येरमीया 25:34 - Sunuwar Bible

³⁴ गे गोठलापुकी रोंका पने। मिनु वाइ ब्रेश्‍शा ङाक्‍कीन। गे मेको बगाल ङा लां कोंइबपुकी पुलुम दिङ दाङ गोलीन। मारदे हना इन कली क्‍योरशा साइक्‍तीक नाक्‍त जाक्‍शो बाक्‍ब। गेपुकी गोल्‍नीनी। मिनु शुश क्‍येट लाइब ग्‍योंब खोदेंशो पा प्रोल्‍चा पुंइसीनीनी। येरमीया २३:१

येरमीया 25:34 ပူးပေါင်းရင်းမြစ်များ

२ इतिहास 36:10

मिनु बर्खा जाक्‍चावानु, पिप नेबुकदनेसरम मुर सोइश्‍शा परमप्रभु यावे आ खिं ङा रिम्‍शो रिम्‍शो ग्‍योंबपुकी नु मेको पिप कली बेबीलोनम चाक्‍पदा बाक्‍त। मिनु मेकोमी मेको पिप आ खिं ङा मुर का सिदकीयाह कली यहूदा नु यरूसलेम ङा पिप सेला बाक्‍त। येरमीया २२:२४-३०

भजन संग्रह 2:9

गे मेको आन कली फलाम के कोक्‍केमी खप के सेल्‍शो ग्‍योंब प्रोल्‍शो खोदेंशो पा प्रोल्‍नेवे” दे लोव़ पाप्‍तु। प्रकाश २:२७; प्रकाश १२:५; प्रकाश १९:१५

यसैया 10:12

मिनु परमप्रभुमी सियोन डांडा नु यरूसलेमम पशो गेय थुमा नोले मेकोमी अस्‍सुर ङा ठेयब लेश्‍शो नु बोरशो पिप कली सजाइ गेब। यसैया ३७:३६

यसैया 2:16

टारसीस ङा जहाज नेल्‍ल, रिम्‍शो नु शुश क्‍येट लाइब सेल्‍शो थोव़कपुकी

यसैया 30:14

दोदेंशो पा मुरुमी खप के ग्‍योंब बोल्‍यो पा प्रोल्‍नीमी, मेको के चुप्‍लु रे मी कोइला गुप्‍चा नु कुवा रे ब्‍वाक्‍कु ताप्‍चा ङा टुक्रा का यो मलीबा, मोदेंशो पा प्रोल्‍चा पुंइसीनीनी” देंत।

यसैया 33:1

आबी, गे खतम पोक्‍ब, मुल सम्‍म गे खतम पोक्‍चा मपुंइसीशो बाक्‍नेवे। गे रोइक्‍ब बाक्‍नेवे। तन्‍न सुइमी मारेइ मरोइक्‍थु, गे खतम पोक्‍चा पुंइसीनेवे। मिनु इ रोइक्‍चा नुप्‍‍त हना, इ मारेइ मारेइ रोइक्‍चा पुंइसीनेवे। मत्ती ७:२

यसैया 34:6

परमप्रभु यावे आ तरवार हुशेम ग्रुम्‍शो बाक्‍ब। बोंसो लुम्‍सीशो बाक्‍ब। मेको क्‍यारश भेडा आन हुश नु बोका आन चिच ङा बोंसो लुम्‍सीशो बाक्‍ब। मारदे हना बोज्रामी परमप्रभु यावेमी ठेयब चढ़ेतीक गेय पाइब। एदोम रागीमी शुश मुर आन कली साइक्‍ब। यसैया ६३:१

यसैया 34:7

ब्‍वाकी ङा ब्‍यफ मुरपुक नु गोल्‍नीम। बाछापुकी बोल्‍यो सांढे ब्‍यफपुक नु गोल्‍नीम। मेको आन रागी हुशेम जारशो बाक्‍ब। मेकेर ङा खप बोंसोम ब्रीशो बाक्‍ब।

येरमीया 18:22

गेमी मेको आन कली आन मतुइक्‍थु साइक्‍ब चाक्‍नीनु, मेको आन खिं रे ङाक्‍शो ब्रेश्‍शो नेंसेक्‍ल। मारदे हना मेकोपुकीमी आं कली ग्‍याइक्‍चा कली खाल्‍टा दोशो बाक्‍तेक्‍म। मिनु आं खोइल फ्रिम्‍चा कली ख्रुइश्‍शा ब्‍वारद दाइश्‍शो बाक्‍तेक्‍म।

येरमीया 22:28

मार, एको कोन्‍याह माइश्‍शो मुर सुइम मदाक्‍शो ब्रोल्‍शो ग्‍योंब खोदेंशो बाक्‍बा ङा? मेको मोदेंशो ग्‍योंब कली सुइम ममाल्‍नीम। मोपतीके मेको नु मेको आ आल आन मतुइश्‍शो रागीम ताइक्‍चा पुंइसीनीमी?’ ” देंत। कोन्‍याह माइश्‍शो येहो-याकीम आ तौ कली येकोन्‍याह यो देंनीम। येरमीया २४:१

येरमीया 23:1

परमप्रभु यावेमी “आबी, गे आं भेडा आन कली एर ओंथ ब्रपाइक्‍ब गोठला” देंत। इजीकीएल १४:-; येरमीया १०:२१; जकरिया ११:५

येरमीया 25:12

तन्‍न ७० बर्स गाम नोले, गो बेबीलोन ङा पिप नु कल्‍दी आन रागी कली मेको आन मरिम्‍शो पशो ङा सजाइ गेनुङ। मेको आन रागी गेना हना यो मुर मबाक्‍तीके सेल्‍नुङमी” दे परमप्रभु यावेमी देंत।

येरमीया 25:23

देदान, तेमा, बूज नु आन चां एर ओंथ ख्रोइक्‍ब नेल्‍ल आन कली, येरमीया ९:२५

येरमीया 25:36

गोठला आन ङाक्‍शो नेनीन। बगाल आन कली लां कोंइब आन हिंमा क्‍येम्‍स पशो नेनीन। मारदे हना परमप्रभु यावेम मेको आन बस्‍तु योव़तीके क्‍याम्‍चा चिक्‍शो बाक्‍ब।

येरमीया 27:7

मेको आंम इन रागी आ रिम्‍शो दुम्‍ची मजाक्‍म सम्‍म रागी रागी नेल्‍ल ङा मुरपुकीम मेको आ तौ नु मेको आ चच आन गेय पचा माल्‍नीम। मेको नोले शुश रागी नु ठेयब पिपपुकीमी मेको कली आन वाइल सेल्‍नीम।

येरमीया 3:19

मिनु गो इन कली आंम आल आन दातेमी बाक्‍चा गेनुङ। गो इन कली रिम्‍शो रागी का गेनुङ। मेको रागी नेल्‍ल आन दाते ङा नेल्‍ल क्‍येङा दारशो रिम्‍शो रागी बाक्‍ब। मिनु गे आं कली ‘आं आफ’ देंनीनी। गे नोले मशोइक्‍ब दुम्‍नीनी, दे मिम्‍ताक्‍ङ। ब्‍यवस्‍था ७:६; ब्‍यवस्‍था ३२:६; ब्‍यवस्‍था ८:७; येरमीया ३:४

येरमीया 48:26

मिनु लेंशा “मेको कली दुक्‍पतीन। मारदे हना मेको ठेयब लेश्‍शो बाक्‍ब। मोआब आ मेशोमी दिङ दाङ गोल्‍ल। मिनु मेको शुक्‍शी पाइक्‍चा पुंइसीब दुम्‍ल। येरमीया २५:१५

येरमीया 48:38

मोआबी आन खिं तारी नु लां मेर रोंका पशो ङा लाक्‍शा अर्को मारेइ मनेंसीब। मारदे हना गो मोआब कली सुइम ममाल्‍चा ङा ग्‍योंब खोदेंशो पा प्रोल्‍ता” दे परमप्रभु यावेमी देंत।

येरमीया 50:27

मेको आ सांढे ब्‍यफ नेल्‍ल सतीन। मेको आन कली क्‍योरचा कली लतीन। आबी, आबी, मेको आन नाक्‍ती जाक्‍त। मेको आन कली सजाइ गेतीक नाक्‍ती जाक्‍त।

येरमीया 6:26

मिनु “आं श्‍येत जाइब मुरपुकी अरन्‍डी फेक्‍सीन। मिनु इन पिया तारी पुलु फुंइसीन। का ला बाक्‍शो आल बेक्‍शो आ पर्बम खोदेंशो पा रोंका पने। मारदे हना आंइ कली साइक्‍ब याम काम जाक्‍ब” देंत। येरमीया ४:८; आमोस ८:१०

बिलाप 4:21

एदोम आ तमी ग्‍येरसो। गे ऊज रागीम बाक्‍नेवे। तन्‍न गे यो मेको श्‍येत ङा कचौरा तूचा माल्‍नेवे। गे दुक्‍नेवे। मिनु शिश्रा सेल्‍सीनेवे। येरमीया ३:६४; भजन संग्रह १३७:७; येरमीया २५:१५,२१

इजीकीएल 34:20

मोपतीके परमप्रभु, परमप्रभु यावेमी मेको आन कली “गो आंमान दोम्‍शो नु ग्‍येंशो भेडा आन दातेम निसाफ पाइनुङ।

दानीएल 11:8

मेकोमी मेको आन देवी देवता आन मूर्तिपुकी नु सुन चांदी के बोसपुकी रोइश्‍शा, इजीप्‍त रागीमी लाइक्‍ब। मिनु मे नोले उत्तर ङा पिप नु बर्स का निक्‍शी सम्‍म लडाइ मपाइब।

होसे 8:8

इस्राएल खतम पोक्‍चा पुंइसाक्‍व। मुल मेकोपुकी रागी रागी ङा मुर आन दातेमी शोर गाक्‍‍शो मुर खोदेंशो दुम्‍शो बाक्‍नीम। येरमीया २२:२८

आमोस 5:11

मारदे हना गे प्रुङग आन कली दिम्‍‍नीनी। मेको आन कली गेन कि गेन, दे शुश अन्‍न थाप्‍पाइक्‍नीनी। गे ख्रोइश्‍शो फुल्‍लु के खिं सेल्‍तीनी। तन्‍न मेकेर बाक्‍चा मताइनीनी। रिम्‍शो अङगुर रू सेल्‍तीनी। तन्‍न अङगुर शांबु तूचा मताइनीनी। सेफन्‍याह १:१३

जकरिया 10:3

मिनु परमप्रभु यावेमी “गो गोठला आन कली तशा शुश गाइश्‍शो बाक्‍नुङ। मारदे हना मुर नेल्‍ल आन परमप्रभु यावेमी आ बगाल, यहूदा आ मुर आन कली कोव़ब। मेकोमी आ मुर आन कली लडाइ पा गेनायो मरूब शारा खोदेंशो सेल्‍ब। जकरिया ११:५

जकरिया 11:3

गोठला आन रोंका पशो नेनीन। मेको आन रिम्‍शो योव़तीके खतम दुम्‍शो बाक्‍ब। गुप्‍स आन ग्री‍शो नेनीन। यर्दन ङा ब्‍वाकी नेल्‍ल खतम दुम्‍शो बाक्‍ब।

याकूब 5:5

गेपुकी रागीमी दुक्‍चा, जचा, ब्‍वचामी शुश शोंप पाइश्‍शो दुम्‍शा, ग्‍येरशा बाक्‍तीनी। मिनु क्‍योरची नाक्‍त कली थुल्‍शा दोम्‍पाइश्‍शो खोदेंशो पा गेपुकी निसाफ पची नाक्‍ती ठेयब सजाइ ताइब दुम्‍नीनी। लूका १६:१९-२५