येरमीया 25:5 - Sunuwar Bible

⁵ मेकोमी “गे नेल्‍ल इन मरिम्‍शो पशो नु परमप्रभु यावे आ अरेशो मटितीके रे लेतीन। मिनु परमप्रभु यावेम इन कली नु इन किकी पिपी आन कली गेना हना यो कली गेशो रागीम बाक्‍चा ताइनीनी। येरमीया ७:३

येरमीया 25:5 ပူးပေါင်းရင်းမြစ်များ

उत्पत्ती 17:8

मुल गे इ बाक्‍तीक रागीमी अर्को रागी ङा मुर बाक्‍नेवे। नोले गो एको कनान रागी गेना हना यो इन कली नु इ चच युइ आन कली गेनन्‍नी। गो चहिं मेको आन परमप्रभु दुम्‍नुङ” दे अब्राहाम कली देंमाक्‍त। उत्‍पत्ती ३५:२७; हिब्रू ११:९-१०; प्रेरित ७:५

भजन संग्रह 139:24

गो आं थुंम इन अरेशो मटितीके बाक्‍म कों? कोव़ङीन। मिनु गे आं कली गेना हना यो ब्रोंइशा बाक्‍तीक लांम खुल्‍यीनी।

भजन संग्रह 37:27

मरिम्‍शो पतीके रे ङोन बाक्‍कीन। रिम्‍शो पने। मिनु गे गेना हना यो ब्रोंइचा ताइनीनी।

यसैया 1:16

गेपुकी चिक्‍सीन। ग्रांग्रा मदिशो दुमीन। मिनु आं ङोंइती इन नाक्‍ती किंत किंत ङा मरिम्‍शो पतीके प्रोनीन।

येरमीया 17:25

दाऊद आ नित्‍तीकेम निप्‍ब पिप, आन गेय पाइब मुरपुकी एको सहर ङा ठेयब लाप्‍चो रे शाराम कीशो बग्‍गीम ङोइश्‍शा ओव़नीम। यहूदा ङा मुर नु यरूसलेममी बाक्‍ब जाक्‍नीम। मिनु एको सहरमी गेना हना यो मुर शुश बाक्‍नीम। येरमीया २२:४

येरमीया 18:11

मोपतीके गे यहूदा ङा मुर आन कली नु यरूसलेममी बाक्‍ब मुर आन कली परमप्रभु यावेम इन कली मार देंत देंशा हना ‘नेनीन, गो इन कली मरिम्‍शो पाइ‍नुङ। गो इन कली श्‍येत गे‍नुङ। मोपतीके गे इन मरिम्‍शो लां रे लेतीन। मिनु इन लां नु इन पतीके रिम्‍शो सेलीन’ देंनो। येरमीया ७:३

येरमीया 35:15

गो इन कली आं गेय नु आं लोव़ पाइब आन कली सोइक्‍ना सोइक्‍न बाक्‍ती। मेकोपुकीमी इन कली ‘गे नेल्‍ल इन मरिम्‍शो लां रे लेतीन। मिनु इन मरिम्‍शो गेय रिम्‍शो सेलीन। मिनु देवी देवता आन कली पूजा पचा नु आन नोले खोइक्‍चा प्रोनीन। मिनु गे इन किकी पिपी आन कली गेशो रागीम बाक्‍चा ताइनीनी’ देंती। तन्‍न गेपुकीम आं देंशो लोव़ मनेंनी नु मटिनी। मत्ती २३:३७

येरमीया 4:1

परमप्रभु यावेम “गे इस्राएलीपुकी, आं गे लेश्‍शा जाक्‍तीनी हना, गेपुकीम इन ग्रांग्रा दिशो थोव़क आं ङोंइती रे ताइक्‍ताक्‍नी हना, गेपुकी हेंथे मगाक्‍ब दुम्‍नीनी।

येरमीया 7:7

गो गेपुकी नु एक बाक्‍नुङ। साइ ङोंइती इन किकी पिपी आन कली गेशो रागीम गेना हना यो गेपुकी नु बाक्‍नुङ।

इजीकीएल 18:30

मोपतीके ए इस्राएल आ खिं ङा मुर, गो नेल्‍ल इन कली इन पशो कोव़शा निसाफ पाइनुङ। मिनु इन हेंथे पशो नेल्‍ल रे लेतीन। मो मपाइतीनी हना, इन मरिम्‍शो पशोम इन कली साइक्‍ब।

इजीकीएल 33:11

मोपतीके गे मेको आन कली परमप्रभु, परमप्रभु यावेमी “गो आ ब्रोंइशा बाक्‍शो खोदेंशो पा आं अरेशो लोव़ मटीब मुर बेक्‍मानु मग्‍येरसीनुङ। तन्‍न मेकोपुकीम आं अरेशो लोव़ टिशा ब्रोंइमल। गे इन मरिम्‍शो लां रे लेतीन। ए इस्राएल आ खिं ङा मुरपुकी, गे मारदे बेक्‍चा दाक्‍नीनी? ब्‍यवस्‍था ३२:४०; यसैया ५५:७; योएल २:१२-१३

होसे 1:7

मिनु गो यहूदा आ खिं कली शिशी कोंइनुङ। मिनु मेको आन कली जोरी सत्रु आन गुइ रे पा प्रोंइनुङ। लिब्रा, तरवार नु लडाइ पाइब शारा नु शारा ङोइक्‍बपुकी रे ममाइ, तन्‍न गो मेको आन कली आंमान प्रोंइनुङमी” दे परमप्रभु यावे, आन परमप्रभुमी देंत। लो-रूहामा आ अर्थ “मदाक्‍नुङ” देंशो बाक्‍ब।

प्रेरित 26:20

दमस्‍कसमी जाक्‍दीश्‍शा, लोव़ शेंचा गोव़ता। मिनु यरूसलेममी, यहूदीया रागी हिरशा गाक्‍ती। अर्को रागी ङा मुर आन रागी रागी हिरशा गाक्‍ती। मोपा गाक्‍ङानु, मुर आन कली ‘पाप पचा प्रोंइशा, इन थुं परमप्रभु यावे गे हिरदीने। मिनु परमप्रभु कली शिरशो गेय पा इन थुं थमा पा हिरशो बाक्‍त, दे कोंइदीने’ दे शेंना शेंन गाक्‍ती।