येरमीया 27:20 - Sunuwar Bible

²⁰ मेको बेबीलोन ङा पिप नेबुकदनेसरमी यहूदा ङा पिप येहो-याकीम आ तौ येकोन्‍याह माइश्‍शो येकोन्‍याह नु यहूदा नु यरूसलेम ङा ठेयब मुर नेल्‍ल आन कली यरूसलेम रे ग्‍याइश्‍शा लदमेनु, मेको बोस मलद। येहो-याकीम आ नें २राजा २४:६ योयाकीन बाक्‍ब। तन्‍न येरमीया किताबम २२:२४ आ नें कोन्‍याह बाक्‍ब। मिनु येरमीया २४:१ येकोन्‍याह यो देंनीम।

येरमीया 27:20 ပူးပေါင်းရင်းမြစ်များ

२ राजा 24:12

मिनु यहूदा ङा पिप येहो-याकीन, नेबुकदनेसर कली जिम्‍मा गेसे बाक्‍त। मिनु मेको नु मेको आ ममा, आ गेय पाइबपुकी, आ ठेयब मुरपुकी नु आ लडाइ पाइब आन ठेयब मुर नेल्‍ल बेबीलोन ङा पिप कली जिम्‍मा गेसमा बाक्‍त। मिनु बेबीलोन ङा पिपम सासन पवा आ ८ बर्सम येहो-याकीन कली ग्‍याइश्‍शा चोक्‍गा बाक्‍त।

२ इतिहास 36:10

मिनु बर्खा जाक्‍चावानु, पिप नेबुकदनेसरम मुर सोइश्‍शा परमप्रभु यावे आ खिं ङा रिम्‍शो रिम्‍शो ग्‍योंबपुकी नु मेको पिप कली बेबीलोनम चाक्‍पदा बाक्‍त। मिनु मेकोमी मेको पिप आ खिं ङा मुर का सिदकीयाह कली यहूदा नु यरूसलेम ङा पिप सेला बाक्‍त। येरमीया २२:२४-३०

२ इतिहास 36:18

मिनु मेकोमी परमप्रभु आ खिं ङा आइक्‍च ठेयब ग्‍योंब नेल्‍ल, मेकेर ङा शोंप नु दरवार नु सरकार ङा गेय पाइब आन खिं ङा शोंप नेल्‍ल बेबीलोन लदमे बाक्‍त।

यसैया 34:12

मेको रागी कली राज्‍य मदेंनीम। मेकेर हुकुम पाइब सुइ मलीम।

येरमीया 22:28

मार, एको कोन्‍याह माइश्‍शो मुर सुइम मदाक्‍शो ब्रोल्‍शो ग्‍योंब खोदेंशो बाक्‍बा ङा? मेको मोदेंशो ग्‍योंब कली सुइम ममाल्‍नीम। मोपतीके मेको नु मेको आ आल आन मतुइश्‍शो रागीम ताइक्‍चा पुंइसीनीमी?’ ” देंत। कोन्‍याह माइश्‍शो येहो-याकीम आ तौ कली येकोन्‍याह यो देंनीम। येरमीया २४:१

येरमीया 24:1

बेबीलोन ङा पिप नेबुकदरेसरमी यहूदा ङा पिप येहो-याकीम आ तौ येकोन्‍याह, यहूदा ङा पिप आ गेय पाइब, मार मार सेल्‍स जोक्‍ब नु तुप्‍तील आन कली यरूसलेमम ग्‍याइश्‍शा बेबीलोन लदा बाक्‍त। मेको नोले परमप्रभु यावेमी आं कली आ खिं आ ङोंइती डालो निक्‍शी फोव़शी गेडा कोंइताक्‍यी।येहो-याकीम आ नें २राजा २४:६ योयाकीन बाक्‍ब। तन्‍न येरमीया किताबम २२:२४ आ नें कोन्‍याह बाक्‍ब। मिनु येरमीया २४:१ येकोन्‍याह यो देंनीम। २राजा २४:१४-१६

येरमीया 27:21

मिनु मुर नेल्‍ल आन परमप्रभु यावे, इस्राएली आन परमप्रभुमी ‘आं खिंमी लीशो बोसपुकी, यहूदा ङा पिप आ दरवारमी वोइश्‍शो बोसपुकी नु यरूसलेममी प्रोंइशो ग्‍योंबपुकी बाक्‍नीम।

येरमीया 29:2

पिप येकोन्‍याह आ ममा, दरवार ङा ठेयब मुरपुकी, यहूदा नु यरूसलेम ङा सरकार आ गेय पाइब, रिम्‍शो पा मारेइ मारेइ सेल्‍स जोल्‍ब मुर नु तुप्‍तीलपुकी यरूसलेम रे ग्‍याइश्‍शा लाइक्‍चा पुंइसीमा नोले मेको चिठी ब्रेक्‍शो बाक्‍ब। येहो-याकीम आ नें २राजा २४:६ योयाकीन बाक्‍ब। तन्‍न येरमीया २२:२४ आ नें कोन्‍याह बाक्‍ब। मिनु येरमीया २४:१ येकोन्‍याह यो देंनीम। २राजा २४:१४-१५

येरमीया 35:1

यहूदा ङा पिप योसीयाह आ तौ येहो-याकीमम सासन पवा ना परमप्रभु यावेम येरमीया कली लोव़ पाप्‍तु। २राजा २३:३४

दानीएल 1:2

मिनु परमप्रभुमी यहूदा ङा पिप येहो-याकीम कली ब्रुपाइक्‍तु। मिनु परमप्रभुमी आ खिं ङा बोस का निक्‍शी यो मेको कली गेप्‍तु। मिनु नेबुकदनेसरमी मेको बोसपुकी शिनार रागीमी लाइश्‍शा, आ देवता आ खिं ङा मार मार शोंप वोइक्‍तीके कोठाम वोइक्‍तु। शिनार रागी बेबीलोन रागी बाक्‍ब। उत्‍पत्ती ११:२

मत्ती 1:11

योसीयाहमी येकोन्‍याह नु आ लोक्‍ब थीमी बाक्‍त। येकोन्‍याह आ पालामी बेबीलोन ङा मुरपुकीमी यहूदी आन कली लडाइ पा ग्‍याइश्‍शा बेबीलोन चाक्‍दीत्‍मे बाक्‍त। २राजा २५:७,११,२१

मत्ती 1:12

बेबीलोन चाक्‍दीत्‍मे आ नोले येकोन्‍याहमी शाल्‍तीएल थिम्‍माक्‍त। शाल्‍तीएलमी जेरूब-बाबेल थि‍माक्‍त।

मत्ती 1:17

अब्राहाम रे पा दाऊद सम्‍म १४ पाला दुम्‍मा बाक्‍त। मिनु दाऊद पिप रे पा बेबीलोन चाक्‍दीत्‍‍ची सम्‍म १४ पाला दुम्‍मा बाक्‍त। बेबीलोन चाक्‍दीश्‍शो रे ख्रीस्‍त जरमेसेनु १४ पाला दुम्‍मा बाक्‍त।