येरमीया 28:9 - Sunuwar Bible

⁹ तेको परमप्रभु यावे आ लोव़ पाइबम थुं नाइश्‍शा बाक्‍तीक आ पर्बम लोव़ पवा, मेको आ लोव़ गाप्‍त हना ला, मेको थमा पा परमप्रभु यावेम सोइश्‍शो आ लोव़ पाइब बाक्‍ब, दे तुंइसीब” दे माइक्‍तु। ब्‍यवस्‍था १८:२१-२२

येरमीया 28:9 ပူးပေါင်းရင်းမြစ်များ

यसैया 44:26

गो आं गेय पाइब आ लोव़ थमा बाक्‍ब। मिनु आं सोइश्‍शो लोव़ कुरबम आं देंशो पाइब। गो यरूसलेम आ पर्बम ‘मेकेर शुश मुर दुम्‍नीम’ देंनुङ। मिनु यहूदा ङा सहर लेंशा सेल्‍चा पुंइसीनीम। मेको आन प्रेश्‍शो खिं नक सेल्‍नुङ।

येरमीया 14:13

मिनु गो “परमप्रभु यावे, कोव़ङीन। इन लोव़ पाइबपुकीम दा मेको आन कली ‘गे तरवारम साइक्‍चा मपुंइसीनीनी। अन्‍काल मपाइनीनी। मिनु शुश नाक्‍ती सम्‍म एको रागीम थुं नाइश्‍शा बाक्‍चा ताइनीनी’ देंशो बाक्‍नीम” देंती।

येरमीया 4:10

मिनु गो “परमप्रभु, ए परमप्रभु यावे, गो आंइ शुरमी तरवार जाक्‍मेनु यो, गे ‘इन थुं नाइश्‍शा बाक्‍कीन’ दे गे एको मुर नु यरूसलेम कली मरिम्‍शो पा जोल पाइश्‍शो बाक्‍तीनी” देंती। येरमीया ६:१४

येरमीया 6:14

मेकोपुकीमी आं मुर आन कली ममिम्‍थु, आन गार सापाइक्‍खु पशो बाक्‍नीम। मेकोपुकीमी थुं नाइक्‍तीक मबाक्‍त हना यो ‘नांइ‍सीन, नांइ‍सीन’ देंनीम।

येरमीया 8:11

मेकोपुकीमी आं मुर आन कली ममिम्‍थु, आन गार सापाइक्‍खु पशो बाक्‍नीम। मेकोपुकीमी थुं नाइक्‍तीक मबाक्‍त हना यो ‘नांइ‍सीन, नांइ‍सीन’ देंनीम।

इजीकीएल 33:33

मेको नेल्‍ल थमा दुम्‍ब। मेको थमा पा थमा दुम्‍ब। मेना मेकोपुकीम आन दातेम परमप्रभु यावे आ लोव़ पाइब का जाक्‍शो बाक्‍माक्‍त, दे तुइक्‍नीम” देंत। इजीकीएल २:५

ब्‍यवस्‍था 18:21

मिनु गे इन थुंमी “परमप्रभु यावे आ लोव़ बाक्‍बा देय मबाक्‍बा मेको दोपा तुइक्‍नय?” दे मिम्‍ताक्‍नी हना,

ब्‍यवस्‍था 18:22

मेको परमप्रभु यावे आ लोव़ पाइबमी परमप्रभु यावे आ नेंमी लोव़ पाइब, तन्‍न मेको लोव़ मगाप्‍त नु मदुम्‍त हना, मेको आं देंशो ममाइ। मेको आं लोव़ पाइबमी आंमा थुं ङा लोव़ पाप्‍तु। गेपुकी मेको कली तशा महिनीन’ दे परमप्रभुमी देंत” दे मोसामी इस्राएली आन कली लोव़ पाप्‍तु। येरमीया २३:१४; येरमीया २८:-; इजीकीएल १३:३-१६