येरमीया 28:13 - Sunuwar Bible

¹³ मार लोव़ पाप्‍तु देंशा हना “लशा, हनान्‍याह कली परमप्रभु यावेमी इ कली मार देंत देंशा हना ‘गे शी के जुवा जिक्‍तीवी। तन्‍न गो मेको आ पा ङा फलाम के जुवा चाक्‍नुङ’ देंशो बाक्‍ब मतो” देंत।

येरमीया 28:13 ပူးပေါင်းရင်းမြစ်များ

२ इतिहास 10:11

आं आफोम इन कली हेल्‍शो गेय पपाइश्‍शो बाक्‍माक्‍त। तन्‍न मुल गो मेको क्‍येङा हेल्‍शो गेय पपाइक्‍नुङ। आं आफोम इन कली कोक्‍केम तुप्‍पाइश्‍शो बाक्‍माक्‍त। तन्‍न मुल गो इन कली बिच्‍छीम क्राइक्‍पाइक्‍न‍न्‍नी’ मतीन” दे अर्ती गेमे बाक्‍त।

भजन संग्रह 107:16

मेकोमी कांसा के लाप्‍चोपुकी प्रोल्‍ब। मिनु फलाम के बार जिक्‍ब।

भजन संग्रह 149:8

मिनु मेको आन पिप आन कली साङलो नु मेको आन ठेयब मुर आन कली फलाम के फ्रेंतीकेम फ्रेंने चाप्‍नीम।

यसैया 45:2

परमप्रभु यावेमी मेको कली “गो इ ङोंइङोंइती गाक्‍नुङ। डांडा आन कली दिंम सेल्‍नुङ। कांसा के लाप्‍चो जिक्‍नुङ। फलाम के आ‍ग्‍लो जिक्‍नुङ।

येरमीया 27:15

परमप्रभु यावेम ‘गो मेको आन कली मसोइक्‍तुमी। तन्‍न मेकोपुकीम आं नेंम जोल पा लोव़ पाइनीम। मेको आन लोव़ नेंतीनी हना, गो इन कली एको रागी रे खेरनन्‍नी। मिनु गे बेक्‍नीनी। गेपुकी नु इन कली जोल पा लोव़ पाइब मो दुम्‍नीनी’ देंती” देंत।

येरमीया 27:2

परमप्रभु यावेमी मार लोव़ पाप्‍तु देंशा हना “कुशुल के डोरी नु थरपु ङा शी के जुवा का सेलो। मिनु मेको इ शुरम लाम्‍सो। येरमीया २८:१०

बिलाप 1:14

मेकोमी आं हेंथे पतीके जुवा खोदेंशो सेल्‍तु। मिनु मेको आ गुइमी फ्रेंसाक्‍व। मेको आं बला तारी शुश हेल्‍शो बाक्‍ब। मोपा आं बोल ग्‍युम्‍त। मिनु परमप्रभुमी आं कली आं ग्राने मचाप्‍चा ङा मुर आन गुइमी गेती।

बिलाप 2:14

इ परमप्रभु यावे आ लोव़ पाइब आन लोव़ नेल्‍ल जोल नु शोर गाक्‍शो बाक्‍तेक्‍म। मेकोपुकीमी इ कली रिम्‍शो दुम्‍ल, दे इ मरिम्‍शो पशो आ पर्बम लोव़ मपाम। तन्‍न मेकोपुकीमी इ पर्बम पशो लोव़ नेल्‍ल जोल नु दूली लां कोंइब बाक्‍त। येरमीया १४:१४-१६; येरमीया २३:१६-२२

इजीकीएल 30:18

मेको नाक्‍त तेहाफ-नेहेस सहर छिङछिङ दुम्‍ब। गो मेकेर इजीप्‍त रागी आ जुवा जिक्‍नुङ। मिनु मेको आ ठेयब लेश्‍शो क्‍याम्‍नुङ। गोस्‍सुमी मेको सहर कली सुम्‍ब। मिनु मेको आ एर ओंथ ङा सहर ङा मुर ग्‍याइश्‍शा लाइक्‍चा पुंइसीनीम। येरमीया ४३:९

ब्‍यवस्‍था 28:48

मोपतीके परमप्रभु यावेमी इन कली जोरी सत्रु सोइक्‍ब। गेपुकी शोव़लु बेक्‍शा नु तूतू दाक्‍ना दाक्‍न, फेक्‍चा मतथु नु मारेइ मगाप्‍शो दुम्‍शा, मेको आन गेय पचा माल्‍नीनी। मिनु मेकोमी इन कली मक्‍याम्‍दमे सम्‍म फलम के हलो इन तारी वोइक्‍नीम। येरमीया २८:१३-१४