येरमीया 27:7 - Sunuwar Bible

⁷ मेको आंम इन रागी आ रिम्‍शो दुम्‍ची मजाक्‍म सम्‍म रागी रागी नेल्‍ल ङा मुरपुकीम मेको आ तौ नु मेको आ चच आन गेय पचा माल्‍नीम। मेको नोले शुश रागी नु ठेयब पिपपुकीमी मेको कली आन वाइल सेल्‍नीम।

येरमीया 27:7 ပူးပေါင်းရင်းမြစ်များ

भजन संग्रह 37:13

तन्‍न परमप्रभु मेको आन कली तशा, रिप्‍ब। मारदे हना मेको आन नाक्‍त नुप्‍शो तुइश्‍शो बाक्‍ब। अय्‍युब १८:२०

यसैया 13:1

आमोज आ तौ यसैयामी बेबीलोन आ पर्बम तशो नु तुइश्‍शो लोव़ एको बाक्‍ब। येरमीया २३:३३

यसैया 21:9

कोव़ङीन, शारा ङोइक्‍ब जोर जोर पा जाक्‍ना जाक्‍न बाक्‍नीम” देंत। मिनु मेकोमी “बेबीलोन ब्रुत। मेको आन देवी देवता आन मूर्ति नेल्‍ले खपीम ताइक्‍चा पुंइसाक्‍म” देंत। प्रकाश १८:२

येरमीया 27:22

मेको नेल्‍ल आन कली बेबीलोनम चाक्‍दीत्‍नीम। मिनु गो मेको आन पर्बम मकोव़ङु सम्‍म मेको मेकेर बाक्‍चा माल्‍‍नीम’ देंशो बाक्‍ब। मिनु ‘गो मेको आन कली लेंशा लेश्‍शा चाक्‍नुङमी। मिनु लेंशा आन बाक्‍तीकेमी वोइक्‍नुङमी’ दे परमप्रभु यावेमी देंत” दे माइक्‍ती। एज्रा १:१,११

येरमीया 34:1

परमप्रभु यावेम येरमीया कली बेबीलोन ङा पिप नेबुकदरेसर, मेको आ लडाइ पाइब नेल्‍ल, रागी ङा राज्‍य नेल्‍ल नु मेको आ सासन पशो रागी ङा मुर नेल्‍लेम यरूसलेम नु आ एर ओंथ ङा सहर नेल्‍ल आन कली लडाइ तोम्‍तेक्‍म। मेना इस्राएली आन परमप्रभु यावेमी येरमीया आं कली लोव़ पाप्‍तु। येरमीया ५२:४; २राजा २५:१-२

येरमीया 44:30

परमप्रभु यावेम “गो इजीप्‍त ङा पिप फाराओ होफ्रा कली आ जोरी सत्रु नु मेको कली साइक्‍चा माल्‍ब आन गुइमी गेनुङ। दोपा गो यहूदा ङा पिप सिदकीयाह कली आ जोरी सत्रु बेबीलोन ङा पिप नेबुकदरेसर आ गुइमी गेङा, मोपा इजीप्‍त ङा पिप कली साइक्‍ब आन गुइमी गेनुङ” दे परमप्रभु यावेमी देंत। इजीकीएल २९:१९

येरमीया 46:13

परमप्रभु यावेम बेबीलोन ङा पिप नेबुकदरेसरम इजीप्‍त कली लडाइ तोथ जाक्‍‍चा आ पर्बम येरमीया कली लोव़ पाप्‍तु।

येरमीया 52:31

यहूदा ङा पिप येहो-याकीन कली ग्‍याइश्‍शा लाइश्‍शो ३७ बर्समी एवील-मेरोदक बेबीलोन ङा पिप दुम्‍त। मेको आ सासन पशो १२ महिना २५ नाक्‍ती दुम्‍मेनु, मेकोमी यहूदा ङा पिप येहो-याकीन कली चोक्‍तीक रे प्रोंइपाइक्‍तु।

इजीकीएल 30:24

गो बेबीलोन ङा पिप आ गुइ सक्ति पाइश्‍शो सेल्‍नुङ। मिनु आं तरवार मेको कली गेनुङ। तन्‍न गो फाराओ आ गुइ जिक्‍नुङ। मिनु मेको, मेको आ ङोंइती बेक्‍चा ङा पा गार दुम्‍शो मुर खोदेंशो पा, नक्‍सुर पाइब। इजीकीएल २९:२०

दानीएल 2:37

हजुर, गे पिप आन पिप बाक्‍नीनी। स्‍वर्ग ङा परमप्रभुमी इन कली राज्‍य, सक्ति, अधिकार नु शुश मान गेशो बाक्‍ब। इजीकीएल २६:७

दानीएल 4:22

हजुर, पिप, गे मेको रवा बाक्‍नीनी। गे ठेयब नु सक्ति पाइश्‍शो दुम्‍तीनी। इन सक्ति बारशा, सरीङ सम्‍म जाक्‍दीश्‍शो बाक्‍त। मिनु इन अधिकार बारशा, रागी नेल्‍ल आन कली हुकुम पाइतीनी।

हबकुक 2:7

मार, इ कली जेर गेबपुकी कालेमीन मबोक्‍नीमी ङा? मेकोपुकी सेंसीशा इ कली महिंपाइक्‍नीमी ङा? मेना गे श्‍येत जाइब दुम्‍नेवे।

हबकुक 2:8

मारदे हना गे रागी रागी ङा शुश मुर आन शोंप रोइक्‍ताक्‍नी। मुल चहिं इ साइक्‍तीक रे ब्रोंइशोपुकीमी इ के बाक्‍शो नेल्‍ल रोइक्‍नीम। गे मुर आन कली हुश ख्राक्‍श पोक्‍तीवी। गे रागी, सहरपुकी नु मेकेर बाक्‍ब मुर नेल्‍ल आन कली खतम सेल्‍तीवी” देंत। हबकुक २:१७

प्रकाश 14:8

मिनु परमप्रभु यावे आ स्‍वर्ग ङा गेय पाइब अर्को कामी मेको ङोंइती ङा आ नोले खोइश्‍शा, मेकोमी “बेबीलोन माइश्‍शो ठेयब सहर खतम दुम्‍त। मारदे हना मेकोमी ङोंइती नेल्‍ल रागी ङा मुर आन कली पाप पपाइक्‍तु। रागी ङा मुरपुकी बेबीलोन आ पर्बम परमप्रभु यावे आ गाइश्‍शो ताम्‍तेक्‍म” देंत। प्रकाश १८:-; यसैया २१:९; येरमीया २५:१५-१६; येरमीया ५१:७

प्रकाश 16:19

मिनु मेको ठेयब सहर सां दुम्‍त। रागी रागी ङा सहरपुकी ब्रेत्‍तेक्‍म। मिनु परमप्रभु यावेमी बेबीलोन ठेयब सहर कली फ्रुक्‍तु। मारदे फ्रुक्‍तु देंशा हना, मेको मुर आन पाप तशा “गो सजाइ गेनुङमी” दे गाइश्‍शा फ्रुक्‍तु। प्रकाश १४:८-१०