येरमीया 29:19 - Sunuwar Bible

¹⁹ मारदे हना मेकोपुकीमी आं लोव़ मनेनेम। गो आं गेय नु आं लोव़ पाइब आन कली सोइक्‍ना सोइक्‍न बाक्‍ती हना यो मेको आन लोव़ मनेनेम” दे परमप्रभु यावेमी देंत। येरमीया २५:४

येरमीया 29:19 ပူးပေါင်းရင်းမြစ်များ

येरमीया 25:8

मोपतीके मुर नेल्‍ल आन परमप्रभु यावेमी “मारदे हना गेपुकीम आं लोव़ मटिनी।

येरमीया 26:5

गो गेना हना यो इन बाक्‍तीकेम सोइश्‍शो आं गेय पाइब, आं लोव़ पाइब आन लोव़ नोफा दाइश्‍शा मनेंतीनी हना, गेपुकीम मेको रिम्‍शो पा मनेंशो बाक्‍तीनी हना, येरमीया २५:४

येरमीया 32:33

मेकोपुकीमी आं कली आन ची हिरशा कोंइशो बाक्‍नीम। आन कुल ममाइ। गो मेको आन कली शेंना शेंन बाक्‍ती हना यो, मनेनेम रिम्‍शो पचा कली ममिम्‍तेम। येरमीया २:२७

येरमीया 34:17

मोपतीके परमप्रभु यावेमी “गेपुकीम आं देंशो मटिनी। मिनु आंम रागी ङा आंम नेक्‍था ङा मुर नु आंम वारच आन कली वाइलीम वाइल दुम्‍तीक रे मप्रोंइनी। मोपतीके गो मुल इन कली प्रोंइनन्‍नी। गो इन कली तरवार, मुर बेक्‍तीक रोइ नु अन्‍कालम साइक्‍पाइक्‍चा कली प्रोंइनन्‍नी। गो इन कली राज्‍य नेल्‍लेम शुश हिंचा ङा सेल्‍नन्‍नी।

येरमीया 44:3

मारदे मोदेंशो दुम्‍त देंशा हना, मेकेर ङा मुरुमी आं अरेशो मटिथु, गाइक्‍पाइक्‍‍तीमी। मेकोपुकीमी देवी देवता आन कली चढ़ेशा मेको आन नोले खोइक्‍तेक्‍म। ङोंइती मेकोपुकी, गेपुकी नु इन किकी पिपीमी यो मेको आन कली मतुइश्‍‍शो बाक्‍तेक्‍म।

येरमीया 6:19

रागी नेल्‍ल नेनीन। गो एको मुर आन कली ठेयब श्‍येत चाक्‍नुङ। मेको श्‍येत आन पशो आ पा ङा बाक्‍ब। मारदे हना मेकोपुकीमी आं पचा देंशो लोव़ मपामे। मिनु आं शेंशो लोव़ काइ मटीम। यसैया १:२

येरमीया 7:13

मिनु गेपुकीम एको नेल्‍ल पना पन बाक्‍नीनु, गो इन कली गेना हना यो लोव़ पाता। तन्‍न गेपुकीम मनेंनी। गो इन कली ब्रेत्‍ताक्‍न्‍नी, तन्‍न गेपुकीम लोव़ मलेत्‍तीनी। येरमीया २५:३; यसैया ६५:१२

हिब्रू 12:25

होस पांइसीने। इन कली लोव़ पाइब कली इन ची मकोंइदीने। इं किकी पिपीपुकीमी मुर आ देंशो मटीमे बाक्‍त। मिनु सजाइ गेचा पुंइसमा बाक्‍त। गोपुकी स्‍वर्ग रे लोव़ पाइब कली इं ची कोंइताक्‍य हना, सजाइ मतथु ब्रोंइनया ङा? हिब्रू २:२; हिब्रू १०:२८-२९