येरमीया 27:10 - Sunuwar Bible

¹⁰ मारदे हना मेकोपुकीमी इन कली देंशो नोले दुम्‍ब लोव़ जोल बाक्‍ब। मेको लोव़ पतीके इन रागी रे ङोन खेरचा पुंइसीनीनी। गो इन कली खेरनुङ। मिनु गेपुकी बेक्‍नीनी।

येरमीया 27:10 ပူးပေါင်းရင်းမြစ်များ

प्रस्‍थान 22:18

टुना मुना पाइब कली ब्रोंइचा मगेचा। लेवी २०:६,२७; लेवी १९:३१; ब्‍यवस्‍था १८:१०; १सामुएल २९:९; मलाकी ३:५

येरमीया 14:14

मिनु परमप्रभु यावेम आं कली “आं लोव़ पाइबपुकीम दा आं नेंम जोल पा लोव़ पशो बाक्‍नीम। गो मेको आन कली मसोइक्‍तुमी। गो मेको आन कली लोव़ मपङ। मेकोपुकीमी इन कली जोल पा, लिंक्‍यु कोव़शा, फश लोव़ पाइनीम। आन थुं ङा जोल लोव़ पाइनीम। येरमीया २३:२१-२२; येरमीया २७:९,१४,१५; येरमीया २९:८-९; इजीकीएल १३:६

येरमीया 23:16

मुर नेल्‍ल आन परमप्रभु यावेम “गेपुकी आं लोव़ पाइब आन लोव़ मनेनीन। मेकोपुकीमी जोल लोव़ पा इन कली हेंथे गाक्‍पाइक्‍नीम। परमप्रभु यावे आ लोव़ ममाइ, तन्‍न आन थुंम मिम्‍शो लोव़ नु आन ङोमु तशो ना ङा लोव़ शेंनीम। आन खकटा थुं कली खोइश्‍शा गाक्‍ब आन कली ‘गे ठेयब श्‍येत मताइनीनी’ देंनीम। येरमीया ६:१३-१४; येरमीया १४:१४

येरमीया 23:25

मिनु मेकोमी “गो आं नेंमी जोल पाइब आन लोव़ नेंता। गो ङोमु ताता। गो ङोमु ताता।

येरमीया 27:14

गेपुकीम ‘बेबीलोन ङा पिप आ वाइल दुम्‍चा ममाल्‍नीनी देंब जोल पा परमप्रभु यावे आ लोव़ पाइब आन लोव़ मनेनीन। मारदे हना मेकोपुकीमी इन कली जोल पना पन बाक्‍नीम’ देंनीनी। येरमीया १४:१४

येरमीया 27:15

परमप्रभु यावेम ‘गो मेको आन कली मसोइक्‍तुमी। तन्‍न मेकोपुकीम आं नेंम जोल पा लोव़ पाइनीम। मेको आन लोव़ नेंतीनी हना, गो इन कली एको रागी रे खेरनन्‍नी। मिनु गे बेक्‍नीनी। गेपुकी नु इन कली जोल पा लोव़ पाइब मो दुम्‍नीनी’ देंती” देंत।

येरमीया 27:16

मिनु गो चढ़ेब नु मेको मुर नेल्‍ल आन कली “परमप्रभु यावेमी ‘गेपुकी इन कली जोल पा आं लोव़ पाइब आन लोव़ मनेनीन। मेकोपुकीमी परमप्रभु यावे आ खिं ङा ग्‍योंब नु बो‍सपुकी रीब पा बेबीलोन रे चाक्‍सीब’ देंनीम। मेकोपुकीमी इन कली जोल पा नोले दुम्‍ब लोव़ पाइनीम। येरमीया २८:३; २इतिहास ३६:१०

येरमीया 28:11

मिनु हनान्‍याहम मुर नेल्‍ल आन ङोंइती “परमप्रभु यावेमी मार देंत देंशा हना ‘गो मोपा बर्स निक्‍शी क्‍येङा ङोंइती रागी रागी ङा मुर नेल्‍ल आन शुर रे बेबीलोन ङा पिप नेबुकदनेसर आ जुवा जिक्‍शा गेनुङ’ ” देंत। मेना परमप्रभु यावे आ लोव़ पाइब येरमीया आ लां खोइक्‍तु। येरमीया २९:१०

येरमीया 28:16

मोपतीके परमप्रभु यावेम ‘गो इ कली एको रागी रे तिल्‍चा चिक्‍शो बाक्‍नुङ। गे एको बर्सम बेक्‍नेवे। मारदे हना गे परमप्रभु यावे कली काइ मटिथु जोल लोव़ पाप्‍तीवी’ देंत” देंत।

येरमीया 32:31

एको सहर सेल्‍मे नाक्‍त रे मुल सम्‍म आं कली गाइक्‍पाइश्‍शा, चुरपाइश्‍शा पतीमी। मोपा गो एको कली आं ङोंइती रे तिल्‍नुङ।

येरमीया 8:19

श्‍येत जशो आं मुर आन ङाक्‍शो नेनीन। ङोन रागी रे नेनीन। मार, परमप्रभु यावे सियोनम मबाक्‍शो बाक्‍बा ङा? मेको आ पिप मेकेर मबाक्‍शो बाक्‍बा? मारदे मेकोपुकीमी आं कली आन मूर्ति नु आन शोर गाक्‍शो अर्को रागी ङा देवी देवता आन पर्बम गाइक्‍पाइय्‍यीमी?

बिलाप 2:14

इ परमप्रभु यावे आ लोव़ पाइब आन लोव़ नेल्‍ल जोल नु शोर गाक्‍शो बाक्‍तेक्‍म। मेकोपुकीमी इ कली रिम्‍शो दुम्‍ल, दे इ मरिम्‍शो पशो आ पर्बम लोव़ मपाम। तन्‍न मेकोपुकीमी इ पर्बम पशो लोव़ नेल्‍ल जोल नु दूली लां कोंइब बाक्‍त। येरमीया १४:१४-१६; येरमीया २३:१६-२२

दानीएल 4:7

मिनु जादू, मन्‍तर तन्‍तर पाइब, सोरुल कोव़ब कल्‍दी नु चिन्‍ड आ अर्थ तुइक्‍ब जाक्‍तेक्‍म। मिनु गो मेको आन कली ‘गो ङोमु का ताता’ दे शोव़ता। तन्‍न मेकोपुकीमी आं कली आं ङोमु रे मार रुम्‍सीबा, मेको शेंने मचबेम।

जकरिया 10:2

खिं ङा देवी देवतामी फश लोव़ पाइनीम। लिंक्‍यु कोव़बपुकीमी जोल तशा, ङोमु ङोशा, हेंथे लोव़ पाइनीम। मिनु मुर आन कली फश लोव़ पा लेम्‍नीम। मोपतीके मुरपुकी गोठला मबाक्‍शो भेडा खोदेंशो पा श्‍येत जशा प्रोक्‍नीम। मत्ती ९:३७

मलाकी 3:5

तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत।

ब्‍यवस्‍था 18:10

मेको ग्रांग्रा दिशो गेय मार बाक्‍ब देंशा हना, आंम तमी तौ आन कली मीम चोशा चढ़ेशा, लिंक्‍यु कोव़चा, टुना मुना पचा, मन्‍तर तन्‍तर पचा, लेवी १८:२१; लेवी १९:२६,३१