येरमीया 27:19 - Sunuwar Bible

¹⁹ मारदे हना मुर नेल्‍ल आन परमप्रभु यावेमी थाम, कांसा के ठेयब चिक्‍तीके बोस, मेको आ कांसा के नित्‍तीके नु सहरम लीशो बोस आन पर्बम लोव़ पाप्‍तु। १राजा ७:१५-३९; २राजा २५:१३-१७

येरमीया 27:19 ပူးပေါင်းရင်းမြစ်များ

१ राजा 7:23

मिनु मेकोमी कांसा के यपाइश्‍शा ब्‍वाक्‍कु वोइक्‍तीक ठेयब बोस का सेला बाक्‍त। मेको आ सुर का रे अर्को सुर सम्‍म १० कुबीत बाक्‍माक्‍त। मेको ५ कुबीत ग्‍येत्‍थ लाइश्‍शो बाक्‍माक्‍त। मेको आ एर ओंथ पुक्‍शोनु ३० कुबीत बाक्‍‍बाक्‍त।

१ राजा 7:27

मिनु मेकोमी कांसा के १० ओटा अरु निप्‍पाइक्‍‍तीक सेला बाक्‍त। मेको नेल्‍ल ४, ४ कुबीत लाइश्‍शो ४, ४ कुबीत ब्रेम्‍शो नु ३, ३ कुबीत ग्‍येत्‍थ लाइश्‍शो बाक्‍मा बाक्‍त। कुबीत का ०.५ मिटर खोदेंशो बाक्‍त।

२ राजा 25:13

मिनु कल्‍दीपुकीमी परमप्रभु यावे आ खिंम बाक्‍शो कांसा के थामपुकी, निप्‍‍पाइक्‍तीकपुकी नु कांसा के ठेयब बोस प्रोल्‍शा आइक्‍च सेल्‍शा बेबीलोन लदमे बाक्‍त। येरमीया २७:१९-२२

२ राजा 25:17

मेको थाम का १८ कुबीत लाइश्‍शो बाक्‍माक्‍त। मिनु मेको थाम का आ पिया कुबीत सां लाइश्‍शो बाक्‍माक्‍त। मिनु मेको कांसा के जालीम आ एर ओंथ क्‍युक्‍शा हिरशो दारीम बाक्‍माक्‍त। अर्को थाम यो जालीम हिरशा मेको खोदेंशो पा सेल्‍शो बाक्‍माक्‍त। कुबीत का आधा मिटर खोदेंशो बाक्‍ब।

२ इतिहास 36:18

मिनु मेकोमी परमप्रभु आ खिं ङा आइक्‍च ठेयब ग्‍योंब नेल्‍ल, मेकेर ङा शोंप नु दरवार नु सरकार ङा गेय पाइब आन खिं ङा शोंप नेल्‍ल बेबीलोन लदमे बाक्‍त।

बिलाप 1:10

आ जोरी सत्रुमी आ शोंप नेल्‍ल रोइक्‍ताक्‍यीमी। गे मेको आन कली इन बाक्‍‍तीके खिंम ओव़चा मगेतीनी हना यो, यरूसलेममी रागी रागी ङा मुर इन खिं ओव़चा ताम्‍तेक्‍म। येरमीया ५२:१७-१९; ब्‍यवस्‍था २३:४

दानीएल 1:2

मिनु परमप्रभुमी यहूदा ङा पिप येहो-याकीम कली ब्रुपाइक्‍तु। मिनु परमप्रभुमी आ खिं ङा बोस का निक्‍शी यो मेको कली गेप्‍तु। मिनु नेबुकदनेसरमी मेको बोसपुकी शिनार रागीमी लाइश्‍शा, आ देवता आ खिं ङा मार मार शोंप वोइक्‍तीके कोठाम वोइक्‍तु। शिनार रागी बेबीलोन रागी बाक्‍ब। उत्‍पत्ती ११:२