येरमीया 27:6 - Sunuwar Bible6 मुल गेपुकी नु इन रागी नेल्ल आं गेय पाइब बेबीलोन ङा पिप नेबुकदनेसर आ गुइम गेता। ब्वाकी ङा जन्तु आन कली यो सासन पाइब सेल्ता। येरमीया २५:९; यसैया ४५:१,८; इजीकीएल २६:७; दानीएल २:३८ အခန်းကိုကြည့်ပါ။ |
येरमीया 27:6
19 ပူးပေါင်းရင်းမြစ်များ
फारसी ङा पिप कोरेसम मार उरदी पपदा बाक्त। देंशा हना “परमप्रभु यावे, स्वर्ग ङा परमप्रभुम रागी ङा राज्य नेल्ल आं कली गेशो बाक्ब। मिनु मेकोमी आं कली यहूदा ङा यरूसलेमम आ कली खिं का सेल्चा कली अरेशो बाक्ब। इन दातेम बाक्शो मेको आ मुर बाक्तेक्म हना ‘परमप्रभु यावे, आ परमप्रभु मेको नु बाक्ल। मिनु मेको यरूसलेम लमल’ देंनुङ” देंमाक्त।
मिनु नोले परमप्रभु यावेमी ‘गो यहूदा ङा पिप सिदकीयाह, मेको आ गेय पाइबपुकी नु मेको सहर ङा बेक्तीक रोइ, तरवार नु अन्काल रे ब्रोंइशो मुर आन कली बेबीलोन ङा पिप नेबुकदरेसर आ गुइम गेनुङमी। गो मेको आन कली साइक्चा माल्ब आन जोरी सत्रु आन गुइम जिम्मा गेनुङमी। मिनु मेकोमी मेको आन कली तरवारम साइक्पाइक्ब। मेकोमी मेको आन कली शिशी मपथु, मप्रोंइब नु दाक्तीके मकोंइथु, साइक्पाइक्ब’ मतीस” दे माइक्तीम्सी।
बेबीलोन ङा पिप नेबुकदरेसरमी यहूदा ङा पिप येहो-याकीम आ तौ येकोन्याह, यहूदा ङा पिप आ गेय पाइब, मार मार सेल्स जोक्ब नु तुप्तील आन कली यरूसलेमम ग्याइश्शा बेबीलोन लदा बाक्त। मेको नोले परमप्रभु यावेमी आं कली आ खिं आ ङोंइती डालो निक्शी फोव़शी गेडा कोंइताक्यी।येहो-याकीम आ नें २राजा २४:६ योयाकीन बाक्ब। तन्न येरमीया किताबम २२:२४ आ नें कोन्याह बाक्ब। मिनु येरमीया २४:१ येकोन्याह यो देंनीम। २राजा २४:१४-१६
गो उत्तर ङा जात नेल्ल नु आं गेय पाइब बेबीलोन ङा पिप नेबुकदरेसर कली ब्रेश्शा चाक्नुङमी। गो मेको आन कली एको रागी ङा मुर नु एर ओंथ ङा जात नेल्ल आन पर्बम चाक्नुङमी। मिनु गो मेको नेल्ल आन कली साइक्पाइक्नुङमी। गो मेको आन कली शुश हिंचा ङा, शुक्शी पाइक्चा पुंइसीब नु शिशी मताइब सेल्नुङमी। दानीएल ३:३१-३३
मिनु मुर नेल्ल आन परमप्रभु यावे, इस्राएली आन परमप्रभुमी “बेबीलोन ङा पिप नेबुकदनेसर आ वाइलीम वाइल दुम्पाइक्चा कली गो रागी नेल्ल ङा मुर नेल्ल आन शुरम फलाम के जुवा लाप्नुङमी। थमा पा, मेको आ वाइलीम वाइल दुम्नीम। गो ब्वाकी ङा जन्तु आन कली यो आ सासनमी गेतामी, देंशो बाक्ब, देनो” देंत। ब्यवस्था २८:४८; येरमीया २७:६
ကြော်ငြာတွေ