाइब आन लोव़ मनेनीन। मेकोपुकीमी जोल लोव़ पा इन कली हेंथे गाक्पाइक्नीम। परमप्रभु यावे आ लोव़ ममाइ, तन्न आन थुंम मिम्शो लोव़ नु आन ङोमु तशो ना ङा लोव़ शेंनीम। आन खकटा थुं कली खोइश्शा गाक्ब आन कली ‘गे ठेयब श्येत मताइनीनी’ देंनीम। येरमीया ६:१३-१४; येरमीया १४:१४
कोव़ङीन, मेकोपुकी जोल पा ङोमु ङा लोव़ पाइब बाक्नीम। गो मोदेंशो पा आं लोव़ पाइब आन कली काइ मदाक्नुङ। मेको आन जोल शेंतीकेमी आं मुर आन कली हेंथे लां खोइक्पाइक्नीम। मेकोपुकी काइ महिंब बाक्नीम। गो मेको आन कली मसोइक्तुमी। गो मेको आन कली मयोव़ङुमी। मोपतीके मेको आन लोव़ मुर आन कली शोर गाक्शो बाक्ब” दे परमप्रभु यावेमी देंत। येरमीया १४:१४
तन्न मेको क्येङा ङोंइती “गो निसाफ पचा कली इन बाक्तीकेमी जाक्नुङ। गो टुना मुना पाइबपुकी, मुर आन मीश वोंइश नु इप्बपुकी, जोल पा कसम जाइबपुकी, गेय पाइब आन कली गाल्च मगेबपुकी, वोंइश बेक्शो मीश मुर, रोम रोइक्च, नु अर्को रागी ङा मुर आन कली निसाफ पा मगेबपुकी नु आं क्येङा महिंब नेल्ल आन कली निसाफ पथ जाक्नुङ” दे मुर नेल्ल आन परमप्रभु यावेमी देंत।
ကြော်ငြာတွေ