येरमीया 28:17 - Sunuwar Bible

¹⁷ मिनु मेको बर्स ङा ७ महिनाम जोल पा परमप्रभु यावे आ लोव़ पाइब हनान्‍याह बेक्‍त।

येरमीया 28:17 ပူးပေါင်းရင်းမြစ်များ

२ राजा 7:20

मिनु मेको कली मोदेंशोन दुम्‍माक्‍त। मारदे हना मेको कली मुरपुकीम लाप्‍चोम दिम्‍शा सदमे बाक्‍त। मिनु मेको बेक्‍माक्‍त।

येरमीया 23:31

कोव़ङीन, मेकोपुकीमी आंम थुं ङा लोव़ पशा ‘परमप्रभु यावे आ लोव़ बाक्‍ब’ देंनीम। गो मोदेंशो लोव़ पाइब आन कली काइ मदाक्‍नुङ।

येरमीया 28:1

मेको बर्समीन यहूदा ङा पिप सिदकीयाहम सासन पशो ४ बर्स ५ महिनाम गिबोनम बाक्‍ब अज्‍जुर आ तौ परमप्रभु यावे आ लोव़ पाइब हनान्‍याहम परमप्रभु यावे आ खिंम चढ़ेब नु मुर नेल्‍ल आन ङोंइती लोव़ पा, आं कली २इतिहास १:३,१३

येरमीया 28:16

मोपतीके परमप्रभु यावेम ‘गो इ कली एको रागी रे तिल्‍चा चिक्‍शो बाक्‍नुङ। गे एको बर्सम बेक्‍नेवे। मारदे हना गे परमप्रभु यावे कली काइ मटिथु जोल लोव़ पाप्‍तीवी’ देंत” देंत।

येरमीया 29:1

परमप्रभु यावे आ लोव़ पाइब येरमीयामी, यरूसलेम ङा ग्‍याइश्‍शा लाइक्‍चा पुंइसीशो आन दाते ङा ब्रोंइशा लीशो खाल्‍पा आन कली एको चिठी ब्रेक्‍शा सोइक्‍ताक्‍व। बेबीलोन ङा पिप नेबुकदनेसरम यरूसलेम रे चढ़ेब, परमप्रभु यावे आ लोव़ पाइब नु मुर नेल्‍ल आन कली ग्‍याइश्‍शा बेबीलोन लाइश्‍शो बाक्‍त।

जकरिया 1:6

तन्‍न गो आं गेय पाइब, आं लोव़ पाइब आन कली पशो लोव़ नु आं फुल्‍लुम मुशा ब्रेक्‍शो लोव़ इन किकी पिपी आन पाला रे मुल सम्‍म मबाक्‍म ङा?’ मिनु मेकोपुकी परमप्रभु यावे गे लेत्‍चा माल्‍‍शा, मेकोपुकीमी ‘मुर नेल्‍ल आन परमप्रभु यावेमी आंइ मरिम्‍शो लां नु आंइ मरिम्‍शो पशो आ पर्बम आ देंशो खोदेंशो पा पाप्‍तु’ देंतेक्‍म” दे मुर नेल्‍ल आन परमप्रभु यावेमी देंत।

ब्‍यवस्‍था 18:20

तन्‍न तेको आं लोव़ पाइबमी आं मदेंशो लोव़ देंशा नु अरु देवी देवता आन देंशो लोव़ पाप्‍तु हना, मेको आं लोव़ पाइब कली साइक्‍चा माल्‍नीनी। ब्‍यवस्‍था १३:२-६; येरमीया १४:१३-१५