येरमीया 26:23 - Sunuwar Bible

²³ मिनु मेकोपुकीमी उरीयाह कली इजीप्‍त रे चाक्‍तेक्‍म। मिनु पिप येहो-याकीम आ ङोंइती राप्‍पाइक्‍तेक्‍म। मिनु पिपम मेको कली साइक्‍चा कली तरवार आप्‍पाइक्‍तु। मिनु मेको आ बेक्‍शो रां आइक्‍च आइक्‍च मुर आन कली ताइक्‍तीकेम ताइक्‍पाइक्‍तु।

येरमीया 26:23 ပူးပေါင်းရင်းမြစ်များ

२ राजा 23:37

मिनु मेकोमी आ किकी पिपी खोदेंशो पा, परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त।

येरमीया 2:30

गो इन आल आन कली मोशा तुप्‍ता‍मी। गो मेको आन कली शेंचा दाक्‍ताक्‍ङ। तन्‍न मबिस्‍सम। इन कली सोइश्‍शो आं लोव़ पाइब इन तरवारमी साइक्‍चा पुंइसाक्‍म। गेपुकी ग्रु दाक्‍ब गुप्‍स खोदेंशो बाक्‍नीनी। यसैया १:५; मत्ती ५:१२; मत्ती २२:६; मत्ती २३:३७; मर्कूस १२:५

येरमीया 22:17

तन्‍न इ मिक्‍च नु इ थुंम ठीक पा मचेम्‍शो क्‍येट ला बाक्‍ब। गे दोस मताइब आन हुश शाइक्‍पाइक्‍नेवे। गे मुर आन कली दिप्‍शा हुश ख्राक्‍श पोक्‍नेवे। मरिम्‍शो पचा नु रोइक्‍चा ला दाक्‍नेवे।

येरमीया 22:19

मेको कली गधा का थिम्‍शो खोदेंशो पा, कीशा लाइश्‍शा यरूसलेम ङा ठेयब लाप्‍चो आ ङोंइती ग्रुंइशा ताइक्‍नीम” देंत। येरमीया ३६:३०

येरमीया 26:15

तन्‍न गे एको तुइक्‍तीन। गेपुकीम आं कली साइक्‍तीनी हना, आंम इन तारी, एको सहर तारी नु एकेर बाक्‍ब आन तारी दोस मताइब मुर का आ हुश शाइक्‍पाइश्‍शो दोस चाक्‍नीनी। मारदे हना परमप्रभु यावेम इन कली एको लोव़ नेल्‍ल नेंपाइक्‍चा कली आं कली सोइश्‍शो बाक्‍त” देंत। प्रस्‍थान २३:७; मत्ती २७:४,२५

येरमीया 36:30

मोपतीके परमप्रभु यावेमी यहूदा ङा पिप येहो-याकीम आ पर्बम “मुल रे दाऊद आ नित्‍तीकेम मेको आ चच युइ तेकोइ मनित्‍नीम। मेको पिप आ बेक्‍शो रां नाक्‍त नांम नु नाक्‍दो फुरशेम जिप्‍पाइक्‍चा ङा पा तांइसीब। येरमीया २२:३०; येरमीया २२:१९

इजीकीएल 19:6

मिनु मेको गुप्‍स आन दातेम एर ओंथ पचा गोप्‍तु। मारदे हना मेको ठेयब नु बोल्‍यो ठिटा गुप्‍स दुम्‍शो बाक्‍त। मिनु मेकोम सिखार पचा शेंसाक्‍व। मिनु मुर आन कली ब्‍वाप्‍तु।

मत्ती 14:10

मिनु आ सिपाही आन कली जेल्‍खानमी सोइश्‍शा, यूहन्‍ना कली क्‍योरपा,

१ थिस्‍सलोनिकी 2:15

यहूदीया ङा मुरपुकीमी प्रभु येसु कली नु परमप्रभु यावे आ लोव़ पाइब आन कली साइश्‍शा, आंइ कली खेरतेक्‍म। मेकोपुकीमी मोपा परमप्रभु यावे कली मग्‍येरपदेम, मुर नेल्‍ल आन कली श्‍येत गेम्‍तेक्‍म। प्रेरित २:२३; मत्ती २३:३७; प्रेरित ७:५२

हिब्रू 11:37

फुल्‍लु आप्‍शा साइक्‍चा पुंइसमा बाक्‍त, आरामी रिक्‍शा साइक्‍चा पुंइसमा बाक्‍त, तरवारम क्‍योरशा साइक्‍चा पुंइसमा बाक्‍त। २इतिहास २४:२१

प्रकाश 11:7

मिनु मेको निक्‍शीमी परमप्रभु यावे आ लोव़ थुम्‍से नोले, मेको पुं मपाइश्‍शो ढोडोङगा रे ठेयब जन्‍तु कुशा, मेको निक्‍शी नु राम्‍शी पा ग्रात। ग्राशा ङा मिन मेको आस कली साइक्‍तु। प्रकाश १३:३; प्रकाश १३:७