येरमीया 26:2 - Sunuwar Bible

² परमप्रभु यावेमी मार देंत, देंशा हना “आं खिं ङा लाङगाम रपो। मिनु आं कली ठेयब सेल्‍चा कली जाक्‍ब यहूदा सहर ङा मुर नेल्‍ल आन कली गो इ कली देंशो लोव़ नेल्‍ल मेको आन कली देनो। लोव़ का यो मफेवो।

येरमीया 26:2 ပူးပေါင်းရင်းမြစ်များ

येरमीया 1:17

गे चहिं बोक्‍शा, ठीक दुमो। मिनु गो इ कली मार, मार, अरेङा, मेको आन कली माइक्‍मी। गे मेको आन क्‍येङा महिनो। मो पाप्‍तीवी हना, गो इ कली मेको आन ङोंइती हिंपाइक्‍नन।

येरमीया 1:7

तन्‍न परमप्रभु यावेमी आं कली “गो आल बाक्‍नुङ मदेनो। गो इ कली सु सु आन बाक्‍तीक सोइक्‍नना, मेकेर लचान माल्‍नेवे। मिनु गो इ कली मार अरेङा, मेको देंचा माल्‍नेवे।

येरमीया 19:14

मिनु परमप्रभु यावेमी येरमीया कली लोव़ पथ, तोफेथ सोइक्‍ताक्‍व। मिनु येरमीया मेकेर रे जाक्‍शा, परमप्रभु यावे आ खिं ङा लाङगाम बाक्‍शा, मुर नेल्‍ल आन कली

येरमीया 23:28

सुइ आं लोव़ पाइबम ङोमु ताप्‍तु हना, आ ङोमु शोव़ङल। तन्‍न सुइ नु आं लोव़ बाक्‍त हना, मेकोमी थमा पा आं लोव़ शेंदल। पराल नु चेरब मगारनीस” देंत।

येरमीया 25:2

मिनु परमप्रभु यावे आ लोव़ पाइब येरमीयामी यहूदा ङा मुर नेल्‍ल नु यरूसलेममी बाक्‍ब मुर नेल्‍ल आन कली मेको लोव़ पाप्‍तु।

येरमीया 28:5

मिनु नोले परमप्रभु यावे आ लोव़ पाइब येरमीयाम परमप्रभु यावे आ खिंम राप्‍शा बाक्‍शो चढ़ेब नु मुर नेल्‍ल आन ङोंइती मेको परमप्रभु यावे आ लोव़ पाइब हनान्‍याह कली

येरमीया 36:10

मिनु बारुकमी येरमीया आ ब्रेक्‍पाइश्‍शो लोव़ परमप्रभु यावे आ खिंम मुर नेल्‍लेमी नेंचा ङा पा पढेप्‍तु। मेकोमी मेको लोव़ ब्रेक्‍ब शाफान आ तौ गेमारयाह आ बाक्‍तीके परमप्रभु यावे आ खिं ङा नक लाप्‍चो आ नेक्‍था ङा कोठाम बाक्‍शा, पढेप्‍तु। २राजा २२:३

येरमीया 42:4

मिनु परमप्रभु यावे आ लोव़ पाइब येरमीयामी मेको आन कली “दुम्‍ब। गो इन पर्बम इन देंशो खोदेंशो पा परमप्रभु यावे इन परमप्रभु कली पुंइनुङ। मिनु परमप्रभु यावेम मार देंमे, मेको नेल्‍ल इन कली शेंनुङ। गो इन ङोंइती मारेइ लोव़ मख्रुइक्‍नुङ” देंत।

येरमीया 7:2

“गे आं खिं ङा लाप्‍चोम राप्‍शा ‘गे यहूदा ङा मुर नेल्‍ल परमप्रभु यावे आ लोव़ नेनीन। गे परमप्रभु यावे कली ठेयब सेल्‍चा कली एक जाक्‍ब यहूदा ङा मुर परमप्रभु यावे आ लोव़ नेनीन’ देनो” देंत।

येरमीया 7:27

मिनु गे मेको आन कली एको लोव़ नेल्‍ल देंचा माल्‍नेवे। तन्‍न मेकोपुकीमी इ लोव़ मनेंनीम। गे मेको आन कली ब्रेत्‍तीनु, यो मेकोपुकीमी इ लोव़ मलेत्‍नीम।

इजीकीएल 3:10

मिनु मेकोम आं कली “ए मुर, गो इ कली देंशो लोव़ नेल्‍ल इ थुंम वोतो। मिनु नेनो।

इजीकीएल 33:7

ए मुर, गो इ कली इस्राएल आ खिं ङा मुर आन कली खाल पाइब सेल्‍तान। मोपतीके गेना इ कली लोव़ पङा, मेना गे मेको आन कली मेको आं लोव़ नेंशा, होस पा बाक्‍कीन’ देंचा माल्‍नेवे। हिब्रू १३:१७

इजीकीएल 40:4

मिनु मेकोम आं कली “ए मुर, कोव़ङो। मिनु नोफा दाइश्‍शा नेनो। गो इ कली मार मार कोंइक्‍नुङा, मेको रिम्‍शो पा कोव़शा, इ थुंम वोतो। मारदे हना गे मो पचा कली एक चाक्‍शो बाक्‍ते। मिनु गे मार ताइक्‍नेवे, मेको नेल्‍ल इस्राएल आ खिं ङा मुर आन कली शेंदीमी” देंत।

मत्ती 28:20

मिनु गोमी इन कली मार मार शेंदन्‍नी, मेको नेल्‍ल मेको आन कली शेंशा पपतीने। नेनीने, रागी मनुप्‍ची सम्‍म गो गेनायो गेपुक नु बाक्‍नुङ” देंत। मत्ती १६:२०

लूका 19:47

मिनु येसुमी परमप्रभु यावे आ खिंमी बाक्‍शा, नाक्‍त किंत किंत मुर आन कली शेंदीमी बाक्‍त। ठेयब चढ़ेब, सास्‍त्री नु ठेयब मुरपुकीमी येसु कली साइक्‍चा माल्‍मे बाक्‍त।

यूहन्‍ना 18:20

मिनु येसुमी “गो मुर नेल्‍ल आन कली लोव़ पाता। ग्रुम्‍तीक खिंमी नु परमप्रभु यावे आ खिंमी शुश यहूदी ग्रुम्‍तीकेमी शेंताक्‍ङमी। ख्रुइश्‍शा मारेइ लोव़ मपङ। यूहन्‍ना ७:१४,२६

यूहन्‍ना 8:2

आ दीसा सुनी कना यिशा, परमप्रभु यावे आ खिं लत। मिनु मुर नेल्‍ल येसु आ नेक्‍था जाक्‍तेक्‍म। मिनु येसुमी निश्‍शा, मुर आन कली शेंताक्‍मी।

प्रेरित 20:20

मो पाम्‍तेक्‍म हना यो, गो इन खिं खिं हिरशा, इन कली ग्रुम्‍शा, का का पा शेंशा, इन कली रिम्‍शो दुम्‍ल, दे तुइक्‍पाइक्‍तन्‍नी। खिं खिं हिरशा ला ममाइ। गाउं सहरमी यो हिरशा, मुर आन बुक्‍तीकेमी जाक्‍दीश्‍शा, शेंना शेंन गाक्‍ती।

प्रेरित 20:27

मारदे हना परमप्रभु यावेमी शेंपाइश्‍शो लोव़ का यो मख्रुइक्‍थु नेल्‍ल शेंताक्‍न्‍‍नी।

प्रेरित 5:25

मिनु मुर का जाक्‍शा “सिनाक्‍त गेपुकीमी जेल्‍खानमी चोक्‍पाइश्‍शो मुरपुकीमी परमप्रभु यावे आ खिंमी मुर आन कली शेंना शेंन बाक्‍नीम” देंमाक्‍त।

प्रेरित 5:42

मिनु नाक्‍त किंत किंत परमप्रभु यावे आ खिंमी, आंम आन खिं खिंमी खुम्‍सीशा “येसु परमप्रभु यावे आ सोइश्‍शो ख्रीस्‍त बाक्‍ब” दे शेंना शेंन बाक्‍बाक्‍मा बाक्‍त।

ब्‍यवस्‍था 12:32

गो इन कली दोशो अरेङा, मेको नेल्‍ल होस पा पने। गेपुकीमी मारेइ मतेम्‍दीन, मारेइ मशोलीने” देंत।

ब्‍यवस्‍था 12:5

परमप्रभु यावे, इन परमप्रभुमी इन थर थर आन बाक्‍तीक रागीमी ते बाक्‍चा दाक्‍बा, मेको माल्‍शा मेकेर लचा माल्‍नीनी।

ब्‍यवस्‍था 4:2

मिनु गो इन कली परमप्रभु यावे, इन परमप्रभु आ लोव़ शेंशा ‘परमप्रभु आ शेंशो पचा माल्‍ब’ दे अरेनुङ। गेपुकीमी आं शेंशो लोव़ कली का यो मतेम्‍दीन। का यो मशोलीने। ब्‍यवस्‍था १३:१; हितोपदेस ३०:६; प्रकाश २२:१८-१९

यहोसु 8:35

मोसामी मार मार लोव़ अरेशा, ब्रेक्‍शो बाक्‍मे, मेको नेल्‍ल यहोसुमी इस्राएली नेल्‍ल कली पढेशा नेंपाइक्‍तु। मेक बाक्‍शो वोंइश मुर, मीश मुर, आलपुकी नु मेकोपुकी नु बाक्‍ब अर्को रागी ङा मुर आन ङोंइती नेल्‍ल पढेशा नेंपाइक्‍तु।

प्रकाश 22:19

सु सुमी परमप्रभु यावेमी तुइक्‍पाइश्‍शो एको किताबम ब्रेक्‍शो लोव़ ख्रोइक्‍नीमी, मेको यो सजाइ ताइनीम। मार सजाइ ताइनीम देंशा हना, परमप्रभु यावेमी मोदेंशो मुर आन कली ब्रोंइचा गेब रवा आ फल ब्‍वचा मगेब। मिनु मेको मुरपुकी परमप्रभु यावे आ योव़शो यरूसलेम सहरम ओव़चा यो मताइनीम।