येरमीया 28:11 - Sunuwar Bible

¹¹ मिनु हनान्‍याहम मुर नेल्‍ल आन ङोंइती “परमप्रभु यावेमी मार देंत देंशा हना ‘गो मोपा बर्स निक्‍शी क्‍येङा ङोंइती रागी रागी ङा मुर नेल्‍ल आन शुर रे बेबीलोन ङा पिप नेबुकदनेसर आ जुवा जिक्‍शा गेनुङ’ ” देंत। मेना परमप्रभु यावे आ लोव़ पाइब येरमीया आ लां खोइक्‍तु। येरमीया २९:१०

येरमीया 28:11 ပူးပေါင်းရင်းမြစ်များ

१ राजा 13:18

मिनु मेको परमप्रभु यावे आ लोव़ पाइब खूशोमी मेको कली “गो यो इन खोदेंशो परमप्रभु यावे आ लोव़ पाइब नङ। मिनु परमप्रभु यावे आ स्‍वर्ग ङा गेय पाइब काम गो नु जचा तूचा कली इन कली आं खिंम चाक्‍चा माल्‍नेवे दें‍त” देंमाक्‍त। तन्‍न मेकोमी मेको कली जोल पाइश्‍शो बाक्‍माक्‍त।

१ राजा 22:6

मोपतीके इस्राएल ङा पिपम ४ सहे जना खोइ परमप्रभु यावे आ लोव़ पाइब आन कली पुक्‍शा, मेको आन कली “गो रामोथ-गिलाद कली लडाइ तोङ देय मतोङ” दे हिल्‍लो पामी बाक्‍त। मिनु मेकोपुकीमी “तोन, परमप्रभु यावेम मेको इन गुइमी गेब” देंमा बाक्‍त।

२ इतिहास 18:10

मेको आन दाते ङा केनानाह आ तौ सिदकीयाहमी फलाम के ग्रोव़ सेल्‍सीशो बाक्‍माक्‍त। मिनु मेकोमी “परमप्रभु यावेम मार देंत देंशा हना ‘एको ग्रोव़म गेम अराम ङा मुर आन कली ख्रुशा खतम पोक्‍नीनी’ देंशो बाक्‍ब” देंमाक्‍त।

हितोपदेस 14:7

मूर्खपुकी नु मगाक्‍को। मारदे हना मेकोपुकी नु जोक्‍‍तीक लोव़ मबाक्‍ब।

येरमीया 14:14

मिनु परमप्रभु यावेम आं कली “आं लोव़ पाइबपुकीम दा आं नेंम जोल पा लोव़ पशो बाक्‍नीम। गो मेको आन कली मसोइक्‍तुमी। गो मेको आन कली लोव़ मपङ। मेकोपुकीमी इन कली जोल पा, लिंक्‍यु कोव़शा, फश लोव़ पाइनीम। आन थुं ङा जोल लोव़ पाइनीम। येरमीया २३:२१-२२; येरमीया २७:९,१४,१५; येरमीया २९:८-९; इजीकीएल १३:६

येरमीया 23:17

मेकोपुकीम आं लोव़ मदाक्‍ब आन कली गेना हना यो ‘परमप्रभु यावे इन कली थुं नाइश्‍शा बाक्‍तीक दुम्‍ब’ देंनीम। मिनु मेकोपुकीम मटिथु आन थुं ङा मिम्‍शोम गाक्‍ब आन कली ‘इन कली मारेइ हिंचा ङा श्‍येत मदुम्‍ब’ देंनीम।

येरमीया 28:15

मिनु परमप्रभु यावे आ लोव़ पाइब येरमीयाम, परमप्रभु यावे आ लोव़ पाइब हनान्‍याह कली “ए हनान्‍याह, नेनो। परमप्रभु यावेमी इ कली मसोइक्‍त। मिनु गे एको मुर आन कली जोल लोव़ पा थमा सुइक्‍पाइश्‍शो बाक्‍नेवे।

येरमीया 29:9

मेकोपुकीमी जोल पा आं नेंमी नोले दुम्‍ब लोव़ पाइनीम। मेको आन कली गो मसोइक्‍तुमी” दे परमप्रभु यावेम देंशो बाक्‍ब।

इजीकीएल 13:7

गेपुकीम जोल पा कोंइतीके तशा, लिंक्‍यु कोव़शा, जोल लोव़ ला पाइब दुम्‍तीनी। तन्‍न गो इन कली काइ लोव़ मपथु, गेपुकीमी ‘परमप्रभु यावे आ लोव़ बाक्‍ब देंतीनी’ दे माइक्‍मी” देंत।