येरमीया 27:16 - Sunuwar Bible

¹⁶ मिनु गो चढ़ेब नु मेको मुर नेल्‍ल आन कली “परमप्रभु यावेमी ‘गेपुकी इन कली जोल पा आं लोव़ पाइब आन लोव़ मनेनीन। मेकोपुकीमी परमप्रभु यावे आ खिं ङा ग्‍योंब नु बो‍सपुकी रीब पा बेबीलोन रे चाक्‍सीब’ देंनीम। मेकोपुकीमी इन कली जोल पा नोले दुम्‍ब लोव़ पाइनीम। येरमीया २८:३; २इतिहास ३६:१०

येरमीया 27:16 ပူးပေါင်းရင်းမြစ်များ

२ राजा 24:13

मेकोमी परमप्रभु यावे आ खिं ङा शोंप नु पिप आ खिं ङा शोंप नेल्‍ल लदा बाक्‍त। मेकोमी सोलोमनम सेल्‍शो परमप्रभु यावे आ खिं ङा सुन के बोस ख्रोइश्‍शा लदा बाक्‍त। मोपा परमप्रभु यावे आ देंशो लोव़ गाम्‍माक्‍त। २राजा २०:१७

यसैया 9:15

खाल्‍पा नु हुकुम पाइबपुकी पिया नम। जोल पा परमप्रभु यावे आ लोव़ पाइबपुकी चहिं मीलु नम।

येरमीया 27:10

मारदे हना मेकोपुकीमी इन कली देंशो नोले दुम्‍ब लोव़ जोल बाक्‍ब। मेको लोव़ पतीके इन रागी रे ङोन खेरचा पुंइसीनीनी। गो इन कली खेरनुङ। मिनु गेपुकी बेक्‍नीनी।

येरमीया 27:14

गेपुकीम ‘बेबीलोन ङा पिप आ वाइल दुम्‍चा ममाल्‍नीनी देंब जोल पा परमप्रभु यावे आ लोव़ पाइब आन लोव़ मनेनीन। मारदे हना मेकोपुकीमी इन कली जोल पना पन बाक्‍नीम’ देंनीनी। येरमीया १४:१४

येरमीया 28:3

बेबीलोन ङा पिप नेबुकदनेसरमी आं खिं ङा मार मार नु ग्‍योंब एकेर रे बेबीलोनम लाइश्‍शो बाक्‍मे, मेको नेल्‍ल बर्स निक्‍शी क्‍येङा ङोंइती गो लेश्‍शा एक चाक्‍नुङमी। येरमीया २७:१६

दानीएल 1:2

मिनु परमप्रभुमी यहूदा ङा पिप येहो-याकीम कली ब्रुपाइक्‍तु। मिनु परमप्रभुमी आ खिं ङा बोस का निक्‍शी यो मेको कली गेप्‍तु। मिनु नेबुकदनेसरमी मेको बोसपुकी शिनार रागीमी लाइश्‍शा, आ देवता आ खिं ङा मार मार शोंप वोइक्‍तीके कोठाम वोइक्‍तु। शिनार रागी बेबीलोन रागी बाक्‍ब। उत्‍पत्ती ११:२