येरमीया 27:14 - Sunuwar Bible

¹⁴ गेपुकीम ‘बेबीलोन ङा पिप आ वाइल दुम्‍चा ममाल्‍नीनी देंब जोल पा परमप्रभु यावे आ लोव़ पाइब आन लोव़ मनेनीन। मारदे हना मेकोपुकीमी इन कली जोल पना पन बाक्‍नीम’ देंनीनी। येरमीया १४:१४

येरमीया 27:14 ပူးပေါင်းရင်းမြစ်များ

येरमीया 14:14

मिनु परमप्रभु यावेम आं कली “आं लोव़ पाइबपुकीम दा आं नेंम जोल पा लोव़ पशो बाक्‍नीम। गो मेको आन कली मसोइक्‍तुमी। गो मेको आन कली लोव़ मपङ। मेकोपुकीमी इन कली जोल पा, लिंक्‍यु कोव़शा, फश लोव़ पाइनीम। आन थुं ङा जोल लोव़ पाइनीम। येरमीया २३:२१-२२; येरमीया २७:९,१४,१५; येरमीया २९:८-९; इजीकीएल १३:६

येरमीया 23:21

मेको आं लोव़ पाइब आन कली गो मसोइक्‍तुमी। मो हना यो मेकोपुकी आन लोव़ कुरशा दोरशा लाम्‍तेक्‍म। गो मेकोपुकी नु लोव़ मपङ। मो हना यो मेकोपुकीमी लोव़ पाम्‍तेक्‍म। येरमीया १४:१४

येरमीया 23:25

मिनु मेकोमी “गो आं नेंमी जोल पाइब आन लोव़ नेंता। गो ङोमु ताता। गो ङोमु ताता।

येरमीया 28:15

मिनु परमप्रभु यावे आ लोव़ पाइब येरमीयाम, परमप्रभु यावे आ लोव़ पाइब हनान्‍याह कली “ए हनान्‍याह, नेनो। परमप्रभु यावेमी इ कली मसोइक्‍त। मिनु गे एको मुर आन कली जोल लोव़ पा थमा सुइक्‍पाइश्‍शो बाक्‍नेवे।

येरमीया 37:19

इन कली नु एको रागी कली लडाइ तोचा कली बेबीलोन ङा पिप मजाक्‍ब, दे इन कली देंब, परमप्रभु यावे आ लोव़ पाइबपुकी ते बाक्‍मा?

येरमीया 38:22

यहूदा ङा पिप आ दरवारम प्रोंइसीशो मीश मुर नेल्‍ल बेबीलोन ङा पिप आ ठेयब मुर आन बाक्‍तीके लाइक्‍नीम। मिनु मेको मीश मुरपुकीम इन कली ‘इन थमा सुइश्‍शो इन वारचपुकीम इन कली जोल पाम्‍तेक्‍म। मुल इन खोइली हिलोम ग्रुम्‍शो बाक्‍ब। इन वारचपुकीम इन कली प्रोंइशो बाक्‍नीम’ देंनीम।

बिलाप 2:14

इ परमप्रभु यावे आ लोव़ पाइब आन लोव़ नेल्‍ल जोल नु शोर गाक्‍शो बाक्‍तेक्‍म। मेकोपुकीमी इ कली रिम्‍शो दुम्‍ल, दे इ मरिम्‍शो पशो आ पर्बम लोव़ मपाम। तन्‍न मेकोपुकीमी इ पर्बम पशो लोव़ नेल्‍ल जोल नु दूली लां कोंइब बाक्‍त। येरमीया १४:१४-१६; येरमीया २३:१६-२२

मीका 2:11

तेकोइ मुरुमी जोल पा दूली लोव़ पशा “गो इ कली अङगुर शांबु तूचा नु रकसी तूचा आ पर्बम लोव़ पाइनुङ” देंत हना, मेको मुर मेको आन कली गारचा ङा लोव़ पाइब बाक्‍ब।

जकरिया 10:2

खिं ङा देवी देवतामी फश लोव़ पाइनीम। लिंक्‍यु कोव़बपुकीमी जोल तशा, ङोमु ङोशा, हेंथे लोव़ पाइनीम। मिनु मुर आन कली फश लोव़ पा लेम्‍नीम। मोपतीके मुरपुकी गोठला मबाक्‍शो भेडा खोदेंशो पा श्‍येत जशा प्रोक्‍नीम। मत्ती ९:३७

मत्ती 7:15

होस पांइसीने। मारदे हना परमप्रभु यावे आ लोव़ दूली शेंबपुकी बोक्‍नीम। मेकोपुकी भेडा खोदेंशो तांइसीनीमी। मेको आन थुं चहिं फर के खोदेंशो बाक्‍नीम। मत्ती २४:४,५,२४; २कोरिन्‍थी ११:१३-१५

फिलिप्‍पी 3:2

कुचुम खोदेंशो मुर आन क्‍येङा होस पा बाक्‍कीन। मरिम्‍शो गेय पाइब आन कली तशा, होस पा बाक्‍कीन। ख्रोइक्‍तीक चिनु ख्रोइक्‍चा माल्‍ब देंब, आन क्‍येङा यो होस पा बाक्‍कीन। प्रकाश २२:१५; गलाती ५:१२

१ यूहन्‍ना 4:1

आं दाक्‍शो लोक्‍बपुकी, शेंबपुकीमी शेंदमेनु, गेपुकीमी परमप्रभु यावे रे पा शेंनीमी देय मशेंनीमी मेको रुपीन। मारदे हना रागीमी शुश दूली पा, परमप्रभु यावे आ लोव़ पाइब बाक्‍नीम। मत्ती ७:१५