येरमीया 26:16 - Sunuwar Bible

¹⁶ मिनु सरकार आ गेय पाइब मुर नु अरु मुर नेल्‍लेम, चढ़ेबपुकी नु परमप्रभु यावे आ लोव़ पाइब आन कली “एको मुर साइक्‍चा पुंइसीचा ङा मुर ममाइ। एको मुरुम इं कली परमप्रभु यावे, इं परमप्रभु आ नेंम एको लोव़ नेंपाइक्‍तु” देंतेक्‍म।

येरमीया 26:16 ပူးပေါင်းရင်းမြစ်များ

एस्‍तर 4:14

मो देंशो दुम्‍मेनु, गे सिक्‍सी पा बाक्‍तीनी हना, यहूदी आन कली वारच पा प्रोंइचा कली अर्को मुर रे यो जाक्‍ब। तन्‍न गे नु इं आफ आ खिं ङा मुरपुकी चहिं खतम दुम्‍चा माल्‍नीम। गे यहूदी आन कली प्रोंइचा कली पिपीम दुम्‍शो बाक्‍नेवे, कों?” दे एस्‍तर कली माइक्‍चा, दे हथाक कली सोइक्‍ताक्‍व। उत्‍पत्ती ४५:७

भजन संग्रह 94:16

परमप्रभु आ अरेशो लोव़ मटीब आन पर्बम सु पोन बोक्‍बा? मरिम्‍शो पाइब आन पर्बम सु पोन बोक्‍बा? भजन संग्रह ११५:१७

हितोपदेस 16:7

परमप्रभु यावेमी मुर आन पशो तशा ग्‍येरसाक्‍व हना, मेको कली आ जोरी सत्रु नु यो गारपाइश्‍शा वोइक्‍ब। उत्‍पत्ती ३१:२४; उत्‍पत्ती ३३:४

येरमीया 26:11

मिनु चढ़ेबपुकी नु परमप्रभु यावे आ लोव़ पाइबपुकीम, सरकार आ गेय पाइब मुरपुकी नु मुर नेल्‍ल आन कली “एको मुर कली साइक्‍चान माल्‍ब। मारदे हना एकोमी एको सहर आ पर्बम मरिम्‍शो पा परमप्रभु यावे आ लोव़ पाप्‍तु। मेको गेपुकीम आंमा यो नेंतीनी” देंतेक्‍म। प्रेरित ६:१३

येरमीया 34:10

मिनु मेको लोव़ टीब ठेयब मुर नु कबल टीब मुर नेल्‍लेमी आंम आन वाइलीम वाइल आन कली प्रोंइचा नु लेंशा अर्को वाइलीम वाइल मवोइक्‍चा नम, देंशो बिस्‍साक्‍म। मिनु मेकोपुकी गारशा, मेको आन कली प्रोंइतेक्‍म।

येरमीया 36:19

मिनु मेको ठेयब मुरपुकीम बारुक कली “गे नु येरमीया निम्‍फा लशा, ख्रुंइसीस। गे निक्‍शी ते बाक्‍सी, दे सुइम मतुइक्‍तमेक्‍ल” दे माइक्‍तेक्‍म। येरमीया २५:८-११; येरमीया ७:२०; येरमीया ९:९-१०

येरमीया 36:25

एल्‍नाथान, देलायाह नु गेमारयाहम पिप कली “मेको कागज मचोने” दे पुन्‍मेनु यो, पिपमी मेको आन लोव़ मनेन।

येरमीया 37:15

मिनु मेकोपुकी येरमीया तशा गाइक्‍ताक्‍म। मिनु मेको कली तुप्‍शा, ब्रेक्‍ब योनाथन आ खिंम चोक्‍शा वोइक्‍तेक्‍म। मारदे हना मेको खिं जेल्‍खान सेल्‍शो बाक्‍तेक्‍म। येरमीया २०:२

मत्ती 27:54

येसु कली खाल पाइब कप्‍तान नु सिपाहीपुकीमी ख्रिनु कुशा नु मोपा हिंचा ङा गेय दुम्‍शो तशा, शुश हिंशा “एको परमप्रभु यावे आ तौ बाक्‍माक्‍त” देंमुमा बाक्‍त।

लूका 23:41

गो सजाइ जचा माल्‍शो नस। मारदे हना खुइ पाइतस। एको मुरुमी चहिं मारेइ मरिम्‍शो मपावो” दे हुइक्‍ता बाक्‍त।

लूका 23:47

मेकेर बाक्‍ब कप्‍तानमी मो दुम्‍शो तशा “थमा पा, एको मुरुमी मरिम्‍शो गेय मपशो बाक्‍माक्‍त” देंशा, परमप्रभु यावे कली ठेयब सेला बाक्‍त।

प्रेरित 23:29

हिल्‍लो हिक्‍सी पामेनु, यहूदी आन अरेतीक लोव़ आ पर्बम दोस गेमे बाक्‍त। जेल्‍खानमी चोक्‍चा, साइक्‍चा पुंइसीचा ङा गेय मारेइ मपशो बाक्‍त, दे रुप्‍ता।

प्रेरित 23:9

मोपतीके आन जिचा बारना बारन लशा, शुश रेयके पामे बाक्‍त। मिनु फरिसी ङा शेंब का निक्‍शीमी बोक्‍शा “एको मुर के मारेइ दोस मबाक्‍ब, दे मिम्‍नीकी। मुर आ मिक्‍चीम मतांइसीब का नु लोव़ पवा कों? परमप्रभु यावे आ स्‍वर्ग ङा गेय पाइब नु लोव़ पवा कों? मोदेंशो यो दुम्‍ने चाप्‍ब” देंमा बाक्‍त। प्रेरित २५:२५

प्रेरित 25:25

गो चहिं मो देंशो साइक्‍चा पुंइसीब मुर मतङ। मिनु एकोमी यो रोमी पिप सिजर अगस्‍टस कली आं मुददा कोव़चा गेने, दे पुंइतु। मिनु सिजर आ बाक्‍तीके सोइक्‍तु देंती।