येरमीया 28:4 - Sunuwar Bible

⁴ मिनु गो यहूदा ङा पिप येहो-याकीम आ तौ येकोन्‍याह नु यहूदा रे ग्‍याइश्‍शा लाइक्‍चा पुंइसीशो नेल्‍ल आन कली बेबीलोन रे चाक्‍नुङमी। मारदे हना गो बेबीलोन ङा पिप आ जुवा जिक्‍शा गेनुङ’ ” दे परमप्रभु यावेमी देंत। येरमीया २७:२०

येरमीया 28:4 ပူးပေါင်းရင်းမြစ်များ

उत्पत्ती 27:40

इ तरवारम इ गेय पाइनेवे। इ लोक्‍ब कली गेय पाइनेवे। २राजा ८:२०,२२ गे बोल्‍यो दुम्‍ते हना, आ जुवा इ शुर रे ताइक्‍नेवे” दे एसाव कली यो आसीक गेवा बाक्‍त।

२ राजा 24:14

मेकोपुकीम यरूसलेम ङा ठेयब मुर, लडाइ पाइब आन ठेयब मुर नेल्‍ल, लडाइ पाइब नेल्‍ल १० हजार मार मार सेल्‍स जोक्‍ब नु तुप्‍तील नेल्‍ल ग्‍याइश्‍शा लदा बाक्‍त। थम प्रुङग आन कली ला प्रोंइशा वोदा बाक्‍त। येरमीया २४:१

यसैया 9:4

मेको आन हेल्‍शो जुवा, मेको आन बला ङा भार नु मेको आन कली दिप्‍ब मुर आन कोक्‍के जिक्‍ताक्‍नी। गे मिदयान रागी ङा लडाइम खोदेंशो पा मेको आन कली युक्‍ब आन युक्‍तीके जिक्‍तीनी। भजन संग्रह ८१:७; न्‍यायाधीस ७:१४; न्‍यायाधीस १५:२२

येरमीया 13:19

नेगेब रागी ङा सहर आन लाप्‍चो चोक्‍सीनीम। मिनु मेको आन कली रोक्‍ब सुइ मबाक्‍नीम। यहूदा ङा मुर नेल्‍ल ग्‍याइश्‍शा लाइक्‍चा पुंइसीशो बाक्‍नीम। मेको आन कली थमा पा ग्‍याइश्‍शा लाइक्‍तेक्‍म।

येरमीया 2:20

परमप्रभु यावेमी “साइ ङोंइती रे गे इ जुवा जिक्‍तीवी। मिनु इ डोरी प्रोइक्‍तीवी। मिनु गे ‘गो इ गेय मपाइनुङ’ देंते। गे डांडा नु रवा नेल्‍ल आन पुंम तेल्‍लेम पाप्‍तीवी। यसैया ५७:५५; इजीकीएल ६:१३

येरमीया 22:10

बेक्‍शा लशो आन पर्बम मङाक्‍कीन। मेको आन पर्बम रोंका मपने। मेको क्‍येङा यो ग्‍याइश्‍शा लाइश्‍शो मुर आन पर्बम ङाक्‍कीन। मारदे हना मेको गेनायो मलेप्‍ब। मेकोमी आ रागी गेनायो मताइब। २राजा २३:२९-३४

येरमीया 22:24

परमप्रभु यावेम “गो दोपा ब्रोंइशा बाक्‍ङा, मोपा यहूदा ङा पिप येहो-याकीम आ तौ कोन्‍याह माइश्‍शो येहो-याकीम कली ‘गे आं ग्‍युरा गुइ ङा छाप थोक्‍तीक औंठी नवे हना, गो इ कली ग्रुंइशा ताइक्‍तन वा।कोन्‍याह कली योयाकीम यो देंनीम। २राजा २४:८-१६; येरमीया २४:१

येरमीया 24:1

बेबीलोन ङा पिप नेबुकदरेसरमी यहूदा ङा पिप येहो-याकीम आ तौ येकोन्‍याह, यहूदा ङा पिप आ गेय पाइब, मार मार सेल्‍स जोक्‍ब नु तुप्‍तील आन कली यरूसलेमम ग्‍याइश्‍शा बेबीलोन लदा बाक्‍त। मेको नोले परमप्रभु यावेमी आं कली आ खिं आ ङोंइती डालो निक्‍शी फोव़शी गेडा कोंइताक्‍यी।येहो-याकीम आ नें २राजा २४:६ योयाकीन बाक्‍ब। तन्‍न येरमीया किताबम २२:२४ आ नें कोन्‍याह बाक्‍ब। मिनु येरमीया २४:१ येकोन्‍याह यो देंनीम। २राजा २४:१४-१६

येरमीया 24:5

परमप्रभु यावे, इस्राएली आन परमप्रभुमी “मेको रिम्‍शो फोव़शी गेडा खोदेंशो पा, गो यहूदा रे बेबीलोन रागीम ग्‍याइश्‍शा लाइक्‍चा पुंइसीशो आन कली मिम्‍नुङ। गो मेको आन कली एकेर रे कल्‍दी आन रागीम सोइक्‍ताक्‍ङ।

येरमीया 27:8

तन्‍न तेकोइ रागी तेकोइ राज्‍य नु पिपम बेबीलोन ङा पिप नेबुकदनेसर आ वाइल दुम्‍चा नु मेको आ जुवा आन शुरम वोइक्‍ने मबिस्‍साक्‍म हना, गो मेको रागी ङा मुर आन कली तरवार, अन्‍काल नु मुर बेक्‍तीक रोइम सजाइ गेनुङमी। गो मेको आन कली मसाइक्‍पदुमी सम्‍म मो पाइनुङ’ दे परमप्रभु यावेम देंत।

येरमीया 28:10

मिनु नोले परमप्रभु यावे आ लोव़ पाइब हनान्‍याहम परमप्रभु यावे आ लोव़ पाइब येरमीया आ शुर रे मेको जुवा शोल्‍शा जिक्‍तु।

येरमीया 28:2

“मुर नेल्‍ल आन परमप्रभु यावे, इस्राएली आन परमप्रभुमी ‘गो बेबीलोन ङा पिप आ जुवा जिक्‍ता।

येरमीया 29:1

परमप्रभु यावे आ लोव़ पाइब येरमीयामी, यरूसलेम ङा ग्‍याइश्‍शा लाइक्‍चा पुंइसीशो आन दाते ङा ब्रोंइशा लीशो खाल्‍पा आन कली एको चिठी ब्रेक्‍शा सोइक्‍ताक्‍व। बेबीलोन ङा पिप नेबुकदनेसरम यरूसलेम रे चढ़ेब, परमप्रभु यावे आ लोव़ पाइब नु मुर नेल्‍ल आन कली ग्‍याइश्‍शा बेबीलोन लाइश्‍शो बाक्‍त।

येरमीया 29:2

पिप येकोन्‍याह आ ममा, दरवार ङा ठेयब मुरपुकी, यहूदा नु यरूसलेम ङा सरकार आ गेय पाइब, रिम्‍शो पा मारेइ मारेइ सेल्‍स जोल्‍ब मुर नु तुप्‍तीलपुकी यरूसलेम रे ग्‍याइश्‍शा लाइक्‍चा पुंइसीमा नोले मेको चिठी ब्रेक्‍शो बाक्‍ब। येहो-याकीम आ नें २राजा २४:६ योयाकीन बाक्‍ब। तन्‍न येरमीया २२:२४ आ नें कोन्‍याह बाक्‍ब। मिनु येरमीया २४:१ येकोन्‍याह यो देंनीम। २राजा २४:१४-१५

येरमीया 30:8

मुर नेल्‍ल आन परमप्रभु यावेमी “गो मेको नाक्‍ती मेको आन बला रे जुवा जिक्‍नुङ। मिनु गो मेको आन कली फ्रेंशो रे प्रोंइनुङमी। मिनु अर्को रागी ङा मुरपुकीम मेको आन कली गेनायो वाइल मसेल्‍नीम। येरमीया २३:५; येरमीया २७:१२; इजीकीएल ३४:२३; होसे ३:५

लेवी 26:13

गो परमप्रभु यावे, इन परमप्रभु नङ। गेपुकी इन कली इजीप्‍ती आन वाइलीम वाइल मदुम्‍पाइक्‍थु, एक चाक्‍तन्‍नी। गो इन शुर ङा जवा जिक्‍शा, इन पिया पोक्‍शा गाक्‍ब सेल्‍तन्‍नी। इजीकीएल ३४:२७-२८

नहुम 1:13

मिनु मुल गो इ कली श्‍येत गेबपुकी रे प्रोंइनुङ। मिनु इ कली फ्रेंशो डोरी प्रोइक्‍नुङ” दे परमप्रभु यावेमी देंशो बाक्‍ब।