येरमीया 29:22 - Sunuwar Bible

²² मेको आस पतीकेन यहूदा रे बेबीलोनम ग्‍याइश्‍शा लाइक्‍चा पुंइसीशो आन दातेमी सराप पाइनीम। परमप्रभु यावेम इ कली सिदकीयाह नु आहाब आस कली खोदेंशो सेलल। बेबीलोन ङा पिप नेबुकदनेसरमी मेको आस कली मीम हुम्‍शो बाक्‍त’ देंनीम।

येरमीया 29:22 ပူးပေါင်းရင်းမြစ်များ

उत्पत्ती 48:20

मिनु मेको नाक्‍ती मेको आस कली आसीक गेशा “इस नें थिशा इस्राएलीमी आसीक गेनीम। मेकोपुकीमी ‘परमप्रभुमी इ कली एफ्राइम नु मनस्‍से खोदेंशो सेलल’ दे आसीक गेनीम” देंमाक्‍त। मोपा याकूबमी मनस्‍से क्‍येङा एफ्राइम ङोंइती वोदा बाक्‍त। हिब्रू ११:२१

भजन संग्रह 102:8

नेल्‍ल नाक्‍त आं जोरी सत्रुमी आं कली शुक्‍शी पा बाक्‍नीम। आं कली शुक्‍शी पाइबपुकीमी आं नें थिशा साराप पाइनीम।

यसैया 65:15

आं योव़शोपुकीमी सराप पची ना इन नें थीनीम। मिनु नोले गो परमप्रभु, परमप्रभु यावेमी इन कली साइक्‍नन्‍नी। तन्‍न आं गेय पाइब आन कली नक नें वोइक्‍नुङमी। यसैया ६२:२

दानीएल 3:21

मिनु मेकोपुकीमी मेको आन कली आन फेक्‍शो वा नु ताकी सुन्‍दा फ्रेंशा, ठेयब मी ब्रतीकेमी हुम्‍ताक्‍म।

दानीएल 3:6

मिनु सु सुमी मोदेंशो मपाइनीमी, मेको ठेयब मी ब्रतीकेमी हुम्‍चा पुंइसीनीम” दे ठेयब सेंदामी तुइक्‍पाइश्‍शा देंत।

१ कोरिन्‍थी 16:22

प्रभु कली मदाक्‍बपुकी सराप रमल। इं प्रभु जाक्‍कीन। प्रकाश २२:२०

रूथ 4:11

मिनु ठेयब लाप्‍चोम बाक्‍ब नु खाल्‍पा नेल्‍लेमी “गो सांकछी दुम्‍तक। परमप्रभु यावेम एको इ खिंम जाक्‍शो मीश मुर कली राहेल नु लेआ खोदेंशो सेलल। मेको निक्‍शीमी इस्राएल आ खिं सेल्‍शो बाक्‍ताक्‍से। बेथलेहेम एफ्राथाहम इ नें ठेयब दुम्‍ल।