येरमीया 29:17 - Sunuwar Bible

¹⁷ मुर नेल्‍ल आन परमप्रभु यावेमी “गो मेको आन पर्बम तरवार, अन्‍काल नु मुर बेक्‍तीक रोइ सोइक्‍नुङ। मिनु गो मेको आन कली राक्‍शो फोव़शी गेडा खोदेंशो सेल्‍नुङमी। मिनु मेको थाम्‍पा राक्‍शा ब्‍वचा मदुम्‍चा ङा बाक्‍नीम। येरमीया २४:८-१०

येरमीया 29:17 ပူးပေါင်းရင်းမြစ်များ

येरमीया 27:8

तन्‍न तेकोइ रागी तेकोइ राज्‍य नु पिपम बेबीलोन ङा पिप नेबुकदनेसर आ वाइल दुम्‍चा नु मेको आ जुवा आन शुरम वोइक्‍ने मबिस्‍साक्‍म हना, गो मेको रागी ङा मुर आन कली तरवार, अन्‍काल नु मुर बेक्‍तीक रोइम सजाइ गेनुङमी। गो मेको आन कली मसाइक्‍पदुमी सम्‍म मो पाइनुङ’ दे परमप्रभु यावेम देंत।

येरमीया 29:18

गो मेको आन कली तरवार, अन्‍काल नु बेक्‍चा ङा रोइमी खेदा पाइनुङमी। मिनु गो मेको आन कली राज्‍य नेल्‍लेमी शुश हिंचा ङा सेल्‍नुङमी। मेकोपुकी आं खेरशो रागी नेल्‍ल आन दातेमी, सराप पाइक्‍तीके, शुश हिंतीके, शुक्‍शी पाइक्‍तीके नु मुने तोक्‍तीके सेल्‍नुङमी। ब्‍यवस्‍था २८:३७

येरमीया 32:24

कोव़ङीन, एको सहर आन के सेल्‍चा कली नु गारो ङोइक्‍चा कली लां सेल्‍चा कली मार मार तेल्‍तेक्‍म। मेको सहर कली तरवार, अन्‍काल नु मुर बेक्‍तीक रोइम पतीके, मेको लडाइ तोइब कल्‍दी आन गुइम दुम्‍त। गे मार देंनी, मेको दुम्‍त। गे आंमा ताइनीनी।

येरमीया 43:11

मेको जाक्‍शा इजीप्‍त कली लडाइ तोइब। मिनु बेक्‍तीक रोइम बेक्‍चा ब्रेक्‍शो, बेक्‍तीक रोइ पा बेक्‍नीम। ग्‍याइश्‍शा लाइक्‍चा पुंइसीचा ब्रेक्‍शो, ग्‍याइश्‍शा लाइक्‍चा पुंइसीनीम। मिनु तरवारम साइक्‍चा पुंइसीचा ब्रेक्‍शो, तरवार साइक्‍चा पुंइसीनीम। येरमीया १५:२

येरमीया 52:6

मिनु ४ महिना ङा ९ नाक्‍ती सहरम थम ठेयब अन्‍काल दुम्‍त। मिनु मेको सहर आ आगामी जचा कली मारेइ मबा।

लूका 21:11

ठेयब ख्रिनु कुइब। रागी रागीमी ठेयब अन्‍काल दुम्‍ब। शुश मुर रोइ पा बेक्‍नीम। हिंचा ङा श्‍येत जाक्‍नीम। सरीङम ठेयब चिन्‍ड तांइसीनीम।

लूका 21:23

मेना आल कुरशो नु दूध तूब आल पाइश्‍शो मीश मुर आन कली श्‍येत दुम्‍ब। मारदे हना रागीमी शुश श्‍येत दुम्‍शा, मेको मुरपुकीमी परमप्रभु यावे आ गाइश्‍शो ताइनीम।

प्रकाश 6:8

मिनु गो हौ शारा का ताता। मिनु मेको शारा ङोइक्‍ब आ नें चहिं साइक्‍पाइक्‍ब नु बेक्‍पाइक्‍ब बाक्‍त। मिनु रागी ङा बेक्‍शो मुरपुकीमी मेको आ नोले खोइक्‍तेक्‍म। मिनु मेको कली रागी ङा ४ भाग ङा भाग का मुर आन कली साइक्‍पाइक्‍चा, दे अधिकार गेशो बाक्‍त। दोपा साइक्‍पाइक्‍चा गेशो बाक्‍त देंशा हना, कोइ आन कली तरवारम साइक्‍पाइक्‍चा, कोइ आन कली अन्‍कालम बेक्‍पाइक्‍चा, कोइ आन कली मुर साइक्‍ब रोइ पा बेक्‍पाइक्‍चा नु कोइ आन कली जन्‍तुमी साइक्‍पाइक्‍चा, दे अधिकार गेशो बाक्‍त। इजीकीएल १४:२१