येरमीया 26:21 - Sunuwar Bible

²¹ मिनु पिप येहो-याकीम नु मेको आ ठेयब मुरपुकी, आ कप्‍तान नेल्‍लेम उरीयाह आ पशो लोव़ नेंतेक्‍म। मिनु पिपम मेको कली साइक्‍चा माल्‍तु। तन्‍न मेको लोव़ नेंशा उरीयाह हिंत। मिनु प्रोक्‍शा इजीप्‍त रागी लत।

येरमीया 26:21 ပူးပေါင်းရင်းမြစ်များ

१ राजा 18:10

परमप्रभु यावे, इन परमप्रभु गेना हना यो ब्रोंइशा बाक्‍शो खोदेंशो पा, आं होव़पम इन कली रागी रागी नु राज्‍य नेल्‍लेम माल्‍थ सोइक्‍ताक्‍व। तेकोइ रागी नु राज्‍य मलीशो बाक्‍ब। मिनु मेकोपुकीमी ‘एलीया एक मबाक्‍ब। गो थमा पा मेको कली थिन्‍ने मचाप्‍का’ देंमानु, मेको कसम जचा माल्‍तेक्‍म।

२ इतिहास 16:10

मिनु परमप्रभु यावे आ लोव़ पाइबम मोदेंशो लोव़ पा, आसा कली शुश गाइक्‍पदा बाक्‍त। मिनु मेको कली फ्रेंशा चोक्‍शा वोइक्‍पदा बाक्‍त। मेना पिप आसामी का निक्‍शी अरु मुर आन कली यो काइ मरिम्‍शो पवा बाक्‍त। २इतिहास १८:२६; मत्ती १४:३

२ इतिहास 24:21

तन्‍न मेकोपुकीम जकरिया आ पर्बम गारशा, पिप आ हुकुम पतीकेमी जकरिया कली परमप्रभु यावे आ खिं ङा लाङगाम फुल्‍लु आप्‍शा सदमे बाक्‍त।

भजन संग्रह 119:109

गो गेना हना यो बेक्‍चा चिक्‍शा बाक्‍ती। मो हना यो गो इन अरेशो लोव़ मप्रेंनुङ।

हितोपदेस 29:25

मुर क्‍येङा हिंचा ब्‍वारद खोदेंशो बाक्‍ब। तन्‍न परमप्रभु यावे कली थमा सुइक्‍चा ब्रोंइतीक बाक्‍ब। मत्ती १०:२८

येरमीया 26:10

मिनु यहूदा ङा सरकार आ गेय पाइब मुरपुकीम मेको लोव़ नेंशा, मेकोपुकी पिप आ खिं रे परमप्रभु यावे आ खिंम जाक्‍तेक्‍म। मिनु परमप्रभु यावे आ खिं ङा नक लाप्‍चो आ ङोंइती बाक्‍तेक्‍म।

येरमीया 36:26

मेको आ पा ङा पिपमी आ तौ येराहमेल, अज्रीएल आ तौ सेरायाह नु अब्‍देल आ तौ शेलेम्‍याह आन कली मेको ब्रेक्‍ब बारुक नु परमप्रभु यावे आ लोव़ पाइब येरमीया कली फ्रेंशा चाक्‍चा नस, दे हुकुम गेम्‍तीमी। तन्‍न परमप्रभु यावेम मेको आस कली ख्रुइक्‍ने थुम्‍शो बाक्‍त।

येरमीया 38:4

मिनु ठेयब मुरपुकीम पिप कली “एको मुर कली साइक्‍चा माल्‍ब। मारदे हना एकोमी ओदेंशो लोव़ पा, एको सहरमी लीशो लडाइ पाइब नु मुर नेल्‍ल आन थुं लुक्‍च लपाइश्‍शो बाक्‍ब। एको मुरुम मुर आन कली रिम्‍शो ममाइ मरिम्‍शो प‍चा दाक्‍ब” देंतेक्‍म।

मत्ती 10:23

सहर कामी खेदा पाम्‍तेक्‍म हना, प्रोक्‍शा अर्को सहरमी जाक्‍दीश्‍शा बाक्‍कीन। नोफा दाइश्‍शा नेनीने, रागीम जरमेशो मजाक्‍म सम्‍म इस्राएल ङा सहर नेल्‍ल हिरशा मग्रुम्‍नीनी। प्रेरित ८:१; मत्ती १६:२८

मत्ती 10:28

इन रां कली साइक्‍ने चाप्‍ब। तन्‍न इन सोक्‍ती कली साइक्‍ने मचाप्‍बपुकी आन कली तशा महिनीन। रां नु सोक्‍त निम्‍फा नरकमी खतम पने चाप्‍ब कली तशा चहिं हिनीन। हिब्रू १०:३१; याकूब ४:१२

मत्ती 10:39

आंम कली प्रोंइचा दाक्‍ब जाम्‍शा लाइब। आं पर्बम जाम्‍शा लाइब चहिं ब्रोंइचा ताइब। लूका ९:२४; यूहन्‍ना १३:२०; गलाती ४:१४

मत्ती 14:5

मो देंतीके यूहन्‍ना कली साइक्‍चा माल्‍शो बाक्‍माक्‍त। तन्‍न मुर आन कली तशा हिंमाक्‍त। मारदे हना मुरपुकीमी यूहन्‍ना परमप्रभु यावे आ लोव़ पाइब बाक्‍ब, दे थमा सुइश्‍शो बाक्‍मा बाक्‍त। मत्ती २१:२६

मर्कूस 6:19

मोदेंशो आ पर्बम हेरोद आ मीशेमी चुरशा, यूहन्‍ना कली साइक्‍पाइक्‍चा माल्‍शो बाक्‍माक्‍त।