येरमीया 25:30 - Sunuwar Bible

³⁰ परमप्रभु यावेमी “मुल गे मेको नेल्‍ल आन पर्बम एको आं लोव़ पावो। मेको आन कली ‘परमप्रभु यावे इर आ बाक्‍तीक रे ब्‍वाक्‍ब। आ बाक्‍तीक रे आ सेंदा ग्रुंइब। मिनु आंम रागी आ पर्बम मेको ठेयब सेंदा पा ब्‍वाक्‍ब। रागीम बाक्‍ब नेल्‍ल आन पर्बम अङगुर ख्राक्‍‍ब खोदेंशो पा ग्रीब। होसे ११:१०; योएल ४:१६; आमोस १:२

येरमीया 25:30 ပူးပေါင်းရင်းမြစ်များ

२ सामुएल 15:25

मिनु पिपमी सादोक कली “परमप्रभु आ सन्‍दोस सहर लेश्‍शा लतीन। परमप्रभु यावेमी आं कली शिशी पाइक्‍ती हना, आं कली लेश्‍शा जाक्‍चा गेब। मिनु सन्‍दोस नु मेको वोइक्‍तीके लेंशा कोव़चा गेब।

१ राजा 9:3

मिनु परमप्रभु यावेमी मेको कली “गो इ आं ङोंइती पशो प्रार्थना नु इ पुंइशो लोव़ नेंता। गो एको इ सेल्‍शो खिं कली आं के सेल्‍ता। मिनु गो गेना हना यो एकेर बाक्‍नुङ। आं थुं एकेर बाक्‍शा, गो एको खिं कली गेना हना यो कोव़नुङ। १राजा ८:२९

२ इतिहास 30:27

मिनु चढ़ेबपुकी नु लेवीपुकी बोक्‍शा मुर आन कली आसीक गेमे बाक्‍त। मेको आन पुंइशो लोव़ परमप्रभु यावे आ बाक्‍तीक स्‍वर्ग सम्‍म नेंसे बाक्‍त।

भजन संग्रह 11:4

परमप्रभु यावे आ खिंमी बाक्‍ब। आ ठेयब नित्‍तीके स्‍वर्गम बाक्‍ब। मिनु उइ कोव़ना कोव़न मुर आन कली नाक्‍ब। हाबाकुक २:२०; यसैया ६६:१; भजन संग्रह ३३:१३-१४

भजन संग्रह 132:14

मिनु परमप्रभुमी “एकेर नाइक्‍नुङ। एकेर गेना हना यो बाक्‍नुङ, मारदे हना गो मेको दाक्‍नुङ।

भजन संग्रह 46:6

मिनु रागी रागी ङा मुरपुकी जिशा खेशा पाइनीम। राज्‍यपुकी क्‍याम्‍चा पुंइसीनीम। परमप्रभुमी आ सेंदा नेंपाइक्‍तु हना, रागी नेल्‍ल याइनीम।

भजन संग्रह 58:5

मिनु मन्‍तर तन्‍तर पाइब नु नु टुना मुना पाइब आन लोव़ मनेंनीम।

भजन संग्रह 78:65

मिनु नोले परमप्रभु निन्‍द्रा रे सेंसीशो खोदेंशो पा सेंसाक्‍व। लडाइ पाइब मुर अङगुर शांबु तूशा नोले रिम्‍शो दुम्‍शो खोदेंशो पा, ठेयब सेंदाम ग्रीत।

यसैया 16:9

मोपतीके गो सिब्‍मा ङा अङगुर बोट आ पर्बम याजेर खोदेंब पा ङाक्‍नुङ। गो इस कली आं प्रेक्‍कुम जिप्‍पाइक्‍नुङ। मारदे हना हेश्‍‍बोन नु एलेआले, इस अङगुर नु अन्‍न ओंइची नाक्‍त मजाक्‍ब। यसैया १५:४-९

यसैया 33:3

शुश रेयके नेंशा, जात जात ङा मुर प्रोक्‍नीम। इन सक्ति तशा, रागी रागी ङा मुर एर ओंथ ब्राइनीम।

यसैया 42:13

परमप्रभु यावे बोल्‍यो लडाइ पाइब खोदेंशो पा ग्रूब। लडाइ पाइब खोदेंशो पा आ जोंब बोक्‍पाइक्‍ब। मेको ठेयब रेयके पा ग्रीब। मिनु आ जोरी सत्रु आन कली आ ठेयब सक्ति कोंइब।

येरमीया 17:12

ङोंइती रे मान तशा बाक्‍शो इन सक्ति पाइश्‍शो नित्‍तीके आंइ ब्रोंइशा बाक्‍तीक बाक्‍ब। येरमीया ३:१७

येरमीया 25:38

गुप्‍सम खोदेंशो पा मेकोमी आ बाक्‍तीके प्रोंइतु। मारदे हना मेको आन रागी साइक्‍ब तरवार नु परमप्रभु आ गाइक्‍तीक आ पर्बम मुर मबाक्‍‍तीके दुम्‍त। येरमीया ४:७

येरमीया 48:33

मोआब ङा फल फुल रू रे ग्‍येरतीक नु थुं नाइ‍श्‍शा बाक्‍तीके जाम्‍ने थुम्‍तु। गो अङगुर ख्राक्‍तीक तेक्‍ता। सुइमी ग्‍येरशा ग्रीशा, मख्राक्‍‍नीम। मेको आन वाइ ब्रेश्‍शो ग्‍येरशा वाइ ब्रेश्‍शो ममाइ।

होसे 11:10

मेकोपुकी परमप्रभु यावे आ नोले खोइक्‍नीम। मेको चहिं गुप्‍स खोदेंशो पा ग्रीब। मिनु मोपा ग्रीमेनु, आ आलपुकी पच्‍छिम रे पा ख्रिंख्रि पना पन जाक्‍नीम। येरमीया २५:३०; होसे २:१

होसे 5:14

मारदे हना गो एफ्राइम कली गुप्‍स खोदेंशो नु यहूदा कली ठिटा गुप्‍स खोदेंशो दुम्‍शो बाक्‍नुङ। गो मेको आन कली खतम सेल्‍शा, आं लां खोइक्‍नुङ। गो मेको आन कली कुरशा लाइक्‍नुङ। मिनु मेको आन कली आं रे रोइक्‍ने मचाप्‍नीम। होसे १३:७; होसे ६:१

योएल 3:16

परमप्रभु यावेम सियोन रे ठेयब सेंदा पा लोव़ पाइब। यरूसलेम रे पा आ सेंदा नेंपाइक्‍ब। सरीङ नु रागी ख्रिंख्रि पाइनीस। तन्‍न परमप्रभु यावे आ मुर आन कली ख्रुइश्‍शा बाक्‍तीक नु इस्राएल ङा मुर आन कली बोल्‍यो ब्रोंइशा बाक्‍तीक दरवार दुम्‍ब। आमोस १:२

आमोस 1:2

मिनु मेकोमी “परमप्रभु यावे सियोन रे ठेयब सेंदा पा ग्री‍ब। मेकोम यरूसलेम रे पा ठेयब सेंदाम लोव़ पाइब। गोठला आन बी ब्‍यफ आन जोतीक रू नेल्‍ल सोव़ब। मिनु कारमेल डांडा आ ङर यो सोव़ब” देंत। येरमीया २५:३०; योएल ४:१६

आमोस 3:8

गुप्‍स ग्रीशो नेंशा, सु महिंबा? परमप्रभु यावे ब्‍वाक्‍मेनु, सुम आ लोव़ मपाइबा ङा?

जकरिया 2:13

रागी ङा मुर नेल्‍ल परमप्रभु यावे आ ङोंइती सिक्‍सी पा बाक्‍कीन। मारदे हना मेको आ बाक्‍तीक रे पा ग्रू‍शा जाक्‍‍शो बाक्‍ब। हबकुक २:२०

ब्‍यवस्‍था 26:15

इन स्‍वर्ग ङा बाक्‍तीके रे कोव़शा, इन मुर, इस्राएली, आंइ कली आसीक गेने। मिनु आंइ किकी पिपी नु कसम जशा गेशो शुश दूध नु खुदो बाक्‍शो रागी कली यो आसीक गेने” दे परमप्रभु कली लोव़ पचा माल्ब।

प्रकाश 19:15

मिनु मेको ङोंइती ङा बुश शारा ङोइक्‍ब आ शोव़ रे रागी रागी ङा मुर आन कली साइक्‍चा कली हेश्‍शो तरवार का ग्रूत। मिनु मेकोमी फलाम के कोक्‍केमी मेको आन कली सासन पाइब, नेल्‍ल सक्ति पाइश्‍शो परमप्रभु यावे आ गाइक्‍चा ङा कोल खोइलीमी दिम्‍ब। भजन संग्रह २:९; प्रकाश १४:१९-२०