येरमीया 27:13 - Sunuwar Bible

¹³ परमप्रभु यावेम बेबीलोन ङा पिप आ वाइल मदुम्‍ब, रागी ङा मुर आन कली गे तरवार, अन्‍काल नु मुर बेक्‍तीक रोइम बेक्‍चा माल्‍नीनी। मारदे गे नु इन मुर बेक्‍चा दाक्‍नीनी?

येरमीया 27:13 ပူးပေါင်းရင်းမြစ်များ

हितोपदेस 8:36

आं कली मथिप्‍बपुकी चहिं आंम कली खतम सेल्‍नीम। आं कली काइ मदाक्‍ब नेल्‍ले बेक्‍चा दाक्‍नीम” देंत।

येरमीया 17:4

इन पाप पतीकेम गो इन कली गेशो, इन थेरशो रू साम्‍नीनी। मिनु गो इन कली इन मतुइश्‍शो रागीम इन जोरी सत्रु आन वाइल दुम्‍पाइक्‍नन्‍नी। मारदे हना आं गाइक्‍तीके मी ब्रशो खोदेंशो बाक्‍ब। मिनु मेको गेना हना यो ब्रस ङा ब्रस बाक्‍ब” देंत।

येरमीया 24:9

गो मेको आन कली रागी ङा राज्‍य नेल्‍लेमी शुश हिंचा ङा नु काइ मरिम्‍शो सेल्‍नुङ। मेको आन कली शिशी मताइब, शुक्‍शी लोव़ नु सराप पाइक्‍चा पुंइसीब सेल्‍नुङमी। मेको आन कली खेरशो रागी नेल्‍लेम मोदेंशो पाइनुङमी। १राजा ९:७

येरमीया 27:8

तन्‍न तेकोइ रागी तेकोइ राज्‍य नु पिपम बेबीलोन ङा पिप नेबुकदनेसर आ वाइल दुम्‍चा नु मेको आ जुवा आन शुरम वोइक्‍ने मबिस्‍साक्‍म हना, गो मेको रागी ङा मुर आन कली तरवार, अन्‍काल नु मुर बेक्‍तीक रोइम सजाइ गेनुङमी। गो मेको आन कली मसाइक्‍पदुमी सम्‍म मो पाइनुङ’ दे परमप्रभु यावेम देंत।

येरमीया 38:2

परमप्रभु यावेम “सु सु एको सहरमी बाक्‍नीमी, मेकोपुकी तरवार, अन्‍काल नु मुर बेक्‍तीक रोइम बेक्‍नीम। तन्‍न सु सु गुइ पोक्‍शा, कल्‍दी आन बाक्‍तीके जाक्‍दीत्‍नीमी, मेकोपुकी चहिं ब्रोंइनीम। मेको आन गिंम प्रोंइशा लडाइ रे ब्रोंइनीम” देंशो बाक्‍त। येरमीया २१:९

येरमीया 38:20

मिनु येरमीयामी “मेकोपुकीमी इन कली मेको आन गुइम जिम्‍मा मगेनीम। गो इन कली देंशो परमप्रभु यावे आ लोव़ टिने। मिनु इन कली रिम्‍शो दुम्‍ब। इन सोक्‍ती यो ब्रोंइब।

येरमीया 38:23

इन मीशपुकी नु इन आल नेल्‍ल कल्‍दी आन बाक्‍तीके चाक्‍दीत्‍नीम। गे आंमा यो कल्‍दी आन गुइ रे ब्रोंइचा मताइनीनी। बेबीलोन ङा पिपम इन कली ग्‍याइक्‍ब। मिनु एको सहर चहिं क्रोइक्‍नीम, देंशो बाक्‍ब” देंत। येरमीया ३२:४; येरमीया ३४:३

इजीकीएल 14:21

परमप्रभु, परमप्रभु यावेमी “गो यरूसलेमम आं ४ ओटा हिंचा ङा श्‍येत तरवार, अन्‍काल, ब्‍वाकी ङा जन्‍तुपुकी नु मुर बेक्‍तीक रोइ सोइश्‍शा मेकेर ङा मुर नु बी ब्‍यफ, क्‍यारश भेडा आन कली साइक्‍तामी हना, सुइ मब्रोंइम वा। इजीकीएल ५:१७; लेवी २६:१६-२५; येरमीया १५:३; प्रकाश ६:८

इजीकीएल 18:24

तन्‍न ठीक पाइब मुरुम आ ठीक पतीक प्रोंइशा, मरिम्‍शो पाप्‍तु हना, आं अरेशो लोव़ मटीबपुकीम खोदेंशो पा ग्रांग्रा दिशो गेय पाप्‍तु हना, मार मेको ब्रोंइबा ङा? मेको आ ङोंइती पशो ठीक गेय मारेइ ममिम्‍सीब। मेको आ मरिम्‍शो पशो नु आ पाप आ पर्बम बेक्‍चा माल्‍ब। इजीकीएल ३:२०

इजीकीएल 18:31

गे इन आं कली हेंथे पशो नेल्‍ल प्रोंइशा, गे नक थुं नु नक सोक्‍ती ताक्‍कीन। ए इस्राएल आ खिं ङा मुर, गे मारदे बेक्‍चा दाक्‍नीनी? इजीकीएल ११:१९

इजीकीएल 33:11

मोपतीके गे मेको आन कली परमप्रभु, परमप्रभु यावेमी “गो आ ब्रोंइशा बाक्‍शो खोदेंशो पा आं अरेशो लोव़ मटीब मुर बेक्‍मानु मग्‍येरसीनुङ। तन्‍न मेकोपुकीम आं अरेशो लोव़ टिशा ब्रोंइमल। गे इन मरिम्‍शो लां रे लेतीन। ए इस्राएल आ खिं ङा मुरपुकी, गे मारदे बेक्‍चा दाक्‍नीनी? ब्‍यवस्‍था ३२:४०; यसैया ५५:७; योएल २:१२-१३