येरमीया 26:19 - Sunuwar Bible

¹⁹ मिनु मेकोपुकीमी “मार, यहूदा ङा पिप हिज्‍कीयाह नु यहूदा ङा अरु सुइ मुरुम मेको कली सदमे ङा? मिनु मार, परमप्रभु यावे क्‍येङा हिंशा हिज्‍कीयाहम मेको आ शिशी ममला ङा? मिनु परमप्रभु यावेम मेको आन तार चाक्‍चशो खतम पोक्‍तीक रे आ थुं मलेत्‍ता ङा? तन्‍न गोपुकीम आंम इं तार ठेयब खतम दुम्‍तीक चाक्‍चा चिक्‍शो बाक्‍तय” देंतेक्‍म। येरमीया १८:८

येरमीया 26:19 ပူးပေါင်းရင်းမြစ်များ

२ सामुएल 24:16

मिनु परमप्रभु यावे आ स्‍वर्ग ङा गेय पाइ‍बमी यरूसलेम खतम पोक्‍चा कली आ गुइ मेक गे दिंदा बाक्‍त। मिनु परमप्रभु यावेमी मुर आन कली खतम सेल्‍ब आ स्‍वर्ग ङा गेय पाइब कली तेक्‍शा “मोक्‍ल, मुल दुम्‍त” देंमाक्‍त। मेना मेको परमप्रभु यावे आ स्‍वर्ग ङा गेय पाइ‍ब यबुसी अरौनाह आ खलाम राप्‍शो बाक्‍माक्‍त। उत्‍पत्ती १९:१३; प्रस्‍थान १२:२३; यसैया ५४:१६

२ इतिहास 32:20

मेना पिप हिज्‍कीयाह नु आमोज आ तौ परमप्रभु यावे आ लोव़ पाइब यसैयाम परमप्रभु कली ठेयब सेंदा पा पुन्‍से बाक्‍त।

२ इतिहास 34:21

“गो नु इस्राएल नु यहूदाम लीशो मुर आन पर्बम परमप्रभु यावे कली हिल्‍लो पने। मेको थिश्‍शो किताबम ब्रेक्‍शो लोव़ गो नु आंइ किकी पिपीम मटितीके परमप्रभु यावे गोपुकी नु शुश गाइश्‍शो बाक्‍माक्‍त। मेको ब्रेक्‍शो लोव़ गो मपक” देंमाक्‍त।

प्रस्‍थान 32:14

मिनु परमप्रभु यावेमी आ थुं लेश्‍शा, आ मुर आन कली मसाइक्‍मी। भजन संग्रह ८५:-

यसैया 26:21

मारदे हना परमप्रभु यावे आ बाक्‍तीके रे जाक्‍ब। मिनु रागीम बाक्‍ब मरिम्‍शो पाइब आन कली सजाइ गेब। मिनु रागी तार देम्‍शो हुश नु साइश्‍शो मुर नेल्‍ल मख्रुइक्‍थु कोंइब” दे कुम्‍सो पाइनीम। उत्‍पत्ती ४:१०-११; प्रकाश १८:२४

यसैया 37:1

मिनु पिप हिज्‍कीयाहमी मेको लोव़ नेंशा, आ वा खाक्‍शा, अरन्‍डी फेक्‍शा परमप्रभु यावे आ खिं लत।

यसैया 37:4

इन परमप्रभु यावे, इन परमप्रभुमी राब्‍शाके आ लोव़ नेंना माइ। अस्‍सुर ङा पिपमी मेको कली गेना हना यो ब्रोंइशा बाक्‍ब परमप्रभु कली शुक्‍शी पथ सोइक्‍ताक्‍व। मेको आ लोव़ नेंशा, परमप्रभु यावे, इन परमप्रभुमी मेको कली सजाइ गेबा कों? मोपतीके लीशो मुर आन पर्बम पुनीन’ देंत” दे मेकोपुकीमी देंतेक्‍म।

येरमीया 26:15

तन्‍न गे एको तुइक्‍तीन। गेपुकीम आं कली साइक्‍तीनी हना, आंम इन तारी, एको सहर तारी नु एकेर बाक्‍ब आन तारी दोस मताइब मुर का आ हुश शाइक्‍पाइश्‍शो दोस चाक्‍नीनी। मारदे हना परमप्रभु यावेम इन कली एको लोव़ नेल्‍ल नेंपाइक्‍चा कली आं कली सोइश्‍शो बाक्‍त” देंत। प्रस्‍थान २३:७; मत्ती २७:४,२५

येरमीया 26:3

मिनु मेको नेंशा, मेको नेल्‍ल आन मरिम्‍शो लां रे लेत्‍नीमी, कों? मिनु मेको आन मरिम्‍शो पशो आ पर्बम मेको आन कली ठेयब श्‍येत चाक्‍तीक रे आं थुं फाइक्‍नुङा, कों? गो मेको आन तार चाक्‍चशो खतम दुम्‍तीक मचाक्‍नुङा, कों? येरमीया १८:८; येरमीया ३६:३

येरमीया 44:7

मिनु मुल मुर नेल्‍ल आन परमप्रभु यावे, इस्राएली आन परमप्रभुमी “मारदे गेपुकीम आंम इन कली मोदेंशो श्‍येत गेनीनी? यहूदा आ दाते रे मीश मुर, वोंइश मुर, आल नु दूध तूब आल नेल्‍ल आन कली तिल्‍पाइश्‍शा, सुइ इन कली मलीपाइक्‍नी। येरमीया ४२:२२

आमोस 7:3

मिनु परमप्रभु यावेमी “मेको मोदेंशो मदुम्‍ब” देंत।

हबकुक 2:10

गेम शुश जात जात ङा मुर साइक्‍तीके, इ खिं ङा मुर आन कली मुने तोक्‍शा, साइक्‍चा पुंइसीनेवे।

जकरिया 7:2

मार लोव़ पाप्‍तु देंशा हना “बेथेल ङा मुरपुकीमी शरेसेर, रेगेम-मेलेक नु मेकेर ङा मुर आन कली परमप्रभु यावे आ शिशी पुंइचा कली सोइश्‍शो बाक्‍तेक्‍म।

गन्‍ती 16:38

मारदे हना मेको पाप पाइबपुकी बेक्‍तीके आन थनौरोपुकी ग्रांग्रा मदिशो बाक्‍नीम। मेको थनौरो तुप्‍शा, चढ़ेतीके गिल्‍तीक पाता सेल्‍चा माल्‍ब। मारदे हना मेको मुर आन थनौरो परमप्रभु यावे आ ङोंइती चढ़ेतीके ग्रांग्रा मदिशो दुम्‍तेक्‍म। मिनु मेको इस्राएली आन कली मिम्‍तीक चिन्‍ड दुम्‍चा माल्‍नीम” देंत।

मत्ती 23:35

मेको मोपा खेदा पा साइश्‍शो पाप नेल्‍ल इन कली राइब। साइ नेसी रिम्‍शो पाइब हाबील साइश्‍शो रे बेरेक्‍याह आ तौ जकरिया साइश्‍शो सम्‍म ङा आन हुशेमी लां मताइनीनी। जकरिया कली परमप्रभु यावे आ खिंमी चढ़ेतीके आ ङोंइती साइश्‍शो बाक्‍मा बाक्‍त। उत्‍पत्ती ४:८; २इतिहास २४:२०-२१

प्रेरित 5:39

परमप्रभु यावे आ पशो बाक्‍त हना चहिं, गेपुकीमी तेक्‍शा यो मतेक्‍सीब। मेको ला ममाइ। गेपुकी परमप्रभु यावे कली मरिम्‍शो पाइब दुम्‍नीनी” दे माइक्‍मी बाक्‍त।

प्रकाश 16:6

रागी ङा मुरपुकीमी इन योव़शो मुर नु इन लोव़ पाइब आन कली क्‍योरशा, आन हुश शाइक्‍पाइश्‍शा साइक्‍तेक्‍म। मिनु गे मेको रागी ङा मुर आन कली हुश तूपाइक्‍तीनी। मार पामे, मेको ताम्‍तेक्‍म” देंशो नेंता।