येरमीया 28:6 - Sunuwar Bible

⁶ “आमेन, परमप्रभु यावेम मो पवल। परमप्रभु यावेमी इ पशो लोव़ खबल। परमप्रभु यावे आ खिं ङा मार मार ग्‍योंबपुकी नु ग्‍याइश्‍शा लाइक्‍चा पुंइसीशो नेल्‍ल आन कली बेबीलोन रे लेश्‍शा चाक्‍गल।

येरमीया 28:6 ပူးပေါင်းရင်းမြစ်များ

१ राजा 1:36

मिनु येहो-यादा आ तौ बेनायाहम पिप कली “आमेन। परमप्रभु यावे, आं प्रभु पिप आ परमप्रभुमी मोदेंशोन पवल।

१ इतिहास 16:36

परमप्रभु यावे, इस्राएली आन परमप्रभु गेना हना यो ठेयब बाक्‍ब। गेना हना यो मोदेंशो बाक्‍ब” दे कुम्‍सो पवा बाक्‍त। मिनु नोले मुर नेल्‍लेमी “आमेन” देंशा, परमप्रभु यावे कली ठेयब सेल्‍मे बाक्‍त। भजन संग्रह ४१:१४

भजन संग्रह 106:48

परमप्रभु यावे, इस्राएली आन परमप्रभु गेना हना यो ठेयब बाक्‍ल। मिनु मुरपुकीमी ‘मोदेंशो दुम्‍ल। आमेन’ देनीन” परमप्रभु यावे ठेयब बाक्‍ब। भजन संग्रह ४१:१४; १इतिहास १६:३६

भजन संग्रह 41:13

परमप्रभु यावे, इस्राएली आन परमप्रभु कली “गे गेना हना यो ठेयब बाक्‍नीनी। मेको थमा बाक्‍ब” देंमल। आमेन आमेन। भजन संग्रह ७२:१८; भजन संग्रह ८९:५३; भजन संग्रह १०६:४८; भजन संग्रह १५०:६

भजन संग्रह 72:19

मेको आ नें गेना हना यो ठेयब बाक्‍ब। रागी नेल्‍ल आ सक्तिमी ब्रील। आमेन, मेको थमा बाक्‍ब। यसैया ६:३

भजन संग्रह 89:52

परमप्रभु यावे गेना हना यो ठेयब बाक्‍ल। मेको थमा बाक्‍ब, आमेन। भजन संग्रह ४१:१४

येरमीया 11:5

गो इन किकी पिपी आन कली दूध नु खुदो शुश बाक्‍शो रागी का गेनन्‍नी, दे कसम जशो खाप्‍नुङ। मिनु मेको रागी मुल इन अधिकारम बाक्‍ब’ देनो” देंत। मिनु गो “परमप्रभु यावे, मोदेंशो दुम्‍ल” दे लोव़ लेत्‍ताक्‍ङ। प्रस्‍थान ३:८

येरमीया 17:16

तन्‍न गो इन गोठला दुम्‍तीक रे मप्रोक्‍ङ। गे तुइक्‍नीनी। गो नोले ङा नाक्‍ती सुर्ता पचा ममाल्‍नुङ, दे मिम्‍शो बाक्‍नुङ। गो मार देंङा, मेको इन ङोंइती बाक्‍ब।

येरमीया 18:20

मार, रिम्‍शो आ पा ङा मरिम्‍शो पांइसीबा ङा? मो हना यो आं कली खाल्‍टा दोशो बाक्‍तेक्‍म। गो मेको आन पर्बम पुंइना पुंइन बाक्‍ती, मेको मिम्‍तीन। मेको आन कली वारच पचा कली नु इन गाइश्‍शो तेक्‍चा कली पुंइता।

येरमीया 28:3

बेबीलोन ङा पिप नेबुकदनेसरमी आं खिं ङा मार मार नु ग्‍योंब एकेर रे बेबीलोनम लाइश्‍शो बाक्‍मे, मेको नेल्‍ल बर्स निक्‍शी क्‍येङा ङोंइती गो लेश्‍शा एक चाक्‍नुङमी। येरमीया २७:१६

जकरिया 6:10

मार लोव़ पाप्‍तु देंशा हना “ग्‍याइश्‍शा लाइक्‍चा पुंइसीशो बेबीलोन रे जाक्‍शो हेल्‍दाइ तोबीयाह नु येदायाह रे सुन चांदी पोक्‍को। मिनु मेको नाक्‍ती सेफन्‍याह आ तौ योसीयाह आ खिं लावो।

गन्‍ती 5:22

एको सराप चीले रतीक ब्‍वाक्‍कु इ कोव़जम ओव़शा इ कोव़ज होम्‍तीक नु इ देल्‍लो सोव़तीक रोइ पपाइक्‍ब” देंचा माल्‍ब। मिनु मेको मीश मुरुमी “आमेन, मोदेंशोन दुम्‍ल” देंचा माल्‍ब।

मत्ती 28:20

मिनु गोमी इन कली मार मार शेंदन्‍नी, मेको नेल्‍ल मेको आन कली शेंशा पपतीने। नेनीने, रागी मनुप्‍ची सम्‍म गो गेनायो गेपुक नु बाक्‍नुङ” देंत। मत्ती १६:२०

मत्ती 6:13

सैतानमी आंइ थुं हिरपाइक्‍चा मगेने। आंइ कली सैतान रे प्रोनीने। मारदे हना राज्‍य, सक्ति नु छेङछेङ गेना हना यो इन के नम’ आमेन। यूहन्‍ना १७:१५; १कोरिन्‍थी १०:१३; १इतिहास २९:११-१३

१ कोरिन्‍थी 14:16

मिनु गेपुकी खुम्‍सीशा बाक्‍नीनु, सोक्‍त आ लोव़म आसीक गेशा, परमप्रभु यावे कली “गे रिम्‍शो पाइब बाक्‍नीनी” देंतीनी हना, दोपा मरुप्‍ब मुरुमी “आमेन” देंने चाप्‍बा ङा?

२ कोरिन्‍थी 1:20

परमप्रभु यावे आ गेशो लोव़ नेल्‍ल येसु ख्रीस्‍तमी खाप्‍तु। मोपतीके गो मेको आ नेंमी आमेन देंनीकी। मिनु परमप्रभु यावे कली “ठेयब बाक्‍नीनी” दे ठेयब सेल्‍नीकी। प्रकाश ३:१४

प्रकाश 1:18

ब्रोंइशा बाक्‍ब नङ। गो बेक्‍शा यो, लेंशा मबेक्‍चा ङा पा ब्रोंइती। मिनु नरक नु बेक्‍शा लशो मुर आन बाक्‍तीक ङा रोक्‍तीक सांचो गो नु बाक्‍ब।

प्रकाश 19:4

मिनु मेको २४ जना शेंब खाल्‍पा नु ४ ओटा सेस जन्‍तुपुकीमी आ ठेयब नित्‍तीकेमी निश्‍शो परमप्रभु यावे कली खुम्‍की पा बाप्‍शा सेउ पाम्‍तेक्‍म। मिनु मेकोपुकीमी “आमेन, हाल्‍लेलया” देंतेक्‍म। प्रकाश ४:४; प्रकाश ५:३१; प्रकाश ४:६; भजन संग्रह १०६:४८

प्रकाश 3:14

मिनु येसु ख्रीस्‍तमी आं कली लाओडीसीया सहर ङा थमा सुइक्‍ब आन शेंब कली ब्रेक्‍पाइक्‍ती। एको आमेन माइश्‍शो, दीगो पाइब परमप्रभु यावे आ सांकछी नु रागी नु मारेइ मारेइ सेल्‍ब आ लोव़ बाक्‍ब। कलस्‍सी २:१; कलस्‍सी ४:१३; २कोरिन्‍थी १:२०; प्रकाश १:५; कलस्‍सी १:१५

प्रकाश 5:14

मिनु मेको ४ ओटा सेस जन्‍तुमी “आमेन” देंतेक्‍म। मिनु मेको खाल्‍पापुकीमी बाप्‍शा सेउ पाम्‍तेक्‍म।